იხილეთ წყარო გვერდისთვის გიიომ-მარი-ან ბრიუნი

{{ინფოდაფა სამხედრო მოღვაწე}}
'''გიიომ-მარი-ან ბრიუნი''' ({{lang-fr|Guillaume-Marie-Anne Brune}}; დ. [[13 მარტი]], [[1763]], [[ბრივ ლა გაიარი]], [[საფრანგეთი]] — გ. [[2 აგვისტო]], [[1815]], [[ავინიონი]], [[საფრანგეთი]]) — [[ფრანგები|ფრანგი]] სამხედრო და სახელმწიფო მოღვაწე, [[საფრანგეთის მარშალი]].

== ბიოგრაფია ==
საფრანგეთის რევოლუციამდე ბრიუნი [[პარიზი|პარიზში]] წიგნების მბეჭდავად მუშაობდა. იგი დასაწყისისთანავე რევოლუციიონერთა რიგებში ჩადგა, [[კორდელიერები|კორდელიერთა კლუბის]] წევრი და [[დანტონი, ჟორჟ ჟაკ|ჟორჟ ჟაკ დანტონის]] მეგობარი გახდა. [[1792]] წელს, მას შემდეგ რაც მან რამდენიმე პოლიტიკური პამფლეტი გამოაქვეყნა, [[ბელგია]]ში სამოქალაქო კომისრად დაინიშნა. [[1793]] წელს იგი ჩრდილოეთის არმიის გენერალ-ადიუტანტი გახდა და [[პოლკოვნიკი]]ს სამხედრო წოდება მიენიჭა. ჩრდილოეთის არმიის რიგებში იგი [[ვანდეას აჯანყება|ვანდეაში]] აჯანყებულთა წინააღმდეგ იბრძოდა. იმავე წელს მას ბრიგადის [[გენერალი|გენერლის]] წოდება მიენიჭა და [[1793]] წლის [[8 სექტემბერი|8 სექტემებრს]] გენერალ [[უშარი, ჟან-ნიკოლა|უშარის]] ხელქვეით მონაწილეობა მიიღო ჰონდშოოტესთან ბრძოლაში.

[[1795]] წლის ვანდემიერში ბრიუნმა მონაწილეობა მიიღო სექციონების აჯანყების ჩახშობაში პარიზში, ხოლო მომდევნო [[1796]] და [[1797]] წლებში [[მასენა, ანდრე|მასენას]] არმიის შემადგენლობაში იბრძოდა [[იტალია]]ში. [[ბრძოლა რივოლისთან|რივოლისთან ბრძოლაში]] (1797 წლის 14-15 იანვარი) მან დაამარცხა ავსტრიელები და დაინიშნა დივიზიის მეთაურად მარშალ [[ოჟერო, პიერ-ფრანსუა-შარლ|ოჟეროს]] ხელქვეით. [[1798]] წელს ბრიუნს დაევალა [[ჰელვეციის რესპუბლიკა|ჰელვეციის რესპუბლიკის]] საჯაროდ გამოცხადება და მისი ჩამოყალიბება, რისთვისაც მან მოკლევადიანი მარშ-ლაშქრობა მოაწყო [[შვეიცარია]]ში. 

[[1799]] წელს იგი დაინიშნა [[ბატავიის რესპუბლიკა|ბატავიის რესპუბლიკის]] ჯარების სარდლად და იმავე წლის [[19 სექტემბერი|19 სექტემბერს]] ქალაქ [[ბერგენ ოპ ზოომი|ბერგენთან]] დაამარცხა [[ფრედერიკ ოგიუსტ (იორკისა და ოლბენის ჰერცოგი)|იორკის ჰერცოგი]], [[6 ოქტომბერი|6 ოქტომბერს]] კვლავ დაამარცხა იგი, ამჯერად ქალაქ [[ბევერვიიკი|ბევერვიიკთან]] და [[ალკმაარი|ალკმაართან]] აიძულა იგი კაპიტულაცია გამოეცხადებინა და დაეცალა [[ნიდერლანდები]]. 18 ბრიუმერის შემდეგ ბონაპარტმა ბრიუნი [[ვანდეა|ვანდეაში]] გააგზავნა, სადაც მან გენერალ ადუვიისთან ერთად ჩაახშო სამოქალაქო ომი.

[[1800]] წლის აგვისტოში იგი ”იტალიის არმიის” მთავარსარდლად დაინიშნა. დეკემბერში მან თავისი არმიით გადალახა მდ. [[მინჩო (მდინარე)|მინჩო]], [[1801]] წლის იანვარში მდინარეები [[ადიჯე (მდინარე)|ადიჯე]] და [[ბრენტა (მდინარე)|ბრენტა]] და აიღო ქალაქები [[ვიჩენცა]] და [[როვერეტო]]. [[1801]] წლის [[16 იანვარი|16 იანვარს]] [[ტრევიზო]]ში ზავი დადო გენერალ ბელეგარდთან, რომელიც შემდგომში [[ლუნევილის ზავი]]ს საწინდარი გახდა. [[1802]] წელს ბრიუნი სახელმწიფო საბჭოში სამხედრო საქმეთა სექციის თავმჯდომარედ დაინიშნა. [[1803]]-[[1805]] წლებში იგი ელჩი იყო [[სტამბოლი|სტამბოლში]]. [[1804]] წელს მას საფრანგეთის მარშლის წოდება მიენიჭა.

[[1806]] წელს ბრიუნი [[ჰანზა|ჰანზის]] ქალაქების გენერალ-გუბერნატორად და [[შვედური წინა პომერანია|შვედური პომერანიის]] არმიების მთავარსარდლად დაინიშნა. [[1807]] წელს მან აიღო ქალაქები [[შტრალზუნდი]] და [[რიუგენი (ქალაქი)|რიუგენი]]. შვედეთის მეფე [[გუსტავ IV ადოლფი (შვედეთი)|გუსტავ IV ადოლფი]] შეეცადა ბრიუნი [[ლუი XVIII (საფრანგეთი)|ლუი XVIII]]-ის მხარეზე გადაებირებინა. მიუხედავად იმისა, რომ იგი ნაპოლეონის ერთგული დარჩა ამ მცდელობამ მაინც თავისი შედეგი გამოიღო. ნაპოლეონს მის ერთგულებაში ეჭვი შეეპარა და იგი დაკავებული თანამდებობებიდან მოხსნა. [[1815]] წელს იგი ელბადან დაბრუნებულ ბონაპარტს შეურთდა და [[საფრანგეთის პერი]]ს რანგში იქნა აყვანილი. ნაპოლეონმა მას ბურბონებისაგან ქალაქ [[ტულონი]]ს დაცვა დაავალა. მას შემდეგ რაც ბონაპარტი მეორედ გადადგა ტახტიდან მან პარიზში დაბრუნება გადაწყვიტა, მაგრამ [[1815]] წლის [[2 აგვისტო]]ს ქალაქ [[ავინიონი|ავინიონში]] როიალისტ ფანატიკოსთა მიერ იქნა მოკლული.

== ლიტერატურა ==
{{Commons category|Guillaume Marie-Anne Brune}}
*''Notice historique sur la vie politique et militaire du marechal Brune'' (Paris, 1821).
*Paul-Prosper Vermeil de Conchard, ''L'Assassinat du marechal Brune'' (Paris, 1887).

{{ნაპოლეონის მარშლები}}

{{DEFAULTSORT:ბრიუნი, გიიომ-მარი-ან}}

[[კატეგორია:საფრანგეთის მარშლები]]
[[კატეგორია:დაბადებული 13 მარტი]]
[[კატეგორია:დაბადებული 1763]]
[[კატეგორია:გარდაცვლილი  2 აგვისტო]]
[[კატეგორია:გარდაცვლილი 1815]]