لمداكرة د ويكيپيديا:لحكام د لمحتوى - التبديلات لهيكلية د لمحتوى
| هاد الصفحة صفحة د لمداكرة مخصصة للتحاور على لحكام د لمحتوى - التبديلات لهيكلية د لمحتوى. | |||
|---|---|---|---|
|
|||
- هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.
تعديلات أكتوبر 2020
[بدل لكود]تحية ل لمساهمين ف لمشروع. على حساب لجدول اللي تقتارح ف لبرلمان و التجربة ف الموسوعة، بانو هاد الليستا د لمشاكيل بخصوص هاد لحكام.
| المشكل | الفقرة | نوع المشكل | شكون اللي  معا التغيير
|
شكون اللي  ضد
|
الخلاصة |
|---|---|---|---|---|---|
| 1 - لأمغار مايحذفش نيشان | لحذف | صلاحية الأمغار باش يحذف دون نقاش كانو عليها تحفظات | أمين - تامر - Mohamed.mdb - | ||
| 2 - لمعيار د النقل | النقل | لحكام اللي كاينين دابا مامطبقينش، ماشي عمليين | أمين - تامر - Mohamed.mdb - أناس - | ||
| 3 - التسميات د الصلاحيات | عام - مربوط ب حكام ياخرين | را حنا مخدمين تسميات د الصلاحيات ف لحكام اللي ماعندناش (محرر مثلا) | أمين - تامر - Mohamed.mdb - أناس - | ||
| 4 - التراتبية د السياسات | عام - مربوط ب حكام ياخرين | كانشيرو ل بزاف د السياسات اللي ما زال ما كاينين | أمين - تامر - Mohamed.mdb - أناس - |
باش نسهلو النقاش، كل واحد من الجماعة يعبر على الرأي ديالو و غادي نحاول ندير تحيين د النص على حساب النقاش، و فاش كولشي يعبر على الرأي ديالو، نديرو تصويت على النص النهائي.
إشارة ل الزملاء: عبدالرحمان، رشيد أورقية، رضا، أناس، إلياس، إيديوفاجوس، آفاييل، مهدي، صديقي، دام سام، علي، Sami At Ferḥat، ، Sami At FerḥatMohamed.mdb، SharryX، سمير تامر
أي واحد منكوم بانوليه شي مشاكل ياخرين يقتارحهوم، الجدول ف الشكل و لمضمون ديالو مفتوحين ل التحسين.
النقاش و التصويت نساليوهوم إن شاء الله قبل 16 أكتوبر 2020. Tifratin (نقاش) 21:10، 9 أكتوبر 2020 (+01)
نقاش
[بدل لكود]| المشكل | نبدّلو لحكام؟ | التبرير |
|---|---|---|
| 1 | ضد
|
لحكام الحاليين فيهوم مسطرة ديال استرجاع الحذف، اللي بانتليه شي عملية حذف ماشي موفّقة، يطلب التراجع ف الصفحة.
إمغارن منتخبين من عند الجماعة باش يقررو دغيا و كايتفتارض أنهوم عارفين لحكام مزيان. الجماعة يمكنليها تسحب منهوم الصلاحية وقت ما بغات. |
| 2 | معا
|
صيغة مقترحة: تبقا الفقرة اللي كاينة دابا (مع التحيين د محرر ل مؤكد تلقائيا) و يتزاد عليها:
"أي مستخدم عندو گراد اكبر من "مؤكد تلقائيا" يمكن ينقل سمية أي صفحة ف لموسوعة ف هاد لحالات:
توصيات: لحالات لخرين، اللي يمكن يكونو السميات (لقديمة والجديدة) بجوجهوم مقبولين، من لأحسن (توصية ماشي إلزامية) باش لمساهم يقوم ب :
|
| 3 | معا
|
"محرر" تّبدّل ب "مؤكد تلقائيا" |
| 4 | معا
|
تّزاد ف "لحكام لكبار" قاعدة: "يلا ما كانوش عندنا لحكام ف شي مجال، كانعتابرو لحكام لكبار د مشاريع ويكيبيديا" |
- معا هادشي الل قتارحو خاي أمين. غير أوكان فديك لفقرة ديال التسميات دالصلاحيات كيفاش واش زعما مغاتبقاش شي حاجة سميتها صلاحية محرر ولاّ كيفاش؟--سمير تامر (نقاش) 12:43، 10 أكتوبر 2020 (+01)
- شكرا با تامر. هاديك غير باش تكون السياسة ما فيهاش شي "مفاهيم" اللي ما زالا ما كاينة. عمليا محرر (بحال اللي ف ويكيبيديا العربية) ماعندناش ، خاصنا بعدا نعرفوها و نخدموها تقنيا عاد نزيدوها ف السياسات.Tifratin (نقاش) 14:22، 10 أكتوبر 2020 (+01)
- آه صافي فهمت أالسي أمين. يحسابلي غايكونو غير إمغارن ومؤكدين تلقائيا. صافي متافق معاك. بالنسبة لحكام ديال لموحريرين حسن نديرو بحال ديال لفوصحى. --سمير تامر (نقاش) 14:36، 10 أكتوبر 2020 (+01)
- معا غير هو لموشكيل اللول ماخاصوش يتغيير حيتاش كاينين صفاحي مايحتاجوش نقاش --Mohamed.mdb (نقاش) 18:25، 11 أكتوبر 2020 (+01)
- عندي ملاحظة على لقضية ديال لحذف. را ماشي كلشي لعمليات بحال بحال. كاين حوايج لحذف ديالهم باين و ماخاصوش نقاش. و عاود من جهة خرا كاين حوايج خاصها تتناقش و ماشي كلشي كيشوفها بنفس الطريقة. عليها ما نقدرش نقول واش أنا مع ولا ضد تا نحدّدو لحالات و لا على لأقل لأنواع د لحذف. و فكّاع لحالات مزيان يكون إخبار ف شي بلاصة حيت هادي أتسهّل بزاف لا بغا شي واحد يناقش ولا يدير إعادة استرجاع. -- Anass Sedrati (نقاش) 18:32، 15 أكتوبر 2020 (+01)
- أناس عمليا شنو غانديرو؟ واش نجردو الحالات كاملين عاد نديرو السياسة ولا نبنيو الحالات ب طريقة تجريبية؟ بالنسبة للملاحظة الأخيرة ديالك را السياسة الحالية فيها استرجاع الحذف و كاين سجل الحذف اللي يمكن لينا نزيدو الرابط ديالو ف السياسة باش يكون معلوم ل الجماعة. المهم العملية تبقا réversible، كيف ما هي اليوم. يمكن مثلا نزيدو أن الطاگ ديال الترشيح للحذف يبقا ل واحد العدد د الأيام كحد أقصى باش تعطا الفرصة ل اللي بغا يصلح المقالة ولا يدافع على الوجود ديالها. بالنسبة ل الحالات راها محصورة ف 3: الحذف ب سباب الملحوظية و الموسوعية و الحذف ل أسباب الجودة (شكلا و مضمونا) و الحذف الروتيني اللي عندو طابع صيانة (صفحات معاودين مثلا). الأنواع ال 2 االوالا را عندهوم سياسات ديالهوم و تما فين خاص يتجردو الحالات.Tifratin (نقاش) 18:55، 15 أكتوبر 2020 (+01)
- أمين أنا فنظري ملًي شي مقالة تترشح للحذف و لا تتحذف يكون عندها شي تصنيف معاها، ونديرو تقسيم ديال التصنيفات على حساب النوع، بحال هاد لأنواع التلاتة اللي عطيتي. إلا كانت تا شي صفحة فيها الترشيحات أتكون مزيانة باش كل أمغار يضرب فيها دورة ملّي يكون عندو لوقت و يناقش لا بانتلو شي حاجة خاصها النقاش. شنو بانليك؟ -- Anass Sedrati (نقاش) 23:04، 15 أكتوبر 2020 (+01)
- أناس القالب الحالي كيزيد تصنيف "مقالة مرشحة باش تمسح"، يلا فهمت مزيان الاقتراح، القالب خاصو يولي ديناميك و يزيد السبب (ملحوظية + جودة موسوعية عيانة + حذف د الصيانة). خاص تامر و رضا يعاونونا باش القالب يولي كايتبدل على حسب السبب. يلا كان هادشي صعيب تقنيا، نزيدو ف التوثيق ديالو أن السبب (اللي هو حقل نصي مفتوح) ضروري يكون فيه التفصيل + يحل يدويا حلقة نقاش ف صفحة الحذف. حاجة أخرى نديرو أن القالب يبقى على الأقل 3 أيام (ب النسبة للنوعين 1 و 2) و النقاش ديالو مايفوتش أسبوع من آخر تدخل جوهري (قاعدة عامة ل أي نقاش تبديل هيكلي). شوف الصيغة الحالية د السياسة اللي كاينة دابا (الإضافات راهوم ب خط مايل). يلا كانت مزيانة نحطوها ل التصويت. Tifratin (نقاش) 10:34، 16 أكتوبر 2020 (+01)
- أناس وأمين راه صاوبت لقالب وراه كايتبدل على حساب السبب وحتى إلا كاين صفحة ديال النيقاش أولا إلا ماكايناش. يمكن ليكوم تشوفو لقالب هنا. تحياتي.. --سمير تامر (نقاش) 15:10، 16 أكتوبر 2020 (+01)
- الحصول، نتا أ تامر خاصّك شي قالب د يال السكر زرق فيه الذهب على هاد الخدمة الرائعة, الله يعطيك الصحة:).Tifratin (نقاش) 15:14، 16 أكتوبر 2020 (+01)
- مشكور خاي أمين وهدا واجيب. لموهيم هاهو لقالب وفيه أسباب لحدف اللي معروفة. إلى كان شي سباب خور معروف كتبوه هنا باش نزيدو فلقالب.--سمير تامر (نقاش) 15:49، 16 أكتوبر 2020 (+01)
- أناس عمليا شنو غانديرو؟ واش نجردو الحالات كاملين عاد نديرو السياسة ولا نبنيو الحالات ب طريقة تجريبية؟ بالنسبة للملاحظة الأخيرة ديالك را السياسة الحالية فيها استرجاع الحذف و كاين سجل الحذف اللي يمكن لينا نزيدو الرابط ديالو ف السياسة باش يكون معلوم ل الجماعة. المهم العملية تبقا réversible، كيف ما هي اليوم. يمكن مثلا نزيدو أن الطاگ ديال الترشيح للحذف يبقا ل واحد العدد د الأيام كحد أقصى باش تعطا الفرصة ل اللي بغا يصلح المقالة ولا يدافع على الوجود ديالها. بالنسبة ل الحالات راها محصورة ف 3: الحذف ب سباب الملحوظية و الموسوعية و الحذف ل أسباب الجودة (شكلا و مضمونا) و الحذف الروتيني اللي عندو طابع صيانة (صفحات معاودين مثلا). الأنواع ال 2 االوالا را عندهوم سياسات ديالهوم و تما فين خاص يتجردو الحالات.Tifratin (نقاش) 18:55، 15 أكتوبر 2020 (+01)
خلاصة
[بدل لكود] مسدود 
طبقّات النص د لحكام راه محيّن على حساب هاد التحسينات + تعادت الصياغة ديالو بما يناسب لقواعد اللغوية السارية. شكرا ل اللي ساهمو ف هاد التبديلات سمير تامر، أناس و السي محمد. إشارة ل باقي الزملاء عبدالرحمان، رشيد أورقية، رضا، إلياس، إيديوفاجوس، آفاييل، مهدي، صديقي، دام سام، علي، Sami At Ferḥat، SharryX.
Tifratin (نقاش) 13:37، 17 أكتوبر 2020 (+01)
لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.