Barry Jones

Y Gwir Anrhydeddus Yr Arglwydd Jones KBE
Ysgrifennydd Gwladol Cysgodol Cymru
Yn ei swydd 9 Ionawr 1989 – 18 Gorffennaf 1992
Arweinydd	Neil Kinnock
Rhagflaenydd	Alan Williams
Olynydd	Ann Clwyd
Yn ei swydd 2 Hydref 1983 – 13 Gorffennaf 1987
Arweinydd	Neil Kinnock
Rhagflaenydd	Alec Jones
Olynydd	Alan Williams
Aelod o dros Alun a Glannau Dyfrdwy Dwyrain Sir y Fflint (1970-1983)
Yn ei swydd 18 Mehefin 1970 – 7 Mehefin 2001
Rhagflaenydd	Eirene White
Olynydd	Mark Tami
Manylion personol
Ganwyd	(1938-06-26) 26 Mehefin 1938
Cenedligrwydd	Cymreig
Plaid wleidyddol	Blaid Lafur

Mae Stephen Barry Jones, y Barwn Jones, CC (ganwyd 26 Mehefin, 1938) yn wleidydd y Blaid Lafur yn y Deyrnas Unedig.

Cefndir

Cafodd Jones ei eni ym Mancot, Sir y Fflint ym 1938 a'i addysgu yn Ysgol Ramadeg Penarlâg a Choleg y Normal, Bangor. Cyn cael ei ethol i'r Senedd fe fu'n athro ac yn llywydd Undeb Cenedlaethol yr Athrawon yn Sir y Fflint. Bu hefyd yn gwasanaethu am ddwy flynedd yn y Ffiwsilwyr Brenhinol Cymreig o dan drefn Gwasanaeth Cenedlaethol.

Gyrfa wleidyddol

Safodd Jones ar gyfer y Senedd am y tro cyntaf yn Northwich ym 1966 gan fethu cael ei ethol. Ym 1970 safodd yn Nwyrain Sir y Fflint yn etholiad 1970 a bu'n cynrychioli'r sedd fel Aelod Seneddol hyd ddiddymu'r etholaeth ym 1983 pan gafodd ei ethol i sedd newydd Alun a Glannau Dyfrdwy ym 1983.

Roedd yn Is-ysgrifennydd seneddol Gwladol dros Gymru o 1974 hyd 1979.

Ym 1994 cafodd Jones yn ei benodi gan y Prif Weinidog John Major yn aelod o'r Pwyllgor Diogelwch Cudd-wybodaeth newydd gan wasanaethu hyd 2001.

Wedi ei ymddeoliad o Dŷ'r Cyffredin dyrchafwyd Jones i Dŷ'r Arglwyddi gan ddwyn y teitl Y Barwn Jones, o Lannau Dyfrdwy yn Sir Clwyd.

Yn Anrhydeddau Pen-blwydd y Frenhines 1999, cafodd ei ddyrchafu i'r Cyfrin Gyngor.

Swyddi eraill

Yn 2007 cafodd ei ethol yn Llywydd NEWI (Prifysgol Glyndŵr) a Chafodd ei ddyrchafu'n Ganghellor y brifysgol yn 2009.

Bywyd personol

Mae'r Barwn Jones yn gefnogwr brwd o Glwb Pêl-droed Everton.