Vidi fonton por Finnlando

{{Informkesto lando
|eonomo = Finnlando
|nomoenlokalingvo = Suomi <small>([[Finna lingvo|finne]])</small><br />Finland <small>([[Sveda lingvo|svede]])</small>
|lokigo-bildo = [[Dosiero:Location_Finland_EU_Europe.png|300px|Lokigo]]
|lingvoj = oficialaj: [[Finna lingvo|finna]], [[Sveda lingvo|sveda]]
|religio = [[Kristanismo|kristanoj]]: [[Luteranismo|luteranoj]] 80,6%, [[Ortodoksismo|ortodoksuloj]] 1,1%
|km2 = 338145
|akvo = 9.4
|loĝantaro = {{WikidataLoĝantaro}}
|loĝantaro-jaro = {{WikidataLoĝantaroDato}}
|loĝdenso = 16
| horzono = [[UTC+02:00]];{{-}}somere [[UTC+03:00]]
|ĉefministro = [[Petteri Orpo]] ekde junio 2023
|nacia tago = 6-a de decembro
|sendependeco = deklarita la 6-an de decembro 1917; disde [[Rusio]]
|esperanto-asocio = [[Esperanto-Asocio de Finnlando]]
}}
'''Finnlando''' ({{lang-fi|Suomi}}, {{lang-sv|Finland}}) estas parlamenta respubliko en Norda Eŭropo. Ĝin limas Svedio, Norvegio, la [[Rusa Federacio]] kaj la [[Balta Maro]]. La historio de Finnlando estas proksime rilata al la historio de najbara Svedio.

La lando havas 5,6 milionojn da loĝantoj, kaj ĝia areo (sen maro) estas 338 462 km². Tiel ĝi estas unu el la plej maldense loĝataj landoj en Eŭropo. La loĝantaro koncentriĝas en la sudaj kaj sudokcidentaj partoj de la lando, kie situas ankaŭ la ĉefurba regiono [[Helsinko]] kun 1,3 milionoj da loĝantoj kaj la du sekve plej grandaj urboregionoj [[Tampereo]] (342 miloj) kaj [[Turku]] (278 miloj). <ref name="popolstat"> [https://www.stat.fi/til/vaerak/meta.html Oficiala statistiko de Finnlando, strukturo de la loĝantaro (''Suomen virallinen tilasto: Väestörakenne'')]. ISSN 1797-5379, konsultita la 16-an de oktobro 2021</ref>

La konstitucio de Finnlando difinas egale la [[Finna lingvo|finnan]] (gepatra lingvo de 86,9 %<ref>https://www.stat.fi/til/vaerak/2020/vaerak_2020_2021-03-31_tau_002_fi.html Lingva statistiko 2020</ref>) kaj [[Sveda lingvo|svedan]] (5,2 %) kiel la naciajn lingvojn kaj aldonas la rajtojn de [[sameoj]] kaj [[romaoj]] kaj aliaj grupoj vivteni siajn kulturojn kaj lingvojn. Aparta leĝo difinas la uzosferojn de la lingvoj de la indiĝena popolo sameoj. <ref>name="konst" https://finlex.fi/fi/laki/ajantasa/1999/19990731 {{Webarchiv|url=https://web.archive.org/web/20190430230530/http://www.finlex.fi/fi/laki/ajantasa/1999/19990731 |date=2019-04-30 }} Konstitucio de Finnlando</ref> La insulara provinco [[Alando]] havas aŭtonoman statuson, kaj ĝia sola oficiala lingvo estas la sveda.

En prahistorio, la unuaj homoj alvenis al la teritorio de la nuna Finnlando antaŭ ĉ. 10 000 jaroj, post la fino de la [[glaciepoko]], kaj la lando restis daŭre loĝata ekde tiam.

Dum la unuaj jarcentoj de la dua jarmilo, la landon atingis kristanismo de okcidente kaj de oriente, kaj la teritorio iĝis parto de la vastiĝanta [[Svedio]], ties orienta duono. Ekde la 18-a jarcento ĉe la orienta limo plifortiĝis premo de la [[Rusa imperio]], kaj en 1809, post milito inter la [[Reĝlando Svedio]] kaj la [[Rusa Imperio]], la lando estis ligita al Rusio. Tie, kiel [[Grandprinclando Finnlando]], ĝi ĝuis rimarkindan aŭtonomecon.

La [[Ŝtatrenverso|ŝtatrenversaj]] [[Revolucio|revolucioj]] de la [[Rusa Imperio]] en 1917 ebligis al Finnlando apartiĝon el la falinta imperio. La 6-an de decembro 1917 la [[Parlamento de Finnlando|parlamento]] akceptis [[Finna Deklaro de Sendependo|deklaron pri sendependeco de Finnlando]]. La deklaron sekvis [[Finna Enlanda Milito|interna milito]] en januaro–majo 1918. En junio 1919 la parlamento definitive akceptis [[Respubliko|respublikan]] konstitucion.

Ekde 1955 Finnlando estas membro de [[Unuiĝintaj Nacioj]]. En 1995 la lando aliĝis al [[Eŭropa Unio]] kaj la 1-an de marto 2023 la [[finnlanda parlamento]] voĉdonis favore al aliĝo al [[NATO]]; ĝi estis akceptita en la organizo la 4-an de aprilo 2023.

== Pri la nomo de la lando ==
En la [[Finna lingvo|finna]] ĝi nomiĝas ''Suomi'', en la [[Sveda lingvo|sveda]] ''Finland''. En multaj aliaj lingvoj la nomo estas, aŭ similas al, Fin(n)land(ia). En Esperanto la plej ofta nomo estas «Finnlando», en kiu «finn» estas la radiko (do la anoj de la ĉefa etno nomiĝas «[[finnoj]]»); uzante la saman radikon, ankaŭ eblas nomi la landon «Finnujo» aŭ «Finnio» (kvankam tiuj formoj maloftas).

Ĉar al kelkaj malplaĉas neprononceblo de la duobla konsonanto en la radiko «finn»<ref>Oni jes povas escepte prononci «finno» simile al ''sen-noma'', distribuante ''nn'' inter du silaboj; tamen tio fiaskas pri ''nnl'' el «Finnlando»: unue, la sialbokomenca ''nl'' el ''Fin-nlando'' estas ne nur nekutima, sed eĉ fonetike malebla por multaj esperantistoj; due, tia dissilabado kolizius kun la morfologio (kp ''Gron-lando''). La dissilabado ''Fin-n-lando'' implicas silabofaran [n̩], kiu en Esperanto ne ekzistas.</ref>, iuj uzas la radikon «suom» anstataŭe, do nomas la landon ''Suomio'' aŭ ''Suomujo''. Tiu formo plaĉas al iuj esperantistoj — ne nur tial, ke ĝi devenas de la finnlingva vorto ''Suomi'' anstataŭ el fremda fonto, sed precipe ĉar ĝi evitigas la leksikan kolilizion de «Fin-lando» kaj la neprononceblon de «Fi'''nnl'''ando», «fi'''nnl'''ingva» kaj tiel plu.

Aliaj preferas uzi la radikon «finland» por la lando, do diri «Finlando»; la loĝantoj tiam nomiĝas «finlandanoj» (tio do malebligas facile distingi inter loĝantoj de Finnlando kaj la etnaj finnoj: ekzemple ĉu la finnlandaj [[sameoj]], kiuj ja estas «fi'''nn'''landanoj» kaj «suom'''i'''anoj», estas ''fi'''n'''landanoj''?).

== Geografio ==
[[Salpausselkä]] (elparolo: [ˈsɑlpausˌselkæ]) estas la tri paralelaj altaj terkrestoj en Suda Finnlando.

== Ĉefaj urboj ==
[[Dosiero:Suurkirkko Helsinki maaliskuu 2002 IMG 0629.JPG|eta|maldekstra|250x250px|Helsinki: luterana katedralo, urbdomo, venda placo, la Suda haveno, marto 2002]]
Finna nomo, ''sveda nomo'' (nombro de loĝantoj)
* [[Helsinki]], ''Helsingfors'' (628&#8239;208; 2015-12-31)
* [[Espoo]], ''Esbo'' (269&#8239;802; 2015-12-31)
* [[Tampere]], ''Tammerfors'' (225&#8239;118; 2015-12-31)
* [[Vantaa]], ''Vanda'' (214&#8239;605; 2015-12-31)
[[Dosiero:Aura river, autumn flood.jpg|eta|maldekstra|250x250px|Turku: la rivero Aura dum aŭtuna alta akvonivelo|alternative=]]
[[Dosiero:Koli National Park in Northern Karelia.jpg|eta|Pielinen]]
* [[Oulu]], ''Uleåborg'' ( 200&#8239;071; 2016-09-19)
* [[Turku]], ''Åbo'' (185&#8239;908; 2015-12-31)
* [[Jyväskylä]] (138&#8239;997; 2016-01-31)
* [[Lahti]], ''Lahtis'' (102&#8239;358; 2012-01-31)
* [[Kuopio]] (97&#8239;552; 2012-01-31)
* [[Kouvola]] (87&#8239;592; 2012-01-31)
* [[Pori]] ''Björneborg'' (83&#8239;510; 2014-09-30)

== Administra divido ==
{{Ĉefartikolo|Provincoj de Finnlando}}
20 [[Provincoj de Finnlando|provincoj]] (''maakunta''), 342 komunumoj (''kunta'').

=== Gubernioj ===
Pro reorganizo de la regiona ŝtata administrado la gubernioj (finne ''lääni'') estis malfonditaj fine de 2009.

Ĝis la {{dato|31|decembro|2009}} estis ses gubernioj en Finnlando:
* [[Suda Finnlando]] (''Etelä-Suomen lääni'')
* [[Orienta Finnlando]] (''Itä-Suomen lääni'')
* [[Okcidenta Finnlando]] (''Länsi-Suomen lääni'')
* [[Oulu-gubernio]] (''Oulun lääni'')
* [[Laponia gubernio]] (''Lapin lääni'')
* [[Alando]] (''Åland/Ahvenanmaa'')

== Lingvoj ==
La ''naciaj lingvoj'' (tiu termino estas praktike same ol ''oficiala lingvo'' en multaj aliaj landoj kaj ''ĉeflingvo'' en Svedio) de Finnlando estas la [[Finna lingvo|finna]] kaj la [[Sveda lingvo|sveda]], kiujn la konstitucio difinas la naciaj lingvoj. Specialan statuson havas ankaŭ la [[samea lingvo|samea]] en la kvar plej nordaj komunumoj de la lando. La konstitucio certigas la rajton de sameoj (kiel indiĝena popolo), ciganoj kaj aliaj grupoj vivteni kaj evoluigi sian lingvon kaj kulturon. [[sveda lingvo en Finnlando|La sveda havas vere fortan pozicion en la finnlanda historio]]. Ĝi estis en la lando plu fino de la 19-a jarcento la plej grava lingvo en la administro kaj la altkulturo. Relative ĝi ankaŭ havis multe pli denaskaj parolantoj ol nun. La finnlanda [[sveda]] parte malsimilas al la svedia sveda, ''rikssvenska'' ("regna sveda").

La finna estas la gepatra aŭ ĉefa lingvo de proksimume 92% de la loĝantaro<ref>{{Citaĵo el la reto |url=http://www.stat.fi/tup/vaesto/index_en.html |titolo=Arkivita kopio |alirdato=2008-04-06 |arkivurl=https://web.archive.org/web/20071001005627/http://www.stat.fi/tup/vaesto/index_en.html |arkivdato=2007-10-01 }}</ref>) kaj la sveda de 5,5%<ref>{{Citaĵo el la reto |url=http://www.stat.fi/tup/vaesto/index.html |titolo=Arkivita kopio |alirdato=2008-04-06 |arkivurl=https://web.archive.org/web/20070921121941/http://www.stat.fi/tup/vaesto/index.html |arkivdato=2007-09-21 }}</ref>). Aliaj lingvaj malplimultoj estas la rusa (ĉ. 0,8%) kaj la estona (ĉ. 0,3% de la loĝantaro). La [[Sameaj lingvoj|samean]] lingvon denaske parolas proksimume kvarono el la pli ol 7 mil finnlandaj sameoj. Estas [[Cigano|cigana]] komunumo de proksimume 10&nbsp;000 homoj.

Multaj urboj havas oficialan nomon en ambaŭ naciaj lingvoj: ekzemple la ĉefurbo estas ''Helsinki'' en la finna, ''Helsingfors'' en la sveda, simile ''Turku''/''Åbo'', ''Vaasa/Vasa''. En oficiale dulingvaj komunumoj ankaŭ la stratnomoj kaj vojmontrilaj tekstoj estas dulingvaj. Por internacia uzo oni rekomendas unuavice la nomon uzatan en la lingvo de la plimulto, ekz. ''Jakobstad'' por la urbo, kies nomo en la finna estas ''Pietarsaari''.

Konvencian esperantigitan nomon havas preskaŭ nur la tri urboj, kie okazis Universala Kongreso de Esperanto, kaj la urbo de la 36-a Internacia Junulara Kongreso: [[Helsinko]], [[Tampereo]], [[Lahtio]] kaj [[Raŭmo]]. Komence de la 20-a jarcento estis uzata ankaŭ la esperanta nomo ''Helsingforso'' por Helsinko. En la praktiko la uzado ankoraŭ varias, kaj oni ofte vidas ankaŭ la neadaptitajn nomojn ''Helsinki'', ''Tampere'' kaj ''Lahti''. Esperantigoj de aliaj urbonomoj estas tre maloftaj.

Municipo estas oficiale dulingva en Finnlando, se almenaŭ 3&nbsp;000 personoj aŭ 8% de la loĝantaro parolas la malplimultan lingvon. En la insulara provinco [[Alando]] tamen nur la sveda lingvo estas oficiale uzata.

Unu el la konkurencaj avantaĝoj en Finnlando estis la scipovo de lingvoj. Ĝis la mezlernejo ĉiuj lernas almenaŭ du fremdlingvojn, ĉefe la anglan kaj devige la finnan aŭ la svedan. Laŭ okazinta en [[2005]] studo (''Eurobarometer''), 60% de la finnlanda loĝantaro asertis, ke ili scipovas paroli la anglan, 38% la svedan kaj 17% la germanan<ref>[http://ec.europa.eu/public_opinion/archives/ebs/ebs_237.en.pdf studo "eŭropanoj kaj lingvoj"] de 2005 (jen {{en}})</ref>.

== Ekonomio ==
[[Dosiero:Finland_nature.jpg|eta|450x450ra|Naturo en Finland ]]
[[Dosiero:Finland_Exports_Treemap_2017.svg|eta|Proporcia reprezento de eksportataj produktoj de Finnlando, 2017]]
La finna ekonomio estas karakterizita per fortaj [[Sindikato|sindikatoj]] kovrantaj proksimume 80% de la laborantaro. La finna registaro kaj la finna Nacia Asekurentrepreno posedas signifan parton de la finna industrio. La egaleco de disponebla enspezo en Finnlando estas tre alta kaj staras je 0,21 laŭ la [[Gini-indekso]].

Historie, Finnlando estis konsiderata ekonomie malsukcesa lando en komparo kun aliaj eŭropaj landoj, kaj specife multe malantaŭ siaj skandinavaj najbaroj. Ekde 80-aj jaroj de la 20-a jarcento, Finnlando estas industriigita kaj fariĝis riĉa lando, kun ĉefe [[merkata ekonomio]] kaj tamen funkciigas bonevoluintan socialsistemon laŭ [[socialdemokratio]]. La ĉefaj kaj tradiciaj industrioj en Finnlando estas la [[ligno]] kaj [[papero]], [[metaloj]], elektronikaj kaj telekomunikaj industrioj. [[Internacia komerco]] ludas gravan rolon en la finna ekonomio, kun eksportaĵoj respondecas pri preskaŭ triono de [[MEP]].

Pro la severa klimato, agrikulturo en Finnlando estas limigita kaj ne estas destinita por eksporto, sed nur por kontentigi la bezonojn de la loka merkato. En 2003, Finnlando eniris [[Recesio|recesion]] pro la ekonomia situacio en la mondo sed eliris el ĝi dum 2004.

Socie, Finnlando similas al la skandinavaj landoj. Vasta socia subteno, laborleĝoj kiuj ĝenerale pli tendencas favori la laboristojn. Ĝi estas konsiderata multloke kiel ekzempla tiurilate, kiam unuflanke ĝia ekonomio estas malfermita kaj evoluinta, kaj aliflanke ĝi havas ampleksan subtenon por laboristoj kaj eĉ de la ekonomiaj malfortuloj.

En 2012, Finnlando eniris recesion kiu daŭris ĝis junio 2014, post la kolapso de la nacia entrepreno [[Nokia (kompanio)|Nokia]], kiu kontribuis ĉirkaŭ 4% ĉiujare al la MEP de la lando. En 2014, la kredittaksado de Finnlando falis de perfekta (AAA) al "preskaŭ perfekta" (AA+) ĉefe pro la granda [[nacia ŝuldo]]. Tamen, la ekonomia perspektivo de la lando altiĝis de "negativa" al "stabila".

Ek de novembro 2015 oni decidis fari unuaspecan eksperimenton de fiksa salajro sur civila bazo, kiu solvus la senlaborecproblemon, kiun suferis la lando dum la ekonomia krizo. La celo de la procezo estis simpligi la finnan bonfaran sistemon tiel ke ĝi estu alirebla por ĉiuj, kaj en la unua fazo de la eksperimento estis decidite, ke la monhelpo estos donita al fraŭlaj patrinoj kun infanoj kaj al la senlaboruloj kiuj perdis sian laborpostenoj en la periferiaj urboj de Finnlando por ke la aŭtoritatoj povu ekzameni kiel tio progresigas la socion kaj kiel ĝi estas aplikebla.

Dum la unua monatoj de 2016, Finnlando kreskis pli ol atendite, je ĉirkaŭ 1,6%, pro multaj reformoj kaj la antaŭvidoj atestis la degelon de la ekonomia stagnado en kiu la lando estis en antaŭaj jaroj. En April 2018, estis decidite nuligi la eksperimenton.
* GNP: totala - 139,7 miliardoj da eŭroj; pokapa - 26&nbsp;863 eŭroj (2002).
* Eksporto''':''' elektronikaj kaj elektraj varoj 27,5 %; metaloj, maŝinoj kaj veturiloj 27,1 %; papero, celulozo kaj lignaĵoj 25,7 %; kemiaĵoj 11,5 %, alio 8,2 % (2002).

== Politiko ==
Ŝtatestro de Finnlando estas [[prezidanto de Finnlando|prezidanto de la respubliko]] (finne ''tasavallan presidentti'', svede ''republikens president''). Jare 1919 – 2000 Finnlando havis duon-prezidentan sistemon kaj forto de la prezidanto estis granda speciale en periodoj de [[Urho Kekkonen]] (prezidanto de la respubliko en la jaroj 1956–1982), sed en fino de 1980-jaroj oni startis malpliigi povon de la prezidanto kaj nun Finnlando havas parlamentan sistemon. Periodo de prezidanto estas ses jaroj.

Finnlanda parlamento (finne ''eduskunta'', svede ''riksdagen'') inkludas 200 parlamentanojn. La periodo de parlamento estas kvar jaroj.

Legu:

* [[Politikaj partioj en Finnlando]]
* [[Finnlanda parlamento]]
* [[listo de la ĉefministroj de Finnlando]]
* [[prezidanto de Finnlando]]

== Historio ==
La historion de Finnlando grave influis ĝiaj grandaj najbaroj [[Svedio]] kaj [[Rusio]]. Ĝis [[1809]] la lando estis parto de Svedio, ekde tiam ĝis [[1917]] ĝi apartenis al la [[Rusia Imperio]], kiel [[Grandprinclando Finnlando|aŭtonoma grandprinclando]]. La fakto ke Finnlando iĝis aŭtonomia grandprinclando, kiu etendiĝis ĝis Nuorgam en la nordo, plilarĝigis la percepton de kio Finnlando estas. Antaŭe, Finnlando estis konsiderita kiel konsisti el ok provincoj kontrolitaj fare de Svedio, kiu ne inkludis Laponon. Finnlando ricevis naŭan provincon, kiam la teritorio de la grandprinclando kovris ankaŭ grandan parton de Laponio. Dum la rusia regado la finnoj restis lojalaj, kaj rekompence rajtis teni sian [[konstitucio]]n kaj apartan valuton, kiam en Rusio eĉ paroli pri konstitucio estis malpermesate. Post la [[rusia revolucio de 1905]] la finnlandanoj sukcesis havigi al si pliajn rajtojn. En [[1906]] Finnlando estis la unua en Eŭropo, kiu enkondukis vere ĝeneralan kaj egalan elekto-rajton — ankaŭ virinoj rajtis voĉdoni kaj esti elektitaj. En la unuaj elektoj [[1907]] la socialdemokratoj iĝis la plej granda partio.

Finnlando [[Finna Deklaro de Sendependo|deklaris sin sendependa]] la [[6-an de decembro]] [[1917]], post la [[Oktobra revolucio]] en Rusio, kaj ricevis sendependecon per dekreto de bolŝevika registaro. En januaro [[1918]] la [[socialisto]]j per puĉo kaptis la povon en Helsinko, kaj sekvis [[interna milito]]. Sin reciproke buĉis la finnaj [[ruĝuloj]] kaj blankuloj, kaj en [[Tampereo]] okazis la plej granda batalo de la ĝistiama nordia historio. Multaj finnoj (speciale inter ruĝuloj) mortis en koncentrejoj pro malsato kaj malsanoj. La interna milito lasis en la socio profundajn vundojn. Post la interna milito la regantoj tre favore sin tenis al [[Germanio]], ĉar de tie ili dum la milito ricevis helpon. Oni decidis igi la ĵus sendependiĝintan Finnlandon reĝlando, kaj eĉ elektis [[Hesio-Kaselo#Dinastio Hesio-Kaselo|germanan princon]] reĝo. Germanio tamen malgajnis la [[Unua mondmilito|Unuan mondmiliton]]. Finnlando iĝis respubliko, kaj la taskojn de reĝo ricevis la prezidento.
{{Ĉefartikolo|Reĝlanda projekto de Finnlando (1918)}}

Dum la jaroj 1920-30 estiĝis dekstremaj naciismaj organizoj, kiuj interalie instigis kverelojn kontraŭ la sved-lingvanoj. En [[1930]] oni post longa kampanjo de la dekstruloj malpermesis la agadon de la [[komunisto]]j, sed en [[1932]] la dekstro post nesukcesa puĉo grandparte perdis sian influon.

Eĉ pli firmigis la socion la atako de [[Sovetio]] en [[1939]]. Dum longa intertraktado aŭtune 1939 Sovetio postulis de Finnlando cedon de [[teritorio]] por sekurigi [[Leningrado]]n, kaj novembre [[Stalin]] transiris de vortoj al armiloj. Okazis la t.n. “[[Vintra milito]]” kontraŭ la agresinto. Stalin ne sukcesis konkeri la tutan Finnlandon, sed ja estis ceditaj teritorioj, i.a. la dua plej granda urbo de tiama Finnlando, [[Viborgo]] (finne [[Viipuri]]). Tiuteme vidu artikolon [[ceditaj areoj (Finnlando)|ceditaj areoj]].

Finnlando komencis serĉi apogon de la faŝisma Germanio. En [[1941]] Finnlando partoprenis en la Hitlera atako kontraŭ Sovetio, unue por klopodi rekonkeri siajn perditajn teritoriojn, sed poste por konstrui “[[Grandfinnlando]]n” (en finna historiografio tiu milito nomiĝas la [[Daŭriga milito]]). Germanio tamen denove malvenkis, kaj Finnlando devis ekkonstrui novajn rilatojn kun sia granda najbaro. La [[Moskva armistico]] estis subskribita inter Finnlando unuflanke kaj [[Sovetunio]] kaj [[Unuiĝinta Reĝlando]] aliflanke la 19an de septembro, [[1944]], kio metis finon al la [[Daŭriga milito]].<ref>[http://heninen.net/sopimus/1944_e.htm Armistice Agreement between the Union of Soviet Socialist Republics and the United Kingdom of Great Britain and Northern Ireland,on the one hand, and Finland on the other] Alirita la 3an de januaro 2019. </ref> La Armistico restaŭris la Moskvan Pactraktaton de [[1940]], kun nombraj modifoj. Finnlando devis rezigni pri diversaj landlimaj teritorioj al Sovetunio. Finnlando cedis pluajn teritoriojn al Sovetio, devis propraforte eligi el la lando restojn de la naziaj trupoj (vd. [[Laponia milito]]), sed la lando estis neniam okupita de sovetiaj trupoj.

Post la milito la komunistoj denove rajtis agadi, kaj komence ili havis grandan influon. En [[1948]] estis subskribita traktato pri amikeco, kunlaboro kaj interhelpo kun Sovetio, kaj dum multaj jardekoj bonaj rilatoj kun Sovetio estis la fundamento de la finnlanda ekstera politiko.

Kvankam la demokratio neniam endanĝeriĝis, Sovetio ofte senteble influis ankaŭ la internan politikon. En [[1962]] Sovetio forte reagis kontraŭ koalicio de socialdemokratoj kaj dekstraj burĝaj partioj, kiuj celis malhelpi la reelekton de prezidento [[Urho Kekkonen]] ([[1900]]-[[1986]]). La [[koalicio]] dissolviĝis kaj Kekkonen estis reelektita.

Kekkonen, kiu sciis varti la delikatajn rilatojn de Finnlando al [[Moskvo]], restis prezidento dum kvarona jarcento, de [[1956]] ĝis malsaniĝo en [[1981]]. Precipe pro sia lerta ekstera politiko, Kekkonen ekhavis escepte fortan povon ankaŭ en la interna politiko.

Dum la tempo de Kekkonen la internacia pozicio de Finnlando daŭre fortiĝis. En [[1975]], kiam la [[Konferenco pri Sekureco kaj Kunlaboro en Eŭropo]] estis fondita en Helsinko, la neŭtraleco de Finnlando estis vaste rekonita.

Krom politikan, Sovetio havis ankaŭ grandan ekonomian signifon por Finnlando. La drasta malkresko de la komerco kun Sovetio/Rusio post la 1980-aj jaroj profundigis la ekonomian krizon, kaŭzitan de la internacia konjunkturo, kaj la senlaboreco atingis rekordon: de 3,4% en 1990 ĝi altiĝis en tri jaroj al 22%.

== Kulturo ==
[[Sisu (koncepto)|Sisu]] estas tipa finna termino kiu signifas ion en la senco de "obstino, persisto, fera volo por fini certan, ofte longdaŭran taskon".

=== Famaj finnlingvaj aŭtoroj ===
[[Aleksis Kivi]] - [[Elias Lönnrot]] - [[Hannu Mäkelä]] - [[Mika Waltari]] - [[Arto Paasilinna]], [[Juhana Heikki Erkko]], [[Ulla-Lena Lundberg]], [[Anja Snellman]].

=== Kuirarto ===
* [[Finnlanda kuirarto]]
* [[Finna pano]]

=== Religio ===
La [[Evangelia-Luterana Eklezio de Finnlando]] (finne ''Suomen evankelis-luterilainen kirkko'', svede ''Evangelisk-lutherska kyrkan i Finland'') kaj la Ortodoksa Eklezio de Finnlando estas la du popolaj eklezioj de Finnlando. La evangelia-luterana eklezio inkludas subgrupojn kiel [[lestadianismo]].
{| class="wikitable"
! align=center | [[Religio]]
! align=center | Kvanto de homoj
! align=center | %
|-
| [[luteranismo]] || align=right | 3 695 160 || align=right |66,60
|-
| sen religio || align=right | 1 696 899 || align=right |30,58
|-
| [[ortodoksismo]] || align=right | 59 508 || align=right | 1,07
|-
| [[islamo]] || align=right | 20 876 || align=right |
|-
| [[atestantoj de Jehovo]] || align=right | 16 495 || align=right |
|-
| [[katolikismo]] || align=right |  14 914 || align=right |
|-
| [[Pentekosta Kristanismo]] || align=right | 12 944 || align=right |
|-
| [[adventismo]] || align=right | 3208 || align=right |
|-
| [[mormonismo]] || align=right | 3187 || align=right |
|-
| [[baptismo]] || align=right | 2455 || align=right |
|-
| [[budhismo]] || align=right | 1834 || align=right |
|-
| [[metodismo]] || align=right | 1319 || align=right |
|-
| [[judismo]] || align=right | 1079 || align=right |
|-
| [[bahaismo]] || align=right | 656 || align=right |
|-
| [[hinduismo]] || align=right | 371 || align=right |
|-
| [[anglikanismo]] || align=right | 198 || align=right |
|-
| aliaj kristanaj || align=right | 16 837 || align=right |
|-
| aliaj nekristanaj || align=right | 531|| align=right |
|-
| sume || align=right | 5 548 241 || align=right |
|}

== Esperanto-movado en Finnlando ==
{{Ĉefartikolo|Esperanto-movado en Finnlando}}

La historio de la frua Esperanto-movado estas legebla en jena artikolo el [[Enciklopedio de Esperanto]]: [[Frua Esperanto-movado/Finnlando]].

Vidu ankaŭ : [[Finnlanda Esperantista Junulara Organizo|Finnlanda esperantista junulara organizo]]

== Cetere ==
Al Finnlando apartenas duonmemstara [[Alando]] (finnlingve ''Ahvenanmaa'', svede ''Åland'').

En Finnlando troviĝas multe da [[Sovaĝeja Kabano|sovaĝejaj kabanoj]].

* [[Saŭno]]
* [[Sisu (koncepto)|Sisu]], finna identeca koncepto
* [[Kalevala]], la nacia finna [[epopeo]]
* [[Puuko]], malgranda tradicia finna tranĉilo
* [[Sahti]], tradicia finna biero
* [[Festivalo Arta Lumo]]
* [[Mynämäki]], (multlingva arto)
* [[Jean Sibelius]], la plej konata finna [[komponisto]]
* [[Kantelo]], nacia finna muzikinstrumento
* Timo Väänänen, finna muzikisto, [[Kantelo|kantelisto]] kaj [[Esperantistoj|esperantisto]]
* [[Lordi]], rokgrupo kiu partoprenis la [[Eŭrovido-Kantokonkurso|Eurosong]]-festivalon
* [[Värttinä|Vârttinä]], kantgrupo
* [[Wimme Saari]], samea muzikisto de [[jojko]]
* [[Mari Boine]] - [[Sameoj|samea]] kantistino
* [[Eila Hiltunen]], plej konata [[Skulptisto|skulptistino]] pro la Sibelius-monumento en Helsinki.
* [[Alvar Aalto]], arkitekto
* [[Aki Kaurismäki]], [[reĝisoro]]
* [[Mika Kaurismäki]], reĝisoro
* [[Gustaf John Ramstedt]], diplomato, sciencisto.
* [[Mauno Koivisto]], politikisto
* [[Urho Kekkonen]], politikisto

== Eksteraj ligiloj ==
* [http://www.finland.fi www.finland.fi]
* [http://Www.visitfinland.com www.visitfinland.com]
* [http://Www.sauna.fi www.sauna.fi]
* (multlingva retejo) [https://suomifinland100.fi/?lang=en SuomiFinland100] {{Webarchiv|url=https://web.archive.org/web/20181112072753/https://suomifinland100.fi/?lang=en |date=2018-11-12 }}

== Vidu ankaŭ ==
* [[Vintra milito]]
* [[Daŭriga milito]]
* [[Finnlandaj kulturaj kaj akademiaj institutoj]]
* [[Listo de urboj de Finnlando]]
* [[Landnomoj]]
* La nunaj [[finnaj eŭro-moneroj]], kaj la antaŭa nacia valuto [[finna marko]]
* [[Finnoj]]
* [[Svedlingvaj finnlandanoj]]
* Kvarken ([[arkipelago]] kaj [[Monda heredaĵo de Unesko|monda heredaĵo]])

== Referencoj ==
{{Referencoj}}

{{Projektoj|n=Kategorio:Finnlando|s=Kategorio:Finnlando}}

== Eksteraj ligiloj ==
* {{oficiala retejo}} ({{fi}} kaj {{sv}})
* {{ueavikio|{{paĝonomo}}|{{paĝonomo}}}} {{eo}}
* [http://verkoj.com/verkistoj/raita-pyhala/finnlando/ Finnlando, la plej feliĉa lando] {{eo}}
* [http://vitrifolk.apinc.org/costumes-finlande.html Tradiciaj vestoj de Finnlando] {{Webarchiv|url=https://web.archive.org/web/20060510232711/http://vitrifolk.apinc.org/costumes-finlande.html |date=2006-05-10 }} {{en}}
 (en)
{{Ŝtatoj en Eŭropo}}
{{Membroŝtatoj de la Eŭropa Unio}}
{{NATO}}
{{Bibliotekoj}}

[[Kategorio:Finnlando| ]]
[[Kategorio:Ŝtatoj de la Eŭropa Unio]]
[[Kategorio:Administraj unuoj fonditaj en 1919]]