Ĝermolisto de polaj esperantistoj

Ĉi tiu paĝo listigas ĝermajn informojn pri polaj esperantistoj. Movu mallongajn informojn pri polaj esperantistoj en tiun ĉi paĝon metante alidirektilon.
Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:polaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi-tie.
Ekzistas pli plena listo de polaj esperantistoj, en kiu listiĝu la nomoj de polaj esperantistoj aŭ menciataj ĉi-tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

A

Mira Andrusiewicz

Mira ANDRUSIEWICZ (naskiĝis en 1932) estas pola esperantistino kaj emerita lerneja instruistino. Ŝi verkis poemkolekton Amo, Amoro, Adoro (1987)

B

Walerian Baumgart

Walerian "Waldi" BAUMGART (naskiĝis en 1910, mortis la 18-an de aprilo 2004 en Bydgoszcz) estis pola esperantisto.

Józef Paweł Bieliński

Józef Paweł BIELIŃSKI (mortis la 2-an de februaro 2004) estis honora ano de Pola Esperanto-Asocio kaj certan tempon prezidanto de la PEA-Rondo en Bydgoszcz.

T. Bylinski

T. Bylinski estis pioniro en Krakovo ĉirkaŭ 1905.

C

Józef Chybczyński

Józef Chybczyński, kuracisto, estis pola esperantisto en la frua 20-a jarcento. Redaktoro de Kuracisto (revuo) ekde 1913.

Ryczard Cywiński

Ryczard CYWIŃSKI estis pola arkitekto kaj esperantisto naskiĝinta en 1884. Li estis esperantisto ekde 1908. En 1917 en kunlaboro kun T. Sikora li publikigis „Manifeston de socialistoj Esperantistoj“, kun la devizo: Socialistoj de ĉiuj nacioj unuiĝu per Esperanto, Amo kaj Racio! Malgraŭ ke estis anoncita Tutmonda Ligo de Socialistoj Esperantistoj kaj eĉ fondita unua grupo en Petrograd, la „seismo“ ne progresis.

D

Roman Dąbrowski

Roman Dąbrowski estis pola esperantisto en la unua duono de 20-a jarcento.

Traduko

Jan Wolski. Ĉu ĝi estas nur Fabelo?. Esperanta Eldon-Kooperativo, Varsovio, 1935 (?) 172 pĝ.

„ Libro en la formo de interesa rakonto prikaj por-infana, kun multaj ilustraĵoj. Ĝi priskribas la fondon de infana kooperativo, kaj la ĉiam kreskantajn bonojn kiuj sekvas el tio. Ĝi celas propagandi la infankooperativan movadon, kiu efektive ludas gravan rolon en Polujo hodiaŭ. De nuntempa realaĵo la rakonto transiras al estonta utopio, kaj laŭ maniero tre efika pentras la kooperan idealon. Interalie la libro akcentas la gravecon de Esperanto kiel internacia komprenilo. La verko jam atingis grandan famon en Polujo. La nuna traduko estas farita el nova teksto plibonigiita de la aŭtoro mem. La stilo estas simpla kaj alloga —la aŭtoro evidente amas kaj komprenas la infanojn. La traduko estas bona; sed makulita de difektetoj, kiuj iom ĝenas leganton kritikeman. Oni trovas, ekz., depost kun diversaj signifoj (de, post, dum, jam de); ĉu kun signifo aŭ (IX) aŭ kaj (X); ĵus kun signifo ĝuste (23) kaj nun (1); ĝis kiam (dum) l; vi fluus (flotus) sur ĝi 21; sonĝi (revi) 50 ; tradukita per (de) Grabowski 153 ; mi timas, ĉu mi sukcesis (mi demandas al mi, Ĉu ..., mi ne scias, ĈU ..., mi timas, ke mi ne...) XI; oftan mislokon de nur, kaj ŝanceliĝon inter kooperatismo kaj kooperativismo (kial ne kooperismo ?), Tamen, libro entute tre rekomendinda. ”

— La Brita Esperantisto - Numero 368, Decembro (1935)

Zbigniew Dobrzyński

Zbigniew DOBRZYŃSKI (mortis 1984) estis aktoro de Pola Esperanto Teatro (kun Kalina Pieńkiewicz).

F

Adam Gabriel Furmanik

Adam Gabriel FURMANIK estis pola mariavita pastro kaj esperantisto, naskiĝinta la 20-an de decembro 1870. Lia senlaca persistemo favorigis al Esperanto la Mariavitan eklezion, kiu laŭ la Enciklopedio de Esperanto de 1934 eldonas (... aŭ almenaŭ ĝis tiam eldonadis) diversajn broŝurojn pri tiu ĉi eklezio. Elde la 1920-aj jaroj Adam Furmanik estis delegito de UEA.

Ĉi tiu artikolo baziĝas (parte aŭ tute) sur artikolo el la Enciklopedio de Esperanto.

La originala teksto kontroleblas en interreta arkivo de la fonto.

G

Zygmunt Greffkowicz

Zygmunt GREFFKOWICZ, (ps. Gryff), polo, ĵurnala propagandisto. Nask. en 1885 en Varsovio. Estis komitatano de PES. Aŭtoro de tri prop. broŝuroj pri E. (1910, 1911, 1930).

Regina Grzębowska

Regina GRZĘBOWSKA estas pola esperantistino. Ŝi listiĝas kiel membro de la Internacia Rajtigita Ekzamenantaro.

J

J. Jarocki

J. Jarocki estis pioniro en Krakovo. Unua sekretario de Krakova Societo ESPERANTO en 1906.

K

Iwona Kocięba

Iwona KOCIĘBA estas esperantistino de pola deveno, kiu ekde la 1980-aj jaroj pro fondo de esperantista familio venis al kaj de tiam vivas en la ĉirkaŭaĵo de la urbo Antverpeno. Interalie, inter la jaroj 2000 kaj 2003 ŝi estis prezidanto de la historia grupo La Verda Stelo en Antverpeno. Pri pliaj detaloj vidu la teksteton Iwona Kocięba.

Izydor Krynicki

D-ro Izydor KRYNICKI estis kuracisto kaj esperantisto en Varsovio. Li naskiĝis la 26-an de januaro 1874 en Vilno, kaj iĝis esperantisto en 1895. Interalie li estis kunorganizinto de Esperanto-Rondo en Vilno, membro de la Loka Monumenta Komitato en Vilno, kaj verkisto de artikoloj en esperantlingvaj medicinaj revuoj.

Paweł Kulozik

Paweł KULOZIK (naskiĝis en 1912 - mortis la 7-an de junio 1976 en Katowice, Pollando) estis pola esperantisto. Li gvidis multajn Esperanto-kursojn kaj estis unu el la plej elstaraj aktivuloj en la loka movado.

L

Zofia Anna Loiseau

Zofia Anna LOISEAU estas aktiva esperantistino kiu naskiĝis la 27-an de septembro de 1942 en Pollando.

M

Maria Majerczak

Maria MAJERCZAK estas pola esperantistino. Ŝi listiĝas kiel membro de la Internacia Rajtigita Ekzamenantaro.

Janusz Motykiewicz

Janusz MOTYKIEWICZ (naskiĝis en 1944, mortis en 1991 en Kotla, vilaĝo de la regiono Malsupra Silezio de nuna Pollando) estis pola esperantisto kaj delegito de UEA en Kotla, kiu ĝis 1945 germane nomiĝis Kuttlau.

N

Aleksandro Naumann

Dro Aleksandro Naumann publikiĝis artikolon Nefermita letero al s-ro de Beaufront en nro 6 de Ruslanda Esperantisto en 1906. Li estis sekretario de sekretario de la Unua Grupo Homarana. Adreso: Varsovio. str. Koŝikova, No 7^[1].

P

Tadeusz Pleskaczyński

Tadeusz PLESKACZYŃSKI (1909-1996), delegito pri arkitekturo kaj turismo de 1957, delegito de Varsovio ekde 1984, mortis la 6-an de februaro 1996.

Jan Poplawski

Jan POPLAWSKI (naskiĝis 1903 - mortis la 9-an de oktobro en Poznań, Pollando) estis pola esperantisto kaj unu el la plej fervoraj aktivuloj en la loka Movado, forpasinta post 30-jara servo kiel UEA-delegito.

R

Irena Radziewicz-Winnicka

Irena RADZIEWICZ-WINNICKA (naskiĝis en 1917, mortis la 7-an de oktobro 2002 en Gliwice) estis Esperanto-instruistino, redaktorino, konsultanto de la Silezia Branĉo de AIS, poetino, verkistino por infanoj kaj tradukistino.

Ryszard Rokicki

Ryszard Rokicki, ofte esperantigata Rikardo Rokicki, estas pola esperantisto. Li estas respektive dum multaj jaroj estis kunlaboranto de la Centro de Esploro kaj Dokumentado pri Mondaj Lingvaj Problemoj, kaj listiĝas kiel membro de la Internacia Rajtigita Ekzamenantaro. Aŭtoro de Enkonduko en la morfologion de Esperanto^[2].

T

Mihael Trombkowski

Mihael Trombkowski estis esperantisto en Lodz en la unua duono de 20-a jarcento.

Z

Stanisław Zausmer

Stanisław ZAUSMER (naskiĝis en 1905; mortis la 19-an de majo 1993) estis pola esperantisto kaj pioniro de la movado en Słupsk (Pollando) (^[3]).

Referencoj

↑ Ruslanda Esperantisto. Nefermita letero al s-ro de Beaufront. Nro 6 p.121-122. Jun-jul. 1906
↑ La Ondo de Esperanto 2022 Nº3
↑ http://zimslupsk.com/Mieczyslaw_Jordanowski,271,115.html^{[rompita ligilo]}

Ĉi tiu artikolo ankoraŭ estas ĝermo pri esperantisto.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

[1] Ruslanda Esperantisto. Nefermita letero al s-ro de Beaufront. Nro 6 p.121-122. Jun-jul. 1906

[2] La Ondo de Esperanto 2022 Nº3

[3] ttps://zimslupsk.com/Mieczyslaw_Jordanowski,271,115.html^{[rompita ligilo]}

[1]

[2]

[3]