Bar Mitzwa und Bat Mitzwa
Bar Mitzwa oder Bar Mizwa oder (aschkenasisch) Bar Mi(t)zwo (vo aramäisch בַּר ‚Soon‘ und hebräisch מִצְוָה ‚Gebot‘), für Mäitli Bat Mitzwa oder (aschkenasisch) Bat Mizwa oder Bas Mi(t)zwo (hebräisch בַּת מִצְוָה, Dochder vom Gebot‘) bezäichnet im Juudedum die religiöösi Mündigkäit und mit de Begriff isch dr Status, dr Daag und au d Fiir gmäint, won e Chind religiöös vollmündig wird und alle religiööse Gsetz muess folge. Buebe fiire iir Bar Mitzwa, wenn si drizääni wärde, Mäitli s Bat Mitzwa im Alter vo zwölfi.
D Idee vom Bar Mitzwa isch im spoote 13. Joorhundert entstande und het sich im 14. Joorhundert duuregsetzt, d Bat Mitzwa erst im 20. Joorhundert in de Reformgmäinde. Si Ursprung isch zwar religiöös und het zivilrächtlig kä Bedütig, aber d Fiir wird au vo sekuläre Juude begange, vilmol ooni iiri religiööse Aspäkt wie s Aaleege vo de Tefillin und s Vorlääse us dr Tora in dr Sünagooge.
Weblingg
[ändere | Quälltäxt bearbeite]
Commons: Bar Mitzwa – Sammlig vo Multimediadateie Commons: Bat Mitzwa – Sammlig vo Multimediadateie