کاتی بەیتس

کاتی بەیتس
بە ئینگلیزی: Kathy Bates
لەدایکبوون	(١٩٤٨-٠٦-٢٨) ٢٨ی حوزەیرانی ١٩٤٨ مێمفیس، ویلایەتە یەکگرتووەکانی ئەمریکا
ناوی کاتی لەدایکبوون	Kathleen Doyle Bates
زمانی زگماکی	زمانی ئینگلیزی
زمانەکانی ئاخاوتن	زمانی ئینگلیزی
زمانی نووسین	زمانی ئینگلیزی
پەروەردە	Southern Methodist University، William Esper Studio، White Station High School، Pacific Conservatory of the Performing Arts
دەستپێکی چالاکی	١٩٧١
پاڵێوراوە بۆ	خەڵاتی ئۆسکار بۆ باشترین خانمەئەکتەری پاڵپشت، خەڵاتی ئۆسکار بۆ باشترین خانمەئەکتەری پاڵپشت، خەڵاتی ئۆسکار بۆ باشترین خانمەکتەر، خەڵاتی تۆنی بۆ باشترین خانمەئەکتەر لە شانۆ، خەڵاتی ئۆسکار بۆ باشترین خانمەئەکتەری پاڵپشت
وێبگە	http://mskathybates.com/
لە ویکیدراوە دەستکاریی زانیارییەکان بکە

کاتلین دایلی بەیتس (لە دایکبووی ٢٨ی حوزەیرانی ١٩٤٨) خانمەکتەر، شانۆکار و دەرھێنەرێکی ئەمریکییە. ئەو چەند خەڵاتێکی بەدەستھێناوە، لە نێویاندا جارێک خەڵاتی ئۆسکار، دوو جار خەڵاتی گۆڵدن گلۆب، ھەروەھا دوو جار خەڵاتی ئێمی پڕایم تایم.

کاتی شانۆی لە زانکۆی ساوزەرن مێتۆدیست خوێندووە، بەر لەوەی ماڵی بچێتە نیویۆرک سیتی ئەوا خۆی بۆ کاری ئەکتەری یەکلایی کردبوویەوە. ئەو لە سەرەتادا لە چەند بەرھەمێکی شانۆیی بە ڕۆڵی کورت دەردەکەوت. لە ساڵی ١٩٧١، بۆ یەکەمینجار لە فیلمی Taking Off دەرکەوت. لە ساڵانی حەفتا و ھەشتاکان بەبەردەوامی لە شانۆ و شاشەکانی سینەمادا دەردەکەوت، ئەو بەھۆی ڕۆڵگێڕانی لە شانۆی night, Mother، ئەوا پاڵێوراوکرا بۆ خەڵاتی تۆنی بۆ باشترین خانمەئەکتەری شانۆ. لە ساڵی ١٩٨٨، بەھۆی دەرکەوتنی لە شانۆی Frankie and Johnny in the Clair de Lune، خەڵاتی ئۆبی پێدرا.

لە ساڵی ١٩٩٠، بەھۆی بەشداریکردنی لە فیلمی Misery، خەڵاتی ئۆسکاری بۆ باشترین خانمەئەکتەر پێدرا، ھەر ئەم فیلمەش ناوبانگی زیاتری پێبەخشی. لە ساڵی ١٩٩٧، لە فیلمی تایتانیک ڕۆڵی مارگرێت براونی گێڕا، ئەم فیلمە لەوکاتەدا بووە پڕداھاتترین فیلمی مێژوو. دواتر سێ جار بووە پاڵێوراوی خەڵاتی ئۆسکار بۆ باشترین خانمەئەکتەری پاڵپشت بە فیلمەکانی Primary Colors (١٩٩٨)، About Schmidt (٢٠٠٢)، ھەروەھا بۆ فیلمی and Richard Jewell (٢٠١٩).