Bermudaanse Krieketraad
| Bermudaanse Krieketraad | |
|---|---|
 Kenteken van die Bermudaanse Krieketraad
| |
| Engelse naam | Bermuda Cricket Board |
| Afkorting | BCB |
| Land |  Bermuda
|
| Sportsoort | Krieket |
| Stigting | 1948 |
| Lid van | Internasionale Krieketraad |
| Aangesluit in | 1966 |
| Vastelandse beheerliggaam | IKR Amerikas |
| President | Arnold Manders |
| Setel | Hamilton, Bermuda |
| Amptelike taal | Engels |
| Amptelike webwerf | cricketbermuda.com |
Die Bermudaanse Krieketraad (Engels: Bermuda Cricket Board, afgekort “BCB”), tot in 2003 bekend as die Bermudaanse Krieketbeheerraad (Bermuda Cricket Board of Control, “BCBC”), is die bestuursliggaam wat krieket in die Britse oorsese gebied Bermuda beheer. Die beheerliggaam is in 1948 gestig en in Hamilton gesetel. Sedert 1966 verteenwoordig dit Bermuda by die Internasionale Krieketraad (IKR) as ’n assosiaatlid en ook by die IKR Amerikas (ICC Americas).
Geskiedenis
[wysig | wysig bron]Die Bermudaanse Krieketraad is in 1948 as die Bermudaanse Krieketbeheerraad (Bermuda Cricket Board of Control, “BCBC”) gestig met die samesmelting van die in 1844 gestigte Bermudaanse Krieketklub en die Somers Isles-krieketliga. In 1966 het dit ’n assosiaatlid van die Internasionale Krieketraad (IKR) geword en in 2003 sy huidige naam aangeneem.[1] Bermuda is een van die Engelstalige gebiede in die streek wat nie ’n lid van Krieket Wes-Indië is nie en van sy spelers kan nie vir die Wes-Indiese nasionale krieketspan gekeur word nie.[2]
Taak
[wysig | wysig bron]Die Bermudaanse Krieketraad organiseer verskeie nasionale spanne, insluitend Bermuda se nasionale seniorkrieketspan vir mans (die Gombey Warriors), vroue en jeug. Hulle is ook verantwoordelik vir die bestuur en organisasie van T20I-reekse teen ander spanne, en vir die reëling van internasionale wedstryde tuis. Daarbenewens is die Bermudaanse Krieketraad verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Bermudaanse span.
Daarbenewens bestuur die beheerliggaam kinder- en jeugkrieket in Bermuda. Net soos ander krieketlande beskik Bermuda oor ’n o/19-nasionale span wat aan die o/19-krieketwêreldbeker deelneem.[3]
Die beheerliggaam reël ook die plaaslike kompetisies. Die belangrikste krieketliga in Bermuda is die T20-liga.
Kenteken
[wysig | wysig bron]Die Bermudaanse Krieketraad se kenteken toon ’n paaltjie met gekruisde kolwe en ’n krieketbal daaragter, omring deur die letters Bermuda Cricket Board.
Verwysings
[wysig | wysig bron]- ↑ (en) "Bermuda Cricket Board". Internasionale Krieketraad. Besoek op 12 Februarie 2024.
- ↑ (en) "West Indies as separate cricketing countries?". Emerging Cricket. 8 Julie 2020. Besoek op 12 Februarie 2024.
- ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 12 Februarie 2024.
Eksterne skakels
[wysig | wysig bron]Nasionale Krieketrade van die Internasionale Krieketraad | ||
|---|---|---|
| Afrika | Botswana • Eswatini • Gambië • Ghana • Kameroen • Kenia • Lesotho • Malawi • Mali • Marokko • Mosambiek • Namibië • Nigerië • Rwanda • Seychelle • Sierra Leone • Sint Helena • Suid-Afrika • Tanzanië • Uganda • Zambië • Zimbabwe |  |
| Amerikas | Argentinië • Bahamas • Belize • Bermuda • Brasilië • Chili • Costa Rica • Falkland-eilande • Kaaimanseilande • Kanada • Meksiko • Panama • Peru • Suriname • Turks- en Caicoseilande • Wes-Indië • Verenigde State | |
| Asië | Afghanistan • Bahrein • Bangladesj • Bhoetan • Hongkong • Indië • Iran • Kambodja • Katar • Koeweit • Maleisië • Maledive • Mianmar • Mongolië • Nepal • Oesbekistan • Oman • Pakistan • Saoedi-Arabië • Singapoer • Sri Lanka • Tadjikistan • Thailand • Verenigde Arabiese Emirate • Volksrepubliek China | |
| Europa | België • Bulgarye • Denemarke • Duitsland • Eiland Man • Engeland • Estland • Finland • Frankryk • Gibraltar • Griekeland • Guernsey • Hongarye • Ierland • Israel • Italië • Jersey • Kroasië • Luxemburg • Malta • Nederland • Noorweë • Oostenryk • Portugal • Roemenië • Serwië • Siprus • Skotland • Slowenië • Spanje • Swede • Switserland • Tsjeggië • Turkye | |
| Oos-Asië-Oseanië | Australië • Cookeilande • Fidji • Filippyne • Indonesië • Japan • Nieu-Seeland • Papoea-Nieu-Guinee • Samoa • Suid-Korea • Vanuatu | |
Vetdruk dui op volle lede en skuinsdruk op assosiaatlede met huidige of voormalige EDI-status asook kriekettoernooi-ervaring | ||