Auckland
|
C'l artìcul chè 'l è scrit in
Miranduléś |
Auckland (a s lèś /ˈɔːklənd/ in Ingléś) l'è na sità dla Śelànda Nóva, divìśa in trédas repàrt, ch'la s cata in dl'Ìśula dal Nòrd in frònt a 'l Gōlf 'd Hauraki. Al sò nóm in māori, ch'i 'l aṅ tiràda sù in dal XIV sécul a 'l incìrca prima ch'i rivìsan gl'ingléś, 'l è Tāmaki Makau Rau.
La sità, cgnusùda anc c'n al scutmàj 'd City of Sails, la pōl cuntàr su un migliòṅ e quàtar 'd abitànt, al 32% di neuśelandéś. Al sò sìndig 'l è Len Brown. Par la Mercer Quality of Living Survey, Auckland l'è a 'l quàrt pòst a 'l mónd par la qualità dla vita e a 'l tredicéśum pòst ad qvéli più vérdi.
Al sò méś più fréd 'l è Luj (ùndas grâd 'd mèdia durànt al vint-quàt'r óri) méntar qvél più cald 'l è Favràr. Dimóndi impurtànt par la sò ecunumìa i èṅ l'indùstria, i cumèrs, i servìsi e 'l turìśum.
Persunàǵ ligâ a Auckland
- Pauly Fuemana, cantànt
- Bruce McLaren, pilòta e fundadōr dla scuderìa 'd Fórmula 1 McLaren
- Sir Peter Blake, velìsta vinsidōr dla Cópa Amèrica
- Dean Barker, velìsta