Анар Нұрәліқызы Жайылғанова

Анар Нұрәліқызы Жайылғанова
Лауазымы
Ту Қазақстан мемлекеттік қызмет істері агенттігінің 13-төрағасы
14 маусым 2019 — 11 қаңтар 2022
Ізашары	Алик Шпекбаев
Ізбасары	Дархан Жазықбаев
Ту Қазақстан парламенті мәжілісінің 6-сайланым депутаты Ту
24 наурыз 2016 — 19 маусым 2019
Төраға	Бақтықожа Ізмұхамбетов Нұрлан Нығматулин
Ту Қазақстан Конституциясының кеңесінің мүшесі Ту
13 наурыз 2008 — 29 қаңтар 2016
Төраға	Игорь Рогов
Ту Қазақстан Жоғарғы Сотының судьясы Ту
желтоқсан 2004 — 13 наурыз 2008
Президент	Нұрсұлтан Назарбаев
Өмірбаяны
Білімі	1. Қазақ ұлттық университеті (1991) 2. Қаржы және несие факультетінің жоғары банк ісі мектебі (2003)
Ғылыми дәрежесі	Заң ғылымдарының кандидаты
Мамандығы	1. Заңгер 2. Салық
Азаматтығы	КСРО→  Қазақстан
Дүниеге келуі	10 шілде 1969 (1969-07-10) Семей, Семей облысы, Қазақ КСР, КСРО
Қайтыс болуы	12 ақпан 2024 (2024-02-12) (54 жас) Қазақстан
Жерленді	Ұлттық пантеон
Балалары	қызы Айгерім Нұрланқызы Адырбекова (1992 туған)
Марапаттары	Құрмет ордені

Анар Нұрәліқызы Жайылғанова (10 шілде 1969, Семей – 12 ақпан 2024, Қазақстан) — қазақстандық мемлекеттік қайраткер, заңгер, мәжілістің 6-сайланым депутаты.

Өмірбаяны

1969 жылы 10 шілдеде Семейде дүниеге келді.

Білімі

1986 жылы Семей облысы, Шар ауданы (қазіргі Жарма ауданы), Белтерек ауылындағы орта мектепті медальмен, 1991 жылы Қазақ ұлттық университетінің заң факультетін үздік, 2003 жылы Қаржы және несие факультетінің жоғары банк ісі мектебін аяқтады. 2002 жылы “Қазақстан Республикасындағы сот қызметін ұйымдық-құқықтық қамтамасыз ету” тақырыбында кандидаттық диссертация қорғап, заң ғылымдарының кандидаты атанды.

Мансабы

• 1991—1994 — Қазақстан ғылым академиясының мемлекет және құқық институтының кіші ғылыми қызметкері;
• 1994—1997 — Оңтүстік Қазақстан облыстық (қазіргі Түркістан облысы) сотының азаматтық істер жөніндегі аға кеңесшісі;
• 1997—1999 — Оңтүстік Қазақстан облыстық (қазіргі Түркістан облысы) сотының судьясы;
• 1999—1999 — Қазақстан әділет министрлігі соттардың қызметін ұйымдастыру департаменті сот жүйесін талдау және жетілдіру басқармасының басшысының орынбасары, бастығы;
• 1999—2000 — Қазақстан президенті әкімшілігі мемлекеттік-құқықтық бөлімінің аға сарапшысы;
• 2000—2004 — Қазақстан Жоғарғы Соты төрағасының кеңесшісі;
• 2004—2008 — Қазақстан Жоғарғы Сотының судьясы;
• 2008—2016 — Қазақстан Конституциясының кеңесінің мүшесі;
• 2016—2019 — Қазақстан парламенті мәжілісінің 6-сайланым депутаты, қаржы және бюджет комитетінің мүшесі;
• 2019—2022 — Қазақстан мемлекеттік қызмет істері агенттігінің төрағасы.

Жеке өмірі

Тұрмыста, 1 қызы бар — Айгерім Нұрланқызы Адырбекова (1992 туған).

2024 жылы 12 ақпанда 54 жасында қайтыс болып, Ұлттық пантеонда жерленді.

Жайылғанованың жерленген жері

Марапаттары

• Қазақстан мемлекеттік қызмет істері агенттігінің “Үздік мемлекеттік қызметкер” төс белгісі;
• Қазақстан Жоғарғы Соты төрағасының құрмет грамотасы (1998);
• Қазақстан Конституциясына 10 жыл медалі (2005);
• Астанаға 10 жыл медалі (2008);
• Құрмет ордені (2009);
• Қазақстан Республикасының тәуелсіздігіне 20 жыл медалі (2011);
• Конституциялық заңдылықты нығайтуға қосқан үлесі үшін медалі (2014);
• Қазақстан Конституциясына 20 жыл медалі (2015);
• Қазақстан халқы Ассамблеясына 20 жыл медалі (2015);
• Қазақстан Республикасының Тәуелсіздігіне 25 жыл медалі (2016);
• Судьялар одағының “Үш би” құрмет белгісі (2017);
• Қазақстан Конституциясына 25 жыл медалі (2020);
• Қазақстан Республикасының Тәуелсіздігіне 30 жыл медалі (2021).