Llew Smith

Llew Smith
	Llew Smith
	Aelod Senedd Ewrop dros Dwyrain De Cymru
	Cyfnod yn y swydd; 17 Mehefin 1984 – 9 Mehefin 1994
Rhagflaenydd	Sefydlwyd yr etholaeth
Olynydd	Glenys Kinnock
	Aelod Seneddol dros Flaenau Gwent
	Cyfnod yn y swydd; 10 Ebrill 1992 – 11 Ebrill 2005
Rhagflaenydd	Michael Foot
Olynydd	Peter Law
Geni	16 Ebrill 1944;
Marw	26 Mai 2021 (77 oed);
Plaid wleidyddol	Y Blaid Lafur

Gwleidydd Cymreig Llafur oedd Llewellyn Thomas Smith (16 Ebrill 1944 – 26 Mai 2021), oedd yn fwy adnabyddus fel Llew Smith. Roedd yn aelod seneddol Blaenau Gwent yn ne-ddwyrain Cymru. Roedd yn aelod o'r Grŵp Ymgyrchu Sosialaidd (Socialist Campaign Group).

Bu farw o ganser yn Mai 2021 yn 77 mlwydd oed.^[1]

Safbwynt am Gymru a'r Gymraeg

Daeth yn AS Blaenau Gwent yn 1992, a bu'n ASE yn Senedd Ewrop cyn hynny. Roedd yn un o'r ASau Llafur Cymreig, fel Neil Kinnock, a wrthwynebodd sefydlu Cynulliad Cenedlaethol Cymru ac a ymgyrchodd yn ei erbyn adeg y Refferendwm, er nad oedd yn un o'r "Gang o Chwech" ei hun. Yn ogystal roedd yn feirniadol o bolisïau i hybu'r iaith Gymraeg. Sefodd i lawr fel AS yn etholiad cyffredinol 2005.

Mewn ymateb i sylwadau gan Gwilym ab Owain yng Ngheredigion a Seimon Glyn yng Ngwynedd ynglŷn â phroblem y mewnlifiad i'r bröydd Cymraeg a'r angen am gael tai i bobl leol, honodd Llew Smith fod Plaid Cymru "yn fudiad hiliol".^[2]

Ym Mehefin 2003, wrth roi dystiolaeth i'r Comisiwn Richard, a sefydlwyd i ystyried rhoi pwerau ychwanegol i'r Cynulliad Cenedlaethol, dywedodd mai "rheitiach fyddai ystyried rhoi rhai o bwerau'r cynulliad yn ôl i gynghorau lleol neu senedd San Steffan yn hytrach na sôn am eu ehangu." ^[3]

Cyfeiriadau

↑ Cyn-Aelod Seneddol Blaenau Gwent, Llew Smith, wedi marw yn 77 oed , Golwg360, 27 Mai 2021.
↑ [1] erthygl ar safle'r BBC.
↑ [2] Archifwyd 2009-08-07 yn y Peiriant Wayback Tystiolaeth Llew Smith i'r Comisiwn Richard, Mehefin, 2003.

Senedd Ewrop
Rhagflaenydd: Etholaeth newydd	Aelod Senedd Ewrop dros Ddwyrain De Cymru 1984 – 1994	Olynydd: Glenys Kinnock
Senedd y Deyrnas Unedig
Rhagflaenydd: Michael Foot	Aelod Seneddol dros Flaenau Gwent 1992 – 2005	Olynydd: Peter Law

[1] Cyn-Aelod Seneddol Blaenau Gwent, Llew Smith, wedi marw yn 77 oed , Golwg360, 27 Mai 2021.

[2] [1] erthygl ar safle'r BBC.

[3] [2] Archifwyd 2009-08-07 yn y Peiriant Wayback Tystiolaeth Llew Smith i'r Comisiwn Richard, Mehefin, 2003.

[1]

[2]

[3]