(QS.
At-Tahrim: 66:6)
Para hadirin sidang Jum'at Rahimakumullah
Ayat anu nembe dibacakeun mangrupikeun peringatan Allah anu di tujukeun ka satiap jalma mukmin,
anu sakaligus ngajelaskeun yen iman hiji jalma moal cukup keur nyalametkeun dirina tina ancaman siksa
Allah.
naon sababna?
Maka Allah ngajelaskeun dina sababaraha ayat dina Al-Qur'an ngeunaan kumaha carana jalma anu iman
supaya salamet tina siksa naraka?
Seueur ayat dina Al-Qur'an anu ngajangjikeun kasalametan keur jalma-jalma anu iman, salah sahijina
nyaeta dina surat Al-Buruj
Saenya na jalma nu iman tur ngalakukeun amal soleh pikeun maranéhanana sawarga nu ngocor
dihandapna sungai-sungai [QS Al-Buruj. 85:11]
Para hadirin sidang Jum'at Rahimakumullah
Kauninga ku urang sadayana yen anu bisa nyalametkeun urang di yaumil akhir, selain urang kudu
beriman oge urang wajib ngerjakeun amal-amal shaleh.
Dimana lamun urang ngaku beriman tapi henteu daek ngerjakeun amal-amal shaleh, maka Allah
ngancam ku siksaan, disadiakeun naraka keur tempat pangbalikanana
Siksa naraka teh moal bisa di gambarkeun ku pikiran manusa kumaha ka dahsyatanana, kumaha
panasna, kumaha ngerina, moal aya saurang jalma anu sanggup sabar dina nandanganana, moal aya
saurang jalma anu sanggup nahan kana kapeurihna jeung kasangsaraanana, .
Rasulullah shallallahu 'alaihi wasallam ngabarkeun, yen panasna seueneu naraka teh eta 70 kali lipat
leuwih panas tibatan panasna seuneu di dunia.
Ti Abu Hurairah radliallahu 'anhu bahwa Rasulullah shallallahu 'alaihi wasallam ngadawuh : "Seneu
Maranéh (di dunia ieu) mangrupakeun bagean ti tujuh puluh bagean seneu naraka jahanam".
(HR. Bukhari: 3025)
Dina hadits anu sanesna Rasulullah Shallallahu ‘alaihi wa sallam ngadawuh:
Surga dan neraka ditampakkan kepadaku, maka aku tidak melihat tentang kebaikan dan keburukan
seperti hari ini.
Seandainya kamu mengetahui apa yang aku ketahui, kamu benar-benar akan sedikit tertawa dan banyak
menangis.
Anas bin Mâlik nyarioskeun,
“Moal aya sapoé oge nu leuwih beurat keur para sahabat salian ti poé eta. Maranéhna nutup sirah bari
ceurik sesenggukan. (HR. Muslim)
Para hadirin sidang Jum'at Rahimakumullah
Naha urang ngarasa aman tina ancaman Allah? padahal Nabi Allah Shallallahu 'alaihi wasallam, seorang
Nabi anu terjaga tina ngalakukeun perbuatan dosa, anu tos di jamin ku Allah lebet kana surga, tapi
anjeuna kalintang zuhud, kalintang sieun ku ancaman Allah, kalintang getol ibadahna, paling seueur dina
shalatna dugikeun ka bareuh sampeanana, istighfarna tara kirang ti 70 kali dina satiap dinten.
Nyakitu deui para sahabat anu mulia, aranjeuna ngageter badanna, menggigil ngaraos sieun satiap
ngadangu kabar ancaman ngeunaan siksa naraka, padahal aranjeuna kacida seueur dina amal
ibadahna, hirup sasarengan sareng Nabi, jihad sasarengan sareng Nabi, shalat sasarengan sareng Nabi,
malahan sabagian para sahabat tos di jamin surga ku Allah sakumaha di unggelkeun dina Al-Qur'an.
Tapi kasieun aranjeuna tina ancaman Allah kacida ageungna saolah-olah nyanghareupan jurang siksa.
Anapon urang anu ayeuna hirup jauh ti Nabi, kacida saeutik dina ngerjakeun amal shaleh, shalat oge can
tangtu bener, henteu aya jaminan bisa salamet tina ancaman Allah, henteu ngabogaan amal anu bisa
diandelkeun keur nyalametkeun diri tina siksa Allah, leuwih cinta dunia tibatan aherat padahal umur
aherat teh ratusan rebu tahun, anu disebut khaalidan fiiha, eta hartina kekal di aherat henteu aya
tungtungna, sedengkeun umur hirup di dunia anu jarang nepi ka saratus tahun, eta ibarat sakiceup lamun
di bandingkeun jeung umur aherat, tapi urang kacida lalai dina ibadah, kacida lalai tina peringatan Allah,
naha urang tos merasa aman?.
Atawa iman urang anu kacida lemah kusabab kurangna elmu? sahingga henteu percaya sapinuhna kana
naon rupa anu di beritakeun ku Allah melalui Rasul-Na?
Na'udzubillah tsumma na'udzubillah...
Hei jalma- jalma nu iman, jaga dir jeung kulawarga manéh ti seuneu naraka nu suluhna nyaéta jelema
jeung batu, nu ngajaga na malaikat- malaikat nu kasar, heuras, jeung moal doraka ka Allah kana naon
anu diparéntahkeun-Na ka maranéhana tur salawasna ngalakukeun naon nu diparéntahkeun.(QS. At-
Tahrim: 66:6)
Dina ayat iyeu di peringatkeun yen ngajaga diri tina siksa naraka teh ulah ngan saukur jang diri pribadina,
tapi oge keur diri jeung keluarga. Naon sababna?
Dina ayat anu sanesana Allah ngadawuh:
Hei jalma- jalma mukmin, saestuna di antara istri- istri jeung anak- anak maranéh aya nu bakal jadi
musuh keur manéh maka hati-hati ka maranéhanana. [QS At-Taghabun 64:14]
Oge peringatan Allah dina Al-Qur'an surat Al Muminun
Nalika sangkakala ditiup, maka moal aya deui patalian nasab di antara maranéhanana dina éta poé,
jeung moal aya maranéhanana silih patanya.(QS Al Muminun: 101)
Dina Tafsir Ibnu Katsir di sebatkan yen Allah Swt. nguningakeun yen dimana sangkakala ditiup kanggo
tiupan hari berbangkit, jeung sadaya jalma di hudangkeun tina kuburna masing-masing, maka dina poe
eta kaitan nasab jeung silsilah katurunan henteu berguna deui keur satiap jalma (kecuali nasabna
keturunan Nabi).
Saurang bapak atawa indung moal nyeungceurikan anakna, jeung moal peduli deui ka anakna. Nyakitu
deui sabalikna.
Oge satiap jalma moal patanya sanajan jeung dulurna, padahal maranehanana silih tingali, jeung moal
aya deui papada dulur silih bantu sanajan dulurna kacida dina kasusahan. Padahal sawaktu di dunia
maranehanana silih pikanyaah. Tapi kaayaan kasusahan dina poe eta ngajadikeun maranehanana
neangan salamet sewang-sewangan, jeung moal daek hiji dulur ngabantu dulurna sanajan perkara anu
leutik.
Sakumaha dawuhan Allah Swt. dina surat 'Abasa:
Dina poe nalika manusa lumpat ti duluena, indung jeung bapana, ti pamajikan jeung anakna. ('Abasa: 34-
36)
Ibnu Mas'ud nyarioskeun yen dimana poe kiamat terjadi, Allah ngumpulkeun sakabeh jalma ti kawit jalma
anu paling pertama dugikeun ka jalma anu paling terakhir, salajengna Malaikat penyeru ngagero ka
sakabeh jalma "Hai sekalian manusia, Ingatlah barang siapa yang mempunyai mazlamah (pernah
dianiaya), maka datanglah dan ambillah haknya."
Maka satiap jalma anu ngabogaan hak atawa perkara atawa kadzaliman anu teu dibales salila di dunia
pada menta hakna kalawan pada bungah, sok sanajan hak atawa perkara eta perkara leutik, pasti
nungtut menta kaadilan sanajan berkaitan jeung keluargana, indung bapana, salakina atawa
pamajikanana.
Saperti kitu nurutkeun naon anu tos di riwayatkeun ku Ibnu Abu Hatim
Dina ayat anu salajengna Surat Al Muminun Allah SWT ngadawuh
Sing saha nu beurat timbangan (kahadean)na, maka maranéhna nyaéta jalma- jalma nu meunang
beruntung.(QS Al Muminun: 102)
Jeung saha wae nu hampang timbangana, maka maranehanana jalma- jalma nu ngarugikeun diri
sorangan, maranéhna langgeng di jero naraka jahanam.(QS Al Muminun: 103)
Beungeut maranéhna diduruk seneu naraka tur maranéhna di jero naraka dina kaayaan cacat.(QS Al
Muminun: 101-104)
Dina ayat anu sanes Allah SWT ngadawuh
“Saenya na jalma- jalma nu kafir ka ayat-ayat Kami, kelak Kami asupkeun maranéhna ka jero naraka.
Tiap kali kulit maranéhna tutung, Kami ganti gulit maranéhna ku kulit nu lain, supaya maranéhna
ngarasakeun azab.” (QS. An-Nisa’: 56)
Oge Dina surat Al-Fajr Allah ngadawuh
Maka dina poé éta moal aya hiji oge nu nyiksa jiga siksa-Na. [QS Al-Fajr: 89:25]
Jeung moal aya hiji oge nu nyangcang jiga cangcang-Na. [QS Al-Fajr: 89:26]
Para hadirin sidang Jum'at Rahimakumullah
Kalintang dahsyatna siksaan dina naraka, henteu aya saurang jalma sanggup nandangan, sahingga
penduduk naraka menta di maotkeun supaya henteu ngarasakeun deui peurihna 'azab
Nanging di aherat henteu aya deui kematian selain ti kematian anu pertama nyaeta di dunia,
maranehanana hirup kekal abadi dina kasangsaraan, sakumaha anu di kisahkeun ku Allah dina Al-Qur'an
ngeunaan pamentana penghuni naraka ka Malaikat Malik,
Maranéhna nyeru : “Hei Malik, keun Tuhan anjeun ceuna maehan kami wae”. Maka malaikat Malik
ngawaler : “Manéh bakal tetep cicing (di naraka ieu).” (QS. Al-zukhruf: 77)
Para hadirin sidang Jum'at Rahimakumullah
Nurutkeun keterangan anu di jelaskeun ku Allah dina Al-Qur'an yen saestuna sadaya jalma ti kawit jalma
anu paling pertama dugikeun ka jalma anu paling terakhir, bakal digiring ku Allah secara paksa menuju
ka hiji tempat anu kacida mengerikan nyaeta jurang naraka
Sakumaha dawuh-Na dina Al-Qur'an
Jueng moal aya salah hiji oge ti maranéh kabeh, salian datang ka naraka eta. Nu keiu pikeun Tuhan
anjeun mangrupakeun hiji katentuan nu geus ditetapkeun. (QS Maryam: 71)
Dumasarkeun kana keterangan anu masyhur yen sakabeh jalma digiring ka eta tempat saparantosna di
hisab atawa di timbang sagala rupa amal-amalanana salami di dunia.
Salajengna di bentangkeun di tepi jurang eta jembatan anu di sebut shirath sakumaha kaunggel dina
hadits shahih bukhari:
“Upama Rabb kami geus datang pasti kami kenal”. Maka Allah ngadatangan maranéhna kalayan
ngadawuh: “Kaula Rabb maranéh”. Allah lajeng ngagero maranéhna, tuluy dibentangkeun Ash Shirath di
luhur naraka jahanam. Jeung kaula jalma nu kahiji nepi ngaliwatanana di antara para rasul jeung
ummatna. Dina poé éta moal aya saurang ogé nu bisa nyarita iwal para Rasul, jeung ucapan para Rasul
nyaeta: “Ya Allah salmetkeun, salametkeun”
Maka Allah ngadawuh dina surat Maryah ayat 72
Terus kami bakal nyalametkeun jalma- jalma nu takwa jeung ngantepkeun jalma- jalma nu zalim di jero
naraka dina kaayaan berlutut. (QS Maryam: 72)
Allahu A'lam bisshawab
Para hadirin sidang Jum'at Rahimakumullah
Hayu urang sami-sami tingkatkeun katakwaan ka Allah SWT kalayan katakwaan anu sabener-benerna,
ku jalan nyeueurkeun amal ibadah jeung ningkatkeun amal shaleh.
Mudah-mudahan Allah SWT maparinan taufik sareng hidayah ka urang sadayana, oge nyalametkeun
urang tina kasangsaraan siksa naraka.
Aamiin Ya Rabbal 'Aalamiin
