Sancte Martino
Patrono:Infobox Country Sancte Martin (francese: Saint-Martin, nederlandese: Sint Maarten, anglese: Saint Martin) es un insula caribe divise in duo partes. Le sud es un pais constituente del Regno del Pais Basse; le norte es un collectivitate ultramar del Republica Francese. Le division del insula data del anno 1648, ma le habitantes son culturalmente unite. Son commun al duo partes del insula le lingua anglese e un dialecto del lingua creol parlate in le Insulas Virgine—nonobstante que le francese e nederlandese son linguas official de lor respective partes. Le personas pote circular liberemente inter le duo partes del insula, que non face parte del area Schengen. Le aeroporto international, Princess Juliana International Airport, es situate in le parte nederlandese.
Commercio de luxo e abundantes restaurantes gourmet son typic del insula. Le parte del nord ha multe casinos; le parte del sud ha plagias nude.
Quando le tempo es clar, on pote vider le insulas vicin de Sancte Barthelemy (francese), Saba (nederlandese), Sancte Eustatio (nederlandese), e Sancte Christophoro (independente).
Le numerarios del insula son le euro e le florino del Antillas Nederlandese; isto debe esser reimplaciate per le florino caribe gratias al abolition del Antillas Nederlandese e le adoption del dollar statounitese per le Pais Basse Caribe.
Le 1 de januario 2007, le population del insula integre esseva 74 852 habitantes, con 38 927 in le parte nederlandese e 35 925 in le parte francese. Le superficie del insula es 87 km² (53 km² francese, 34 km² nederlandese). Il ha duo capitales son Phillipsburg in le sud e Marigot in le norte. Lower Prince's Quarter, Cul de Sac, Cole Bay e Marigot son le zonos urban le plus populate. Le puncto le plus alte del insula (Pic du Paradis, parte francese) es 424 m super le nivello del mar.
