Videz la fonto/fonti por Posho di Falaise

{{Tabelo-batalio
| imajo= [[Arkivo:Canadian soldiers at Falaise town entrance.jpg|250px]]
| subskriburo= [[Kanada]]na soldati eniras Falaise, ye la 17ma di agosto 1944.
| batalio   = Batalio dil Posho di Falaise
| konflikto= [[Duesma mondomilito]]
| dato= [[12ma di agosto|12ma]] til la [[21ma di agosto]] [[1944]]
| loko= proxim l'urbeto Falaise, [[Normandia]]
| rezultajo= decidigiva vinko dal Federiti.
| armeo1= {{USA}}<br>{{GBR}}<br>{{CAN}}<br>Polona soldati<br>[[Libera Francia]]
| armeo2 = [[Naziista Germania]]
| komandero1= [[Bernard Montgomery]]<br/>Omar Bradley<br/>Harry Crerar<br/>[[Miles Dempsey]]<br/>[[Courtney Hodges]]<br/>[[George S. Patton]]
| komandero2 = [[Günther von Kluge]]<br/>[[Walter Model]]<br/>[[Paul Hausser]]<br/>Heinrich Eberbach
| forci1= c. 17 divizioni
| forci2 = 14 til 15 divizioni
| perdaji1= Usana, Britaniana e Franca: nekonocita<br>Kanadana: 5.679 soldati<br>Poloni: 5.150 soldati
| perdaji2 = c. 60 mil soldati, di qui c. 10 mil mortinti e c. 50 mil kaptiti<br>c. 500 tanki
}}
[[Arkivo:Operation_Tractable.svg|left|thumb|380px|La formaco di la "posho" di Falaise: Kanadada trupi komencis movar de norde adweste, samatempe kam la 2ma Britanian Armeo, ed Usana 1ma e 3ma Armei, por cirkondar la 7ma Armeo Germana.]]
La '''posho di Chambois''' o '''posho di Falaise''', o '''batalio dil posho di Falaise''', esis operaco di la [[batalio di Normandia]] qua eventis de la 12ma til la [[21ma di agosto]] [[1944]], dum la [[Duesma mondomilito]], en regiono inter quar urbi: [[Trun]], [[Argentan]], Vimoutiers e [[Chambois]] cirkum la regiono Falaise, norde de [[Francia]]. La rezulto di la batalio esis la destrukto di granda parto de la nomizita "Armeo-grupo B" Germana, e to faciligis la liberigo di [[Paris]] dal Federiti.

Sis semani pos l'[[invado di Normandia]], German Armeo konfrontis granda desfacilesi. L'avioni de la Federiti kontrolabis la cielo e bombardis Germana trupi e rinforci, dum ke Germani perdabis multa equipuri dum la kombati. Dum lia retreto, la 7ma Armeo Germana koncentris su en Falaise, dum ke la 5ma Diviziono ''Panzer'' koncentris su proxim Chambois. Ibe, la federiti probis encirklar e destruktar la 7ma Armeo e la 5ma Diviziono ''Panzer'' de [[Naziista Germania]]. Tamen, parto ek la Germana trupi sucesis eskapar la siejo.

== Preludo ==
Pos la nomizita "operaco Cobra" - to esis, l'atako kontre Germani en [[Saint-Lô]] en julio 1944 - l'antee lenta progreso di la Federiti divenis plu rapida. Germana komando decidis lansar kontreatako ye la [[7ma di agosto]] en Mortain (l'Operaco Lüttich) ma faliis, e perdis 120 tanki, pos 6-dia kombati. Federiti rapide avancis adeste, samatempe kam la Germani retretis. Savante pri Germana retreto, Britaniana generalo [[Bernard Montgomery]] projetis movar la trupi Kanadana e Britaniana irante vers la fluvio [[Seine]] adsinistre de la Germana trupi, dum ke Usani movus adweste de la Germani e blokusus eskapo-voyo inter [[Seine]] e la [[fluvio Loire]]. To embuskus la maxim multa trupi Germana en westala Francia.

== La posho ==
[[Arkivo:World War II Canadian tanks at Falaise in August 1944.jpg|thumb|left|250px|Kanadana tanki en Falaise.]]
Savante pri la "lichilo" dal Federiti cirkum lua trupi, Germana generalo [[Günther von Kluge]] pregis a Hitler permiso pri retretar. La respondo da Hitler esis remplasar Von Kluge per [[Walther Model]], e kunvokar Von Kluge a Berlin. Ye la 16ma di agosto, Hitler aceptis la retreto de la 7ma armeo e la 5ma Diviziono ''Panzer'', malgre ke la generalo [[Paul Hausser]] sekrete ordenabis la retreto du dii ante, ye la 14ma di agosto.

Dum la 17ma di agosto, la siejo di Germana trupi esis nekompleta. L'1ma Diviziono Kurasizita Polona e parto dil 1ma Armeo Kanadana dividesis en tri batalioni qui mustis liberigar Chambois e chasar la Germani. Pos intensa kombati qui duris til la 21ma di agosto kun multa morti, la Federiti kaptis Falaise e Chambois e facis 50.000 militala kaptiti e destruktis cirkume 500 tanki Germana. Tamen, on kalkulas ke cirkume 100.000 soldati Germani eskapis de la posho.

[[Kategorio:Batalii ed operaci di la Duesma mondomilito|Falaise]]