Копривничко-крижевска жупанија

Копривничко-крижевачка жупанија Koprivničko-križevačka županija
Жупанија
Знаме Грб
Копривничко-крижевачката жупанија (портокалово) во Хрватска (светложолта боја)
Главен град	Копривница
Управа
• Жупан	Дарко Корен (ХСП)
Површина
• Вкупна	1.746 км2 (674 ми2)
Население (2001)
• Вкупно	124.467
• Густина	71/км2 (180/ми2)
Повикувачки број	048
ISO 3166	HR-06
Мреж. место	http://www.kckzz.hr/

Копривничко-крижевачката жупанија е жупанија во северозападниот дел на Хрватска. Прв жупан на Копривничко-крижевачката жупанија бил: Иван Станчер (1993 - 1997).

Население

Според пописот од 2001 година, жупанијата броела 124.467 жители (2,8% од вкупното население на Хрватска) со просечна густина на населеност од 71 жител на км². Етничкиот состав бил следниот: Хрвати 96%, Срби 1,9%, Словенци 0,1%, Роми 0,1%, Унгарци 0,1% и други.

година на попис	2001	1991	1981	1971	1961	1953	1948	1931	1921	1910	1900	1890	1880	1869	1857
бр. на жители	124,467	129,397	133,790	138,994	143,019	142,362	140,565	143,268	139,054	142,546	132,581	121,772	105,529	97,581	87,464

• ЦД-ром: "Насеља и становништво РХ од 1857-2001. године", Издание на Државниот завод за статистика при Република Хрватска, Загреб, 2005.

Географија

Копривничко-крижевачката жупанија се наоѓа во северозападниот дел на Република Хрватска, т.е. во североисточниот дел на Централна Хрватска. Таа е распространета по низината на Драва и е омеѓена со Билогора и Калнчка Гора. Со површина од 1,746 км², оваа е седумнаеста по големина жупанија во Хрватска според површината. Североисточниот дел на жупанијата го сочинува долината на реката Драва на која преовладува земјоделската дејност со значајни наоѓалишта на нафта и на земен гас. Поголеми населени места во овој простор се Копривница, Крижевци и Ѓурѓевац.

Стопанство

Копривничко-крижевачката жупанија спаѓа во панонската регија. Земјоделскиот простор на жупанијата се состои од пет микрорегионални целини:

• Подравскиот земјоделски басен (Подравина)
• Прекодравље
• Источен и североисточен дел (Билогора)
• Калничко подрачје (Калник)
• Калничко-пригорскиот дел на жупанијата

Подравскиот земјоделски басен и Прекодравље се подрачја со интензивно земјоделско производство. Останатите гранки на економијата се производството на млеко, производството на хмељ, сточарството, зеленчуковите култури и виноградарството.

Туризам

Најважни одредишта во жупанијата се Галеријата на наивната уметност во Хлебине, жупната црква Свети Ане, гркокатоличката катедрала на Светото Тројство и црквата на Свети Крст во Крижевци, историското средиште Крижевци, прехранбениот музеј “Подравка” – Копривница, Стариот град Ѓурѓевац и Галеријата Лацковиќ – Батинска, стариот град Калник и Мал Калник.

Знаменитости

На подрачјето на Копривничко-крижевачката жупанија има единаест заштитени делови од природата, кои заземаат површина од околу 5,550 ha.

• Посебни резервати :
  • географско-ботанички: Ѓурѓевачките песоци
  • ботанички: Мал Калник
  • орнитолошки: Голем Пажут
  • шумски: Црни Јарци, Долго Брдо
• Парк шума: Жупетница
• Заштитени предели:
  • Чамбина
  • Калник
• Споменици на природата:
  • Седам стабала храста лужњака
• Споменици од парковната архитрктура:
  • Парк кај Основнато училиште ˝Владимир Назор˝, Крижевци
  • Парк кај земјоделското училиште во Крижевци

Надворешни врски

• Официјален портал (хрватски)