Hogga
De Hogga isch a Sitzmäglischkeit ohne Lähn. Mä säit em au Schemel (über althoochdütsch [fuoʒ]scamil us spootlatiinisch scamillus, „Bänkli“ zu latiinisch scamnum, „Bank“) oder Daburett. Hocker si scho in dr Antike bekannt gsi. Im Middelalter isch s näben em Bangg s Sitzmöbel gsi, wo am witiste verbräitet gsi isch. Dr Stuel isch bis ins 16. Joorhundert vor allem für die Meebessere und für e Huusheer und si Frau doo gsi.
Schemel hai mäistens drei oder vier Bäi, d Mälchschemeli häi nume äins und wärde mit eme Rieme am Liib aabunde.
Sit em Ändi vom 16. Joorhundert säit mä Schemel mit vier Bäi, wo ufwändig gstaltet und bolsteret si, Daburett (französisch tabouret).[1]
Fuessnoote
- ↑ Meyers Konversations-Lexikon, 4. Auflage, Verlag des Bibliographischen Instituts, Leipzig und Wien 1890, Band 15, S. 486
Weblingg
Commons: Stools – Sammlig vo Multimediadateie
