Կէորկենի

Քաղաք
Կէորկենի
ռում.՝ Gheorgheni հունգարերէն՝ Gyergyószentmiklós գերմաներէն՝ Niklasmarkt
Դրօշակ Զինանշան
Կէորկենի
Երկիր	Ռումանիա
Կէորկենիի քաղաքապետ	Թիպոր Անտրէաս Սզերկօ
Տարածութիւն	222±0,01 քմ²
ԲԾՄ	810 մ
Բնակչութիւն	20 022 (2016-ի մարդահամար) մարդ
Ժամային գօտի	UTC+2 եւ UTC+3։00
Փոստային ցուցանիշ	535500
Պաշտօնական կայքէջ	primariagheorgheni.ro

Կէորկենի (ռումաներէն՝ Gheorgheni, հունգ.՝ Gyergyószentmiklós, Ճիերճոսենթմիքլոշ), Ռումանիոյ Հարկիթա գաւառի քաղաք։ Չորս գիւղերու վարչական կեդրոնն է՝ Քովաքսփիթըր, Կիլքոսթօ, Վարկաթակ եւ Վիզսաֆոլիօ։ Ռումանիոյ մէջ հունգարական մշակոյթի կարեւորագոյն կեդրոններէն է։

Տեղեկութիւններ

Աշխարհակագրական դիրք

Կէորկենի կը գտնուի Թրանսիլվանիոյ պատմական շրջանի արեւելեան մասին, Սզիգելի լեռնադաշտին վրայ եւ բարձրութիւնը ծովու մակարդակէն 810 մեթր է։ Անոր մօտերը կը գտնուին Կարմիր Լիճը եւ Պիքազ Կորճ նեղ ձորը (արեւելան Քարփաթեան լեռնաշղթայ)։

Բնակչութիւն

Ըստ 2016-ի մարդահամարին, Կէորկենի բնակչութեան թիւն է 20 022։

Ազգային կազմ

87,54% հունգարացիներ,

10,8% ռումանացիներ,

1,66% ուրիշ

Պատմական հակիրճ տեղեկութիւններ

Քաղաքին անունը առաջին անգամ տեսնուած է 1332-ին արձանագրութեան մը մէջ։ Կը պատկանէր Հունգարիոյ թագաւորութեան բազմաթիւ ընդմիջումներով՝ Արեւելեան Հունգարիոյ թագաւորութիւն եւ Թրանսիլվանիոյ Իշխանութիւն։

1867-ին եւ 1918-ին Քսիք գաւառին (Հունգարիոյ թագաւորութիւն) մաս կը կազմէ։ Ա․ Համաշխարհային պատերազմէն ետք, Թրիանոնի Դաշինքին հետեւանքով (1920) Ռումանիոյ Չիւք գաւառին մաս կը կազմէ։

1940-էն մինչեւ Բ․ Համաշխարհային Պատերազմի աւարտին Հունգարիոյ կը պատկանի․ Վիեննայի Երկրորդ Իրաւարարութիւն։ Անկէ ետք, Ռումանիոյ մաս կը կազմէ։ Իսկ 1952-էն մինչեւ 1960 Հունգարական Ինքնիշխան Շրջանին (Magyar Autonomous Region) մաս կը կազմէ։

Հայերու մասին

1654-ին Մոլտովեայէն Թրանսիլվանիա գաղթած հայեր, հիմնած են երկու հայահոծ քաղաքներ։ Կէորկենի անոնցմէ մէկը եղած է։

Տե՛ս նաեւ

Օգոստինոս Սեքուլեան