Gekonfedereerde State van Amerika

Die Gekonfedereerde State van Amerika (Engels: Confederate States of America (CSA of C.S.)) was 'n konfederasie van deelstate wat in 1860 en 1861 eensydige onafhanklikheid van die Verenigde State van Amerika (VSA) verklaar het. Die konfederasie, wat tussen 1861 en 1865 bestaan het, is oorspronklik deur sewe sogenaamde Slawestate in die Laer Suide van die VSA gevorm wat deur 'n agrariese ekonomie met katoen as een van die vernaamste uitvoerprodukte en 'n uitgebreide plantasiestelsel met swart slawearbeiders gekenmerk is.

Elkeen van die konfederasie se lidstate het sy onafhanklikheid ná die verkiesing van die Republikeinse presidentskapskandidaat Abraham Lincoln in November 1860 verklaar wat hom in sy verkiesingsveldtog teen die verdere uitbreiding van die slawernystelsel uitgespreek het. Nog voordat Lincoln in Maart 1861 die ampseed afgelê het, het die Slawestate in Februarie van dié jaar hul eie Gekonfedereerde regering geproklameer wat deur die VSA-regering as onwettig beskou is.

Die politieke geskille het in April geëskaleer tot 'n gewapende konflik wat later as die Amerikaanse Burgeroorlog bekend sou staan, terwyl vier verdere Slawestate in die Hoër Suide (Upper South) hul eensydige onafhanklikheid verklaar en by die Gekonfedereerde State aangesluit het. Die Konfederasie het met Missouri en Kentucky later ook twee deelstate as lede erken wat hulle nòg onafhanklik verklaar het van die VSA nòg op enige tydstip van die konflik merendeels deur Gekonfedereerde magte beheer is. In dié twee state het Gekonfedereerde skaduregerings pogings aangewend om die bewind oor te neem, maar is later in ballingskap gestuur.

Geeneen van die politieke besware, wat deur die Gekonfedereerde State as redes vir hul eis op selfbeskikking en sesessie aangevoer is, is deur die Amerikaanse regering (die Unie) erken nie. Terwyl ook geen buitelandse moondheid diplomatieke erkenning aan die Konfederasie gegee het nie, was die Verenigde Koninkryk en Frankryk nogtans bereid om aan die Gekonfedereerde State die status van oorlogsparty ooreenkomstig internasionale reg toe te ken.

Die Amerikaanse Burgeroorlog het op 12 April 1865 met 'n Gekonfedereerde aanval op Fort Sumter begin, 'n militêre vesting van die Unie wat in die hawe van Charleston in Suid-Carolina geleë was. Ná vier jaar se hewige gevegte, wat hoofsaaklik op Gekonfedereerde gebied gevoer is, het alle Gekonfedereerde magte in die lente van 1865 oorgegee en is die Konfederasie ontbind.

Geen formele einde is aan die konflik gebring nie, terwyl feitlik alle Gekonfedereerde magte hulle tot laat in 1865 oorgegee het of ontbind is. Die Gekonfedereerde president Jefferson Davis het later opgemerk dat die Konfederasie in 1865 "verdwyn" het.

Vlae

Eerste nasionale vlag met sewe sterre^[1]
"Stars and Bars"
(4 Maart 1861 – 21 Mei 1861)
Eerste nasionale vlag met nege sterre
"Stars and Bars"
(21 Mei 1861 – 2 Julie 1861)
Eerste nasionale vlag met elf sterre
"Stars and Bars"
(2 Julie 1861 – 28 November 1861)
Eerste nasionale vlag met dertien sterre
"Stars and Bars"
(28 November 1861 – 1 Mei 1863^[2])
Tweede nasionale vlag^[3]
"Stainless Banner"
(1 Mei 1863 – 4 Maart 1865)^[2]
Derde nasionale vlag^[4]
"Blood Stained Banner"
(nooit gebruik)
Eerste vlootvaandel
1861–1863
Tweede vlootvaandel
1863–1865
Eerste vlootvaandel, 1861–1863
Tweede vlootvaandel, 1863–1865
Oorlogsvlag
"Southern Cross"
"Bonnie Blue Flag"
Nie-amptelike Suid-vlag
Gekonfedereerde vlag
in sommige weermagseenhede

Deelstate en vlae

Deelstaat	Afskeidings- en Konfederale staatsvlae	Instelling van Afskeiding	Toelating tot Konfederasie	Terug onder Unie-beheer	Hertoegelaat tot verteenwoordiging in VS-Kongres
Suid-Carolina		20 Desember 1860	4 Februarie 1861	1865	9 Julie 1868
Mississippi		9 Januarie 1861	4 Februarie 1861	1863	23 Februarie 1870
Florida		10 Januarie 1861	4 Februarie 1861	1865	25 Junie 1868
Alabama		11 Januarie 1861	4 Februarie 1861	1865	13 Julie 1868
Georgia		19 Januarie 1861	4 Februarie 1861	1865	1ste datum 21 Julie 1868; 2de datum 15 Julie 1870
Louisiana		26 Januarie 1861	4 Februarie 1861	1863	9 Julie 1868
Texas		1 Februarie 1861	2 Maart 1861	1865	30 Maart 1870
Virginië		17 April 1861	7 Mei 1861	1865 Wes-Virginië: 1862	26 Januarie 1870 Wes-Virginië: 20 Junie 1863
Arkansas	geen staatsvlag	6 Mei 1861	18 Mei 1861	1864	22 Junie 1868
Noord-Carolina		20 Mei 1861	21 Mei 1861	1865	4 Julie 1868
Tennessee		8 Junie 1861	2 Julie 1861	1863	24 Julie 1866
Missouri		31 Oktober 1861	28 November 1861	1861	Missouri het in die VS-Kongres gebly
Kentucky		20 November 1861	10 Desember 1861	1861	Missouri het in die VS-Kongres gebly

Regering

Pos	Naam	Regeer
President	Jefferson Davis	25 Feb 1861–10 Mei 1865
Adjunkpresident	Alexander Stephens	25 Feb 1861–11 Mei 1865

Minister van Buitelandse sake	Robert Augustus Toombs	25 Feb 1861–25 Jul 1861
	Robert Mercer Taliaferro Hunter	25 Jul 1861–22 Feb 1862
	William Montague Browne	7 Mar 1862–18 Mar 1862
	Judah Philip Benjamin	18 Mar 1862–Mei 1865
Minister van die Tesourie	Christopher Gustavus Memminger	25 Feb 1861–15 Jun 1864
	George Alfred Trenholm	18 Jul 1864–27 Apr 1865
	John Henninger Reagan	27 Apr 1865–10 Mei 1865
Oorlogsekretaris	Leroy Pope Walker	24 Feb 1861–16 Sep 1861
	Judah Philip Benjamin	17 Sep 1861–24 Mar 1862
	George Wythe Randolph	24 Mar 1862–15 Nov 1862
	Gustavus Woodson Smith	17 Nov 1862–20 Nov 1862
	James Alexander Seddon	21 Nov 1862–5 Feb 1865
	John Cabell Breckinridge	6 Feb 1865–Mei 1865
Vlootsekretaris	Stephen Russell Mallory sr.	4 Mar 1865–20 Mei 1865
Posmeester-generaal	John Henninger Reagan	6 Mar 1861–10 Mei 1865
Prokureur-generaal	Judah Philip Benjamin	25 Feb 1861–17 Sep 1861
	Wade Keyes	17 Sep 1861–21 Nov 1861
	Thomas Bragg	21 Nov 1861–18 Mar 1862
	Thomas Hill Watts	18 Mar 1862–1 Okt 1863
	Wade Keyes	1 Okt 1863–4 Jan 1864
	George Davis	4 Jan 1864–24 Apr 1865

Verwysings

↑ (en) Coulter, Ellis Merton. The Confederate States of America, 1861–1865, besoek op 13 Junie 2012.
↑ ^2,0 ^2,1 "Confederate States of America government" (in Engels). Geargiveer vanaf die oorspronklike op 20 Januarie 2020. Besoek op 5 Oktober 2014.
↑ (en) Sansing, David. Brief History of the Confederate Flags Geargiveer 24 Februarie 2021 op Wayback Machine at "Mississippi History Now" online Mississippi Historical Society. Second National Flag, "the stainless banner" references, Devereaux D. Cannon, Jr., The Flags of the Confederacy, An Illustrated History (St. Lukes Press, 1988), 22–24. Section Heading "Second and Third National Flags". Besoek op 4 Desember 2012.
↑ (en) Sansing, David, Brief History of the Confederate Flags Geargiveer 24 Februarie 2021 op Wayback Machine at "Mississippi History Now" online Mississippi Historical Society. Third National Flag, "the bloodstained banner" references 19. Southern Historical Society Papers (cited hereafter as SHSP, volume number, date for the first entry, and page number), 24, 118. Section Heading "Second and Third National Flags". Besoek op 4 Oktober 2012.

Bronne

(en) Richard N. Current: Encyclopedia of the Confederacy. 4 Bde., New York 1993. ISBN 0-02-864920-6.
(en) William C. Davis: Look Away!: A History of the Confederate States of America. New York 2002.
(en) William C. Davis: An Honorable Defeat: The Last Days of the Confederate Government. Orlando 2001. ISBN 0-15-100564-8.

Eksterne skakels

(en) Documenting the American South
- (en) Confederate official government documents
(en) Confederate History: Son of the South
(en) The Constitution of the Confederate States of America Geargiveer 4 April 2013 op Wayback Machine

[FirstFlag-1] (en) Coulter, Ellis Merton. The Confederate States of America, 1861–1865, besoek op 13 Junie 2012.

[CSAflag-2] 2,0 ^2,1 "Confederate States of America government" (in Engels). Geargiveer vanaf die oorspronklike op 20 Januarie 2020. Besoek op 5 Oktober 2014.

[3] (en) Sansing, David. Brief History of the Confederate Flags Geargiveer 24 Februarie 2021 op Wayback Machine at "Mississippi History Now" online Mississippi Historical Society. Second National Flag, "the stainless banner" references, Devereaux D. Cannon, Jr., The Flags of the Confederacy, An Illustrated History (St. Lukes Press, 1988), 22–24. Section Heading "Second and Third National Flags". Besoek op 4 Desember 2012.

[4] (en) Sansing, David, Brief History of the Confederate Flags Geargiveer 24 Februarie 2021 op Wayback Machine at "Mississippi History Now" online Mississippi Historical Society. Third National Flag, "the bloodstained banner" references 19. Southern Historical Society Papers (cited hereafter as SHSP, volume number, date for the first entry, and page number), 24, 118. Section Heading "Second and Third National Flags". Besoek op 4 Oktober 2012.

[1]

[2]

[3]

[4]