Рамігала

Горад Рамігала літ.: Ramygala Герб Сцяг Краіна Літва Павет Панявежыскі Раён Панявежыскі Сянюнія Рамігальская Каардынаты 55°30′40″ пн. ш. 24°18′10″ у. д. Першая згадка XIII стагоддзе Ранейшыя назвы Рамігола Горад з 1957 Вышыня цэнтра 69 м Тып клімату умерана-кантынентальны Насельніцтва ▼1 198 чал. (1 студзеня 2023) Часавы пояс UTC+2, летам UTC+3 Тэлефонны код (+370) 458 Паштовыя індэксы LT-38031 Афіцыйны сайт ramygala.lt (літ.) Рамігала на карце Літвы

Медыяфайлы на Вікісховішчы

Рамі́гала (літ.: Ramygala, традыцыйная беларуская назва — Раміго́ла)  — горад у цэнтральнай Літве, знаходзіцца ў Панявежыскім раёне Панявежыскага павета за 25 кіламетраў ад Панявежыса. Колькасць насельніцтва налічвае 1,7 тыс. чалавек. Горад знаходзіцца ў этнаграфічным рэгіёне Аўкштайція. Праз горад праходзіць аўтадарога Via Baltica. Чыгунка адсутнічае..

Гісторыя

Назва «Рамігола» ўпершыню сустракаецца ў XIII стагоддзі. У 1370 годзе паселішча было разрабавана рыцарамі Тэўтонскага ордэна. Прыкладна ў 1500 годзе быў пабудаваны касцёл. Пасля гэтага пачалося развіццё паселішча. У канцы XVI стагоддзя Рамігола атрымала права праводзіць штогадовыя кірмашы. У адрозненне ад шматлікіх іншых гарадоў Вялікага Княства Літоўскага, Рамігола ніколі не належала прыватнаму ўладальніку. Горад знаходзіўся ва ўласнасці Віленскага касцёла, а потым Віленскага ўніверсітэта.

Пасля падзелу Рэчы Паспалітай Рамігола трапіла ў склад Расійскай імперыі. У 1888 годзе з’явілася першая аптэка, а з 1895 года пачала дзейнічаць пошта.

Гімназія

Бальніца

З сярэдзіны XIX стагоддзя да 1950 года Рамігола была валасным цэнтрам, а потым, з 1950 да 1962 года цэнтрам раёна. Правы горада мястэчка атрымала ў 1957 годзе.

Насельніцтва

У 1799 налічвалася 185, у 1897 — 1 329, у 1923 — 1 246, у 1959 — 1 886, у 1970 — 2 113 жыхароў У 1976 насельніцтва складала 2 200 чалавек, у 1990 — 2 100 жыхароў, у наш час 1 643.

Спасылкі

• На Вікісховішчы ёсць медыяфайлы па тэме Рамігала