Peso

Peso laŭ PIV estas

• 1-e la ago mezuri la pezon de objekto, komparante tiun pezon kun alia pezo, elektita kiel unuo

	„ Ili pesis al mi kiel mian laborpagon tridek arĝentajn monerojn.MT ”

	„ Ĝi estus pli peza ol la sablo ĉe la maroj.MT ”

• 2-e en filozofio, la ago juĝi la meritojn kaj malmeritojn de homo

	„ Mi pesas la pensojn en la pesiltaso de mia kolero kaj la farojn mi pesas per la pesilo de mia furiozo.Z ”

• 3-e la ago taksi la relativan valoron aŭ gravecon de io, por tion akcepti aŭ malakcepti

	„ La sorto de ŝtato estas nun pesata.B ”

	„ Konfesite, pesite, forgesite. ”

La "dolara signo" origine estis simbolo de la monunuo peso hispana kaj devenas el unu el la simboleroj de la blazono de Hispanio nome stilizo de unuopa kolono kio en la blazono estas ambaŭflankaj duopaj kolonoj

• 4-e monunuo en diversaj, plejparte sudamerikaj, landoj, kun diversaj valoroj

---

En ekonomia senco, la kvara laŭ la supra listigo, peso (hispane "pezo") origine estis valuto el Hispanio (poste en Hispanio kiel valuto enkondukiĝis "malgranda peso", la peseto) kaj nuntempe signas la nomon de malsamaj valutoj el pluraj eksaj kolonioj de Hispanio. La dolara signo $ origine estis simbolo de la hispane meksika monunuo peso kaj nur poste ekuziĝis por la usona dolaro. La signo nuntempe uziĝas kiel universala valuta simbolo por ĉiuj valutoj nomataj dolaro aŭ peso.

Nuntempaj valutoj

• Argentina peso en  Argentino
• Ĉilia peso en  Ĉilio
• Kolombia peso en  Kolombio
• Kuba peso kaj konvertebla kuba peso (peso convertible) en  Kubo
• Dominga peso en  Dominika Respubliko
• Meksika peso en  Meksiko
• Filipina peso en  Filipinoj
• Urugvaja peso en  Urugvajo

Krome en la sekvaj internaciaj organizaĵoj ekzistas "peso" kiel kalkula unuo:

• en la Sistemo pri Integrigo de Centra Ameriko (Sistema de Integración Centroamericana) la Peso Centroamericano ("peso centramerika"), kiu en rilato 1:1 egalas al la kurzo de la usona dolaro;
• en la Anda Komunumo la Peso Andino ("anda peso").

Plue la peso historie estis la oficiala valuto

• inter 1963 kaj 1988 en  Bolivio,
• ĝis 1925 en  Gvatemalo,
• inter 1975 kaj 1997 en  Gvineo-Bisaŭo kaj
• inter 1862 kaj 1926 en  Honduro.