Sètge de Marselha (1524)

Lo sètge de Marselha de 1524 se debanèt entre aost e setembre de 1524 dins lo corrent de la Seisena Guèrra d'Itàlia. Opausèt una armada imperiala a la garnison francoprovençala de la vila. Leis Imperiaus capitèron de pilhar la region abandonada per seis abitants mai poguèron pasmens pas conquistar la ciutat. L'arribada de renfòrç francés importants leis obliguèt de se retirar en setembre vèrs Itàlia. Lòng dau camin de retorn, l'armada imperiala se turtèt a de dificultats importantas (guerilha dei paisans, manca de viures, malautiá... etc.) e subiguèt de pèrdas importantas.

Aquela ataca aguèt un ròtle important dins l'unificacion de Provença au Reiaume de França. D'efèct, la necessitat de luchar còntra un adversari comun e la reaccion rapida de Francés I^èr renforcèt la fidelitat dei Provençaus au rèi, especialament aquela dei Marselhés, qu'èra pas encara totalament assegurada mens de cinquanta ans après l'union de 1481.

Liames intèrnes

• Seisena Guèrra d'Itàlia.

Bibliografia

• (fr) François-Xavier Emmanuelli, Histoire De La Provence (1980).