مۆسیقای سەمای ئەلیکترۆنی

مۆسیقای سەمای ئەلیکترۆنی (EDM)، ھەروەھا ناسراوە بە مۆسیقایەکی سەما، یان بە سادەیی سەما، جۆرێکی بەرفراوانە لە چەشنەکانی مۆسیقای ئەلیکترۆنی کە بە زۆری بۆ یانەی شەوانە، ڕەیڤ و فێستیڤاڵەکان دروست کراوە. بە شێوەیەکی سەرەکی لەلایەن دیجەیەکانەوە دووبارە بەکاردەھێنرێتەوە بۆ بەرھەمھێنانی تراکی تر، کە پێی دەوترێت تێکەڵەی دی جەی. بەرھەمھێنەرانی EDM ھەروەھا مۆسیقای خۆیان بە شێوەیەکی ڕاستەوخۆ لە کۆنسێرتێک یان فێستیڤاڵێکدا پێشکەش دەکەن.

لە کۆتایی ساڵانی ١٩٨٠کان و سەرەتای ساڵانی ١٩٩٠کان، دوای سەرھەڵدانی ڕەیڤکردن، ڕادیۆی نایاسایی، فێستیڤاڵە ژێرزەوییەکان، EDM بەناوبانگ بوو لە ئەورووپا؛ کەچی لە ویلایەتە یەکگرتووەکانی ئەمریکا، قبوڵکردنی کەلتووری ڕەیڤ لە دەرەوەی دیمەنە ھەرێمییەکان لە شاری نیویۆرک، فلۆریدا، ناوەڕاستی ڕۆژاوا و کالیفۆرنیا گشتگیر نەبوو؛ ھەرچەندە ھەردوو مۆسیقای ئەلیکترۆ و شیکاگۆ ھاوس کاریگەرییان ھەبوو لە ئەورووپا و جگە لە ئەمریکا خۆی. میدیا و پیشەسازیی تۆمارکردن بە ئاشکرا دوژمنایەتییان لەگەڵ ئەم چەشنە مۆسیقایە ھەبوو. ھەروەھا پەیوەندییەکی ھەستیار ھەبوو لەنێوان EDM و چاندی دەرمان، کە وای کرد حکوومەتەکان لە ئاستی ویلایەت و شاردا یاسا و سیاسەتەکان جێبەجێ بکەن بۆ وەستاندنی بڵاوبوونەوەی کەلتووری ڕەیڤ.

دوای ئەوە، لە ھەزارەی نوێدا، بەناوبانگی EDM لە سەرتاسەری جیھاندا زیادی کرد، بەتایبەتی لە ویلایەتە یەکگرتووەکانی ئەمریکا و ئوسترالیا. لە سەرەتای ساڵانی ٢٠١٠کاندا، زاراوەی «موزیکێکی سەماکردنی ئەلیکترۆنی» و دەستەواژەی «EDM» لەلایەن پیشەسازی مۆسیقای ئەمریکی و چاپەمەنی مۆسیقاوە پاڵپشتی دەکرا لە ھەوڵێکدا بۆ نوێکردنەوەی کلتووری ڕەیڤ ئەمریکی. سەرەڕای ھەوڵەکانی پیشەسازی بۆ دروستکردنی براندێکی دیاریکراوی EDM، دەستپێکی بەردەوامە لە بەکارھێنان وەک زاراوەیەکی سەرەک بۆ چەندین جۆر، لەوانە سەمای پۆپ، ھاوس، تەکنۆ، ئەلیکترۆ و ترانس، لەگەڵ ژێرچەشنەکانیان.

مێژوو

لە ماوەی ٤٠ ساڵی ڕابردوودا، EDM چەندین ژێرچەشنی دروست کردووە و ھەموویان پەرەیان سەندووە، بۆ نموونە؛ ھاوس، تێکنۆ، درەم ئێند بەیس، سەمای پۆپ و ھتد. گۆڕانی ستایلی لە ناو جۆرێکی EDM دامەزراو دەتوانێت ببێتە ھۆی سەرھەڵدانی ئەوەی کە پێی دەوترێت جۆرێکی لاوەکی. دووڕەگەزبوون، کە پێکھاتەی دوو یان زیاتر لە جۆرەکان تێکەڵ دەکرێن، دەتوانێت ببێتە ھۆی سەرھەڵدانی جۆرێکی تەواو نوێ لە EDM.

پەیوەندی لەگەڵ بەکارھێنانی دەرمان

مۆسیقای سەما پەیوەندییەکی درێژخایەنی ھەیە لەگەڵ بەکارھێنانی دەرمان، بەتایبەتی لەگەڵ کۆمەڵێکی بەرفراوانی دەرمانەکانی تر لەژێر ناوی «دەرمانەکانی یانە» دا پۆلێن کراون. ڕەسڵ سمیت ئاماژەی بەوە کرد کە پەیوەندی نێوان ماددە ھۆشبەرەکان و کەلتورە لاوەکییەکانی مۆسیقا بە ھیچ شێوەیەک تایبەت نەبوو بە مۆسیقای ئەلیکترۆنی، و ئاماژەی بە نموونەی پێشووی جۆرەکانی مۆسیقا کرد کە پەیوەست کرابوون بە ماددەی ھۆشبەرەوە، وەک ڕۆکی دەروونی و LSD، مۆسیقایەکی دیسکۆ و کۆکاین، و مۆسیقەی پانت و ھیرۆین.

ئەو حەبانەی سەرەوە نموونەی باوی ماددەی ھۆشبەری ئێکستەسین.