Irpin
| Irpin | |||
|---|---|---|---|
 Ukrajna | |||
 | |||
| |||
| Amministrazzjoni | |||
| Stat sovran | Ukrajna | ||
| Oblast of Ukraine | Oblast ta' Kiev | ||
| Isem uffiċjali | Ірпінь | ||
| Ismijiet oriġinali | Ірпінь | ||
| Ġeografija | |||
| Koordinati | 50°31′N 30°15′E / 50.52°N 30.25°EKoordinati: 50°31′N 30°15′E / 50.52°N 30.25°E | ||
  Irpin Irpin (Ukraine) | |||
| Superfiċjenti | 110.83 kilometru kwadru | ||
| Għoli | 121 m | ||
| Demografija | |||
| Popolazzjoni | 56,806 abitanti (1 Jannar 2019) | ||
| Informazzjoni oħra | |||
| Fondazzjoni | 1899 | ||
| Żona tal-Ħin | UTC+2 | ||
| bliet ġemellati |
Borna, Alytus (en)  , Kotsiubynske (en) , Mtskheta, Panevėžys (en) , Smila (en) , Pisz (en) , Pereiaslav (en) u Cascais | ||
| imr.gov.ua | |||
Irpin (bl-Ukren: Ірпі́нь) hija Belt tal-Eroj tal-Ukrajna[1] li tinsab max-xmara Irpin fl-Oblast ta' Kiev eżatt ħdejn il-belt ta' Kiev fit-Tramuntana tal-Ukrajna. Parti minn Irpin, l-insedjament ta' Kotsiubynske, jitqies qisu subborg ta' Kiev.
Amministrattivament, hija inkorporata bħala belt ta' importanza ta' oblast u sservi bħala ċentru amministrattiv tal-Muniċipalità ta' Irpin, li tinkludi l-belt ta' Irpin u tliet insedjamenti urbani. Il-belt fl-2021 kellha popolazzjoni ta' 62,456 ruħ.[2]
Il-belt għandha stazzjon ferrovjarju li nbena fl-1899.
Storja
[immodifika | immodifika s-sors]
Fis-seklu 17 fis-sit ta' Irpin kien hemm il-villaġġ ta' Romanivka u l-khutir ta' Lyubka. Fis-seklu 19, tfaċċaw il-villaġġ ta' Severynivka, u l-khutir ta' Rudnya u ta' Stoyanka.
Irpin ġiet stabbilita fl-1899 bħala waħda mill-punti ferrovjarji tal-linja ferrovjarja bejn Kiev u Kovel matul il-kostruzzjoni tagħha. Il-ħaddiema ferrovjarji stabbilew il-belt ħdejn il-linja ferrovjarja flimkien ma' lokalitajiet oħra bħal Bucha u Vorzel. Isem il-belt (flimkien ma' dak tal-belt ta' Vorzel) intgħażel minħabba l-pożizzjoni tagħha max-xmara Irpin.
Mis-26 ta' Lulju 1941, eżatt wara l-Battalja ta' Kyiv, il-belt ġiet okkupata mill-Wehrmacht sa Novembru 1943, meta Kiev reġgħet inħakmet. Il-biċċa l-kbira tal-popolazzjoni Lhudija nqatlet fil-Babyn Yar jew f'massakri Nażisti oħra.
Fl-1956, l-istatus ta' Irpin inbidel għal dak ta' "belt ta' subordinazzjoni ta' raion (distrett)" subordinata għar-Raion ta' Kiev-Sviatoshyn. Fit-30 ta' Diċembru 1962, Presidju tal-Verkhovna Rada tar-Repubblika Soċjalista Sovjetika tal-Ukrajna ħareġ digriet li bidel l-istatus ta' Irpin għal "belt ta' subordinazzjoni ta' oblast", u b'hekk subordinata għall-awtoritajiet tal-oblast iktar milli għall-amministrazzjoni tal-belt fi ħdan il-belt stess. Fi ħdan id-digriet issemmiet ukoll l-inklużjoni tal-insedjamenti urbani ta' Bucha (li saret belt fl-2007), Vorzel, Hostomel, u Kotsiubynske fil-limiti tal-belt.
Matul l-invażjoni Russa tal-Ukrajna tal-2022, Irpin sar sit ta' battalja matul l-offensiva ta' Kiev. Il-forzi Russi ħadu l-Ajruport ta' Hostomel fit-Tramuntana tal-belt biex jiffaċilitaw l-avvanz tagħhom lejn in-Nofsinhar, madwar Kiev. Il-belt ġiet ibbumbardjata mill-artillerija Russa filwaqt li l-Ukreni rnexxielhom jirreżistu u jeqirdu diversi forzi Russi li ppruvaw joqorbu fil-belt.[3][4] Skont il-Human Rights Watch, fis-6 ta' Marzu 2022, il-forzi Russi bbumbardjaw parti minn triq li kienet qed tintuża min-nies ċivili biex jaħarbu.[5] Fl-24 ta' Marzu 2022, 80 % tal-belt reġgħet inħatfet minn idejn l-okkupanti Russi mill-Forzi Armati Ukreni.[6] Fit-28 ta' Marzu, is-sindku Oleksandr Markushyn ħabbar li l-belt kollha ta' Irpin kienet ġiet irkuprata mill-forzi Ukreni.[7]
Ekonomija
[immodifika | immodifika s-sors].jpg)
Hemm 22 manifattur industrijali li joperaw fir-reġjun ta' Irpin. Il-belt għandha qrib elf impriża b'forom differenti ta' sjieda. L-iżjed notevoli huma l-Kumpless Industrijali ta' Peremoha ta' Irpin (li jipproduċi brikks, komponenti tal-konkrit rinfurzat, u materjali tal-iżolament tat-tisħin u tal-istorbju), Irpinmash (li tipproduċi t-tagħmir għall-industrija agrikola), l-Azjenda Kummerċjali ta' Perun (li tipproduċi kotba), il-Kumpanija Privata Kummerċjali u Privata KATECH-electro (li tipproduċi prodotti tal-kejbils u tal-wajers), il-fabbrika ta' Irpintorfmash (li tipproduċi materjali tal-kostruzzjoni), u fabbrika tal-għamara, fost l-oħrajn.
Is-settur agrikolu ta' Irpin jipprovdi l-belt kapitali tal-Ukrajna, Kiev, bil-patata u bi ħxejjex oħra.
Il-belt hija wkoll żona tal-istabbilimenti tas-saħħa u hija magħrufa għall-faċilitajiet rikreattivi tagħha.
Sport
[immodifika | immodifika s-sors]
Il-belt għandha infrastruttura tal-isport żviluppata ħafna. Kien hemm żmien fejn kienet tospita diversi klabbs tal-futbol professjonali, fosthom Dynamo Irpin (li iktar 'il quddiem sar FC Ros Bila Tserkva), Nafkom-Akademiya (li iktar 'il quddiem sar FC Nafkom Brovary), u oħrajn.
Fis-sajf tal-2016 infetaħ grawnd żgħir ġdid fil-belt.[8]
Barra minn hekk, hemm skola sportiva, nursery tal-futbol, u diversi organizzazzjonijiet sportivi oħra, fosthom klabb tar-rugby. Għadd ta' avvenimenti sportivi jsiru regolarment fil-grawnd tal-belt.
Edukazzjoni
[immodifika | immodifika s-sors]
Fil-belt hemm l-istituzzjonijiet edukattivi li ġejjin:
- l-Università tas-Servizz Fiskali tal-Istat tal-Ukrajna (li qabel kienet l-Akkademja Statali tat-Taxxa),
- l-Iskola tal-Ekonomija tal-Università Agrarja Nazzjonali,
- is-Seminarju tal-Bibbja Evanġelika.
Nies notevoli
[immodifika | immodifika s-sors]- Yaroslav Amosov, professjonist Ukren tal-arti marzjali mħallta li twieled f'Irpin
- Nikolay Nosov, kittieb Sovjetiku li qatta' tfulitu f'Irpin
- Yuri Kosin, fotografu Ukren li jaħdem f'Irpin
Ġemellaġġ
[immodifika | immodifika s-sors]Irpin hija ġemellata ma':
Referenzi
[immodifika | immodifika s-sors]- ^ "УКАЗ ПРЕЗИДЕНТА УКРАЇНИ №164/2022". Офіційне інтернет-представництво Президента України . Miġbur 2022-04-08.Manutenzjoni CS1: lingwa mhix magħrufa (link)
- ^ "Statistika tal-Ukrajna" (PDF). Arkivjat minn l-oriġinal (PDF) fl-2022-04-06. Miġbur 2022-04-08.
- ^ "Enemy's attempt to capture Irpin failed, attack repulsed - General Staff". www.ukrinform.net (bl-Ingliż). Miġbur 2022-04-08.
- ^ "Devastating photo shows before and after of attack on Ukranian town of Irpin". uk.news.yahoo.com (bl-Ingliż). Miġbur 2022-04-08.
- ^ "Ukraine: Russian Assault Kills Fleeing Civilians" (bl-Ingliż). 2022-03-08. Miġbur 2022-04-08.
- ^ "80% Ірпеня вже звільнено - радник глави МВС". Інтерфакс-Україна (bl-Ukren). Miġbur 2022-04-08.
- ^ "Ukrainians have retaken control of Irpin". BBC News (bl-Ingliż).
- ^ "Iрпiнський інформаційний — Ирпенский информационный". irpinian.info. Arkivjat minn l-oriġinal fl-2022-04-23. Miġbur 2022-04-08.
- ^ "Milwaukee's Sister Cities". city.milwaukee.gov. Miġbur 2022-04-08.
- ^ "L-iffirmar tal-ġemellaġġ" (PDF).