Gaan na inhoud

Al-Kaïda

Wysig skakels
in Wikipedia, die vrye ensiklopedie
al-Kaïda
Vlag van Al-Kaïda
Vlag van Al-Kaïda
Vlag van Al-Kaïda
Gestig 1988
Land wêreldwyd, maar veral die lande van die Midde-Ooste
Aantal lede In Afghanistan: 40[1]
In Maghreb: 300–800[2]
In Indië: 300[3][4]
In Somalië: 5 000–7 000[5]
In Sirië: 5 000–6 000[6][7]
In Jemen: 500–600[8]
Veldslae Aanvalle op 11 September 2001
Irakse Oorlog
Die vlag van Al-Kaïda in Irak
Joernalis voer 'n onderhoud met Osama bin Laden
Lande waar Al-Kaïda aktief is

al-Kaïda (القاعدة in Arabies, letterlik vertaal, "die basis"), is 'n Moslem fundamentalistiese paramilitêre beweging wat deur baie as 'n terroriste-organisasie gesien word.[9] Al-Kaïda is merendeels as 'n netwerk, of 'n staatlose weermag, eerder as 'n organisasie bedrywig. Hoewel hulle self ook terreuraanvalle loods, verleen hulle dienste (soos logistieke ondersteuning en opleiding) aan ander terreurorganisaties.

al-Kaïda is tussen Augustus 1988 en laat 1989 deur Osama bin Laden in Pesjawar, Pakistan gestig.[10] Die organisasie se oorsprong kan na die Sowjet-oorlog in Afganistan teruggespoor word. Nadat Rusland sy soldate uit Afganistan onttrek het, het Al Kaïda met terreuraanvalle op Westerse lande begin. As radikale Soenni-Moslem-beweging beywer hulle hulself vir 'n globale Djihad.

Van hulle doelwitte is om buitelandse inmenging in Moslem-lande te stop en om 'n nuwe Islamitiese kalifaat daar te stel. Volgens mediaberigte is Al-Kaïda van mening dat daar 'n Christen-Joodse-sameswering teen Islam is[11] (grootliks gebaseer op die verhouding tussen Israel en die Verenigde State), en dat die dood van onskuldige bystanders en burgerlikes in 'n Djihad geregverdig is.

Lede van die organisasie het al verskeie terreurdade uitgevoer. Meeste hiervan was teen die Verenigde State en ander liberale lande gemik. Van die bekendste hiervan is die aanvalle op 11 September 2001 in onder andere New York, bomontploffings by VSA-ambassades in Kenia en Tanzanië in 1998, en die aanval op die Amerikaanse skip, die USS Cole in 2000.[12]

Die Amerikaanse regering het 'n "oorlog teen terreur" verklaar en soldate na Afganistan gestuur om al-Kaïda se opleidingskampe te verwoes en hul leiers te vang of dood te maak. Bin Laden is op 2 Mei 2011 tydens 'n geheime operasie in Pakistan doodgeskiet.

Na raming het die organisasie 500-1000 agente in Afganistan en ongeveer 5000 wêreldwyd. Die getalle kan egter nie bevestig word nie.

Verwysings

[wysig | wysig bron]
  1. ↑ Bill Roggio (4 September 2011). "How many al Qaeda fighters are in Afghanistan again? - Threat Matrix" (in Engels). Longwarjournal.org. Geargiveer vanaf die oorspronklike op 19 Desember 2014. Besoek op 22 September 2014.
  2. ↑ "The game of terror: Al-Shabaab and Taliban are Hearts | Washington Times Communities" (in Engels). Communities.washingtontimes.com. 8 September 2013. Geargiveer vanaf die oorspronklike op 6 Oktober 2014. Besoek op 22 September 2014.
  3. ↑ Sanger, David E.; Mazzetti, Mark (30 Junie 2010). "New Estimate of Strength of Al Qaeda Is Offered". The New York Times (in Engels). Geargiveer vanaf die oorspronklike op 24 Januarie 2019. Besoek op 22 September 2014.
  4. ↑ (en) "Al Qaeda finds base in India, Modi is on its radar". The Sunday Guardian. 29 Maart 2014. Geargiveer vanaf die oorspronklike op 30 Maart 2016. Besoek op 22 September 2014.
  5. ↑ (en) "Estimated to number 5,000 to 7,000 fighters", Daily Star, 8 September 2014 ()
  6. ↑ (en) Jenkins, Brian Michael (2014). The Dynamics of Syria's Civil War (Report). RAND Corporation. http://www.rand.org/content/dam/rand/pubs/perspectives/PE100/PE115/RAND_PE115.pdf. 
  7. ↑ Idiz, Semih (10 Junie 2014). "Why is Jabhat al-Nusra no longer useful to Turkey?". Al-Monitor (in Engels). Geargiveer vanaf die oorspronklike op 27 April 2020.
  8. ↑ (fr) Boniface, Pascal. (6 September 2010).Al-Qaïda : de l’Afghanistan au Yémen ? Geargiveer 12 Maart 2012 op Wayback Machine. Le nouvel Observateur. Besoek op 22 September 2014.
  9. ↑ The dynamics of political crime, Jeffrey Ian Ross, SAGE, 2003, ISBN 0-8039-7045-5.
  10. ↑ Bergen, Peter 2006. The Osama bin Laden I Know: an oral history of al Qaeda's leader. 2nd ed, New York: Free Press. ISBN 0-7432-7892-5
  11. ↑ Fu'ad Husayn `Al-Zarqawi … "The Second Generation of al-Qa’ida, Part Fourteen," Al-Quds al-Arabi, 13 Julie 2005
  12. ↑ Wright, Lawrence (2006). The looming tower: al-Qaeda and the road to 9/11. New York: Knopf. ISBN 0-375-41486-X

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Al-Kaïda&oldid=2618078"