Mantsjoes
- Hierdie artikel handel oor die etniese groep. Vir die taal, sien Mantsjoe.
| Mantsjoes | |
|---|---|
 | |
| Totale bevolking: | 10 430 000 |
| Belangrike bevolkings in: |  Volksrepubliek China 10 410 585[1]
|
| Taal: | Hoofsaaklik Mandaryns, baie min Mantsjoe |
| Geloofsoortuiging: | Hoofsaaklik ongebonde, Mantsjoe-sjamanisme, Boeddhisme, Chinese volksgodsdiens |
| Verwante etniese groepe: | Ander Toengoesiese volke soos Ewenke, Nanai, Oroqen, Udege en Sibe. |
Die Mantsjoes (Mantsjoe: 
; Möllendorff: manju; Abkai: manju; Vereenvoudigde Chinees: 满族; Tradisionele Chinees: 滿族; pinyin: Mǎnzú; Wade–Giles: Man³-tsu²) behoort tot een van die 56 amptelik erkende etniese groepe ("nasionaliteite") in die Volksrepubliek China. Hul tuiste is die Mantsjoerye in Noordoos-China, wat na dié etniese groep genoem is. Tydens die Qing-dinastie (1644–1912), ook bekend as Mantsjoe-dinastie, China se laaste heersende keiserlike dinastie, het die Mantsjoes oor China, Mongolië en aangrensende gebiede geheers.
Die Mantsjoes is die grootste groep van die Toengoesiese volke, maar hul taal, Mantsjoe, is byna uitgestorwe. Mantsjoes praat as moedertaal oorwegend Mandaryns met plaaslike dialekte. Mantsjoes is naas Han-Chinese, Zhuang en Hui-Chinese die vierde grootste etniese groep in die Volksrepubliek China. Hulle is ook die grootste erkende etniese minderheid sonder 'n eie outonome gewes.
Volgens die sensus van 2011 leef in die Volksrepubliek China 10 410 585 Mantsjoes, veral in Noordoos-China, die Mantsjoerye. Groot bevolkings van Mantsjoes leef in die provinsies Liaoning (5 385 287 of 12,88%), Hebei (2 118 711 of 3,18%), Heilongjiang (1 037 080 of 2,86%), Jilin (993 112 of 3,71%), Binne-Mongolië (452 765 of 1,83%) en Beijing (336 000 of 2%). Daarbenewens leef sowat 12 000 Mantsjoes in die Republiek China op Taiwan.
Verwysings
[wysig | wysig bron]- ↑ (zh) 《中国2010年人口普查资料（上中下）》 (the Data of 2010 China Population Census). China Statistics Press. 2012. ISBN 9787503765070.
{{cite book}}: Ongeldige|ref=harv(hulp) - ↑ "台灣滿族的由來暨現況 / 作者 翁福祥先生" (in Chinees). Geargiveer vanaf die oorspronklike op 27 Junie 2019. Besoek op 25 November 2018.
Eksterne skakels
[wysig | wysig bron]
Wikimedia Commons het meer media in die kategorie Mantsjoes.- (en) "Manchu". Encyclopædia Britannica. Besoek op 25 November 2018.
- (en) The Manchu ethnic minority – Chinese regeringswebwerf
- (zh) Verspreiding van etniese groepe in China Geargiveer 1 Januarie 2016 op Wayback Machine
