Ríu Congu

Ríu Congu
Situación
País	República Democrática d'El Congu
Provincia	Kongo Central (es)
Tipu	ríu
Coordenaes	6°04′30″S 12°27′00″E / 6.075°S 12.45°E
	Ríu Congu Ríu Congu (Angola)
Datos
Altitú media	32 m
Conca hidrográfica	cuenca hidrográfica del Congo (es)
Superficie de la conca	401 450 000 km²
Llonxitú	4700 km
Caudal	41 800 m³/s
Nacimientu	Cataratas Boyoma (es) ; 11°46′16″S 26°30′46″E / 11.771°S 26.51269°E; Ríu Lualaba
Desembocadura	Océanu Atlánticu
Afluentes	ver Ríu Inkisi, Ríu Kasai, Ríu Lefini, Ríu Sangha, Ríu Ubangui, Ríu Tshuapa, Ríu Lomami, Ríu Lualaba, Ríu Chambeshi, Ríu Lukuga, Ríu Luvua, Ríu Aruwimi, Ríu Itimbiri, Ríu Luvu, Ríu Alima, Ríu Ambe, Ríu Lulonga, Ríu Ikelemba, Q3193787 , Kwilu (en) , Lilo (left tributary of the Lwalaba) (en) , Ríu Lindi, Lowa (Kivu/Maniema) (en) , Ríu Lufimi, Lwika (en) , Maiko (en) , Molua (en) , Ríu Mongala, Ríu M'pozo, Ríu Ndjili, Nsele River (en) , Ruki (en) , Ulindi River (en) , Lukunga River (en) , Likouala-Mossaka (en) , Q22357659 , Kambu (en) , Likouala aux Herbes (en) y Gobari (en) ;

El ríu Congu (tamién conocíu como Zaire) ye'l mayor ríu d'África central, tien un llargor de 4.380 km, que lu convierten nel segundu más llargu d'África (dempués del Nilu), la so conca toma una estensión de 3.700.000 km², que supón más de la décima parte de la superficie africana y qu'inclúi los territorios de la República Democrática d'El Congu y la República d'El Congu, según una gran parte de la República Centroafricana y dalguna parte del territoriu de Zambia, Angola, Tanzania, Camerún y Gabón. El ríu y los sos afluentes percuerren la segunda selva más grande del mundu, tres l'Amazonia. El Congu tamién ye'l segundu ríu más caudalosu del mundu dempués del Amazones, con 41.300 metros cúbicos per segundu, aproximadamente.

Tien la so nacencia en Zambia y percuerre la República Democrática d'El Congu, y y fai llinde cola vecina República d'El Congu. Nel cursu altu, nel que recibe'l nome de ríu Lualaba, sigue una trayeutoria constante escontra'l norte, hasta llegar a les catarates Boyoma, al altor de la ciudá de Kisangani, momentu nel que xira escontra l'oeste, formando una amplia curva.

El Congu traviesa en dos vegaes l'Ecuador y ye fácilmente navegable en seiciones de gran distancia, en particular ente Kisangani y el llagu Malebo, nos que mientres 1.685 km el ríu ye ampliu y fondu. Nesti llagu que supón un enanche del ríu, atópense les capitales Kinxasa y Brazzaville. Un pocu más al oeste de Kinshasa la corriente estrechase y cai per una cadena de catarates creaes por una serie de cañones fondos, conocíes como les «catarates Livingstone», onde flúi de manera violenta, el Congo solo asélase escontra Matadi (a 116 km del océanu Atlánticu) y Boma (a unos 70 km en llinia recta). Finalmente desagua nuna angosta llanada d'hinchente al traviés d'un estuariu (un solu calce) que tien casi 5 km d'anchor cerca de la pequeña ciudá de Muanda.

Anque les catarates de Livingstone torguen l'accesu a la zona navegable del Congo dende'l mar, esiste un ferrocarril que salva la distancia. Gran parte del comerciu del África Central pasa per esa vía ferrial, llevando mercancíes dende'l puertu de Boma a la parte navegable del Congo.

Referencies

Enllaces esternos