சூல் முட்டை
கரு முட்டை (Ovum) அல்லது சூல் முட்டை என்பது பெண்ணின் இனப்பெருக்க உயிரணு ஆகும். இது ஆண், பெண் வேறுபாடுள்ள இனங்களில், பெண் உயிரினங்களில் இருக்கும் பால் உயிரணுவாக இருப்பதனால், பெண் பாலணு எனவும் அழைக்கப்படும். சூல் முட்டையானது ஆணின் பாலணுவுடன் இணைந்து கருவணு வை உருவாக்கும்.
பாலூட்டிகள்
[தொகு]மனித இனத்தில்
[தொகு]
மனிதரில் பெண்ணின் சூலகத்தில் இந்த சூல் முட்டைகள் உருவாகும். குழந்தைப் பிறப்பின்போதே ஒரு பெண்ணிற்கு வாழ்நாள் முழுமைக்குமான முட்டை மூலங்கள் (primordial follicles) உண்டாகின்றன; பெண் பூப்படைந்த காலத்திலிருந்து அனைத்து முட்டை மூலங்களும் தீரும் வரை மாதத்திற்கு ஒரு முட்டையாக முதிரவைத்து வெளியிடுகிறாள். இது முட்டைப் பிறப்பு எனப்படுகிறது.
பின்னர் இவை ஆணின் விந்தோடு சேர்ந்து கருவணுவை உருவாக்கி, அந்த கருவணு பெண்ணின் கருப்பையில் பதிந்து வளரும். கருவணுவானது முளைய விருத்தி மூலம் முளையமாக விருத்தியடைகிறது. முளையத்திற்கு தாயிடமிருந்து சூல்வித்தகம் மூலம் ஊட்டம் கிடைக்கிறது. பின்னர் முதிர்கருவாகி, குறிப்பிட்ட கருத்தரிப்பு காலம் நிறைவடைந்ததும், குழந்தையாக பிறக்கும்.
மனித உடலில் உள்ள உயிரணுக்களிலேயே மிகவும் பெரியது சூல் முட்டை ஆகும். இதனை நுண்ணோக்கியின் உதவியின்றி காண இயலும். இது 100 முதல் 200 µm நீளமுள்ளது. இருப்பினும் இவை வெளியில் முட்டையிட்டுக் குஞ்சு பொரிக்கும் ஊர்வன, பறப்பனவினதை விட பல மடங்கு சிறியதாகும். எனவேதான் இவற்றிற்கு கருப்பையில் நீண்ட நாள் வளர்ச்சித் தேவையாக உள்ளது.[1][2][3][4]
பிற பாலூட்டிகள்
[தொகு]பிற பாலூட்டிகளில் பாலிவினைச் சுழற்சி முற்றிலும் வேறுபட்டது; 'சூடாக' இருக்கும்போது மட்டுமே இவற்றின் பெண் இனங்களால் விந்துக்களை ஏற்றுக்கொள்ள இயலும். எனவே இந்தக் காலத்தில் மட்டுமே சூலகத்திலிருந்து முட்டை வெளிவருவது தூண்டப்படுகிறது; அடுத்த சில நாட்களுக்கு பால்வினை செயல்பாடு நிகழ்கிறது. பின்னர் அடுத்த 'சூடு' காலம் வரை முழுவதுமாக நிறுத்தப்படுகிறது.
தாவரங்கள்
[தொகு]பல தாவரங்களில் தாவர பெண் உறுப்புக்களில் ஒடுக்கற்பிரிவு மூலம் சூல் முட்டைகள் உருவாகின்றன. இந்த உறுப்புகள் முட்டை உயிரணுக்களை நீண்ட 'கழுத்து'ப் பகுதியில் கொண்டுள்ளன. முட்டை முதிர்வடையும்போது இந்தக் கழுத்து திறந்து கொள்ள விந்தணு நீந்தி கருக்கட்டலை நிகழ்த்துகிறது.
மலரும் தாவரங்களில் பெண் பாலணுக்கள் எட்டு உயிரணுக்களைக் கொண்டு சூல் வித்தில் உருவாகின்றன. இவை முளையப் பை எனப்படுகின்றன. முளையப்பையின் திறப்பிற்கு அண்மையிலுள்ள உயிரணு முட்டை அணுவாகிறது. மகரந்தச் சேர்க்கையின்போது விந்தணு முளையப் பைக்குள் நீந்தி முட்டையை கருக்கட்டுகிறது. உருவாகும் கருவணு பின்னர் முளையமாக சூல் வித்தில் வளர்கிறது.
படிமங்கள்
[தொகு]-
மனித சூல் முட்டை -
சூல் முட்டை ஒன்றினை கருகட்ட முயலும் விந்தணுக்கள் -
சூல் முட்டையுடன் கலக்கும் ஓர் விந்தணு
மேற்கோள்கள்
[தொகு]- ↑ "The Ovum, Gray's Anatomy of the Human Body, Yahoo! Education". Archived from the original on 2009-07-25. பார்க்கப்பட்ட நாள் 2012-05-03.
- ↑ Ovum, Online Medical Dictionary, CancerWEB, Newcastle University
- ↑ "Oogenesis, Dr. Uzwiak, New Jersey State University". Archived from the original on 2009-02-21. பார்க்கப்பட்ட நாள் 2012-05-03.
- ↑ Definition of Ovum, Biology-Online.org
வெளி இணைப்புகள்
[தொகு]- The Ovarian Kaleidoscope Database பரணிடப்பட்டது 2012-04-01 at the வந்தவழி இயந்திரம் Describing the genes involved in making eggs
| பெண் உடற்கூறு |  | |
|---|---|---|
| பெண் உடலியக்கம் | ||
| ஆண் உடற்கூறு | சிறுநீர்க்குழாய் மொட்டுச் சுரப்பிகள் – குகைத்தனைய திசுத்திரள் – விந்து பீச்சுக்குழல்கள் – விந்தக சுருட்டுக் குழாய் – மொட்டுமுனைத் தோல் – கடிவாளத் திசு – ஆண்குறி மொட்டு – ஆண்குறி – முன்னிற்கும் சுரப்பி – Rete testis – விரைப்பை – விந்துப் பாய்மக் குமிழ்கள் – Seminiferous tubules – Sertoli cell – Spermatic cord – விந்துச் சுரப்பி – சிறுநீர்வழி – விந்து வெளியேற்றுக் குழாய்கள் | |
| ஆண் உடலியக்கம் | ||
உடற்கூற்றியல் உடலின் உறுப்புக்களைக் குறித்த கல்வியாகும் • உடலியங்கியல் உடல் எவ்வாறு செயல்படுகிறது என்பதைக் குறித்தானது | ||