Murtall
Is éard atá i gceist leis an murtall nó leis an otracht ná raimhre a dhéanann dochar don tsláinte(úsáidtear an téarma ró-raimhre uaireanta). Is féidir an murtall a shainmhíniú de réir an innéacs corpmhaise, arb ionann é agus mais an choirp agus é roinnte ar airde chearnaithe an duine: (innéacs corpmhaise) = (mais)/(airde)2. Má sháraíonn an t-innéacs corpmhaise seo 25 kg/m2, is féidir a rá go bhfuil an duine ramhar, nó "réamh-mhurtallach", agus má sháraíonn sé 30 kg/m2, déarfaidh muid go bhfuil an duine murtallach.
An duine atá ag éirí murtallach, deirimid i nGaeilge go bhfuil sé ag titim chun murtaill.
An duine a thitfidh chun murtaill, beidh a lán galar ag bagairt air, cosúil leis an taom croí agus diaibéiteas de chineál B, is é sin, diaibéiteas na scothaoise is na cnagaoise.