Oranjerivierkolonie

Orange River Colony
Oranjerivierkolonie

← 1902–1910 →
Vlag Wapen
Volkslied: God Save the King (1902–1910)
Ligging of Oranjerivierkolonie Ligging van die Oranjerivierkolonie tussen 1902 en 1910
Hoofstad	Bloemfontein 29°06′S 26°13′O
Taal/Tale	Afrikaans, Engels, Nederlands, Suid-Sotho
Godsdiens	Nederduitse Gereformeerde Kerkfamilie, Anglikaanse Kerk, Afrika-godsdiens
Regering	Monargie
Monarg
- 1902–1910	Edward VII
- 1910	George V
Eerste minister
- 1907–1910	Abraham Fischer
Goewerneur
- 1902–1905	Alfred Milner
- 1905–1907	William Palmer
- 1907–1910	Hamilton John Goold-Adams
Historiese tydperk	Wedloop om Afrika
- Britse besetting van die Oranje-Vrystaat	28 Mei 1900
- Britse anneksasie	6 Oktober 1900
- Verdrag van Vereeniging	31 Mei 1902
- Selfregering	27 November 1907
- Stigting van die Unie van Suid-Afrika	31 Mei 1910
- Stigting van die Oranje-Vrystaat-provinsie	31 Mei 1910
Bevolking
- 1904 skatting	387 315
Geldeenheid	Pond sterling

Die Oranjerivierkolonie (Engels: Orange River Colony) was 'n Britse kolonie wat geskep is met die anneksasie van die Oranje-Vrystaat in 1900, na die Boere-oorlog.

Die hervatting van burgerlike administrasie, Bloemfontein, 23 Junie 1902.

Lord Roberts het die Union Jack op 28 Mei 1900 oor Bloemfontein gehys, en anneksasie het amptelik van krag geword op 6 Oktober. Sir Alfred Milner is aangestel as goewerneur op 4 Januarie 1901, met Hamilton John Goold-Adams as luitenant-goewerneur.

Teen 1904 het die gevoel vir een of ander vorm van selfregering sterk begin raak en is die Orangia Unie party gevorm om die ideë te bevorder. In die daaropvolgende jaar tree Milner af en word Lord Selborne die nuwe goewerneur. Die kolonie verkry selfregering in 1907, en op 27 November word Abraham Fischer van die Oranje Unie die eerste Eerste Minister. In 1910 sluit dit by die Unie van Suid-Afrika aan as die "Oranje-Vrystaat Provinsie". Die provinsie bly voortbestaan na 1994 as die Vrystaat.

Posseëls

Onmiddellik na anneksasie het die Britte die republiek se seëls met "V.R.I." (Victoria Regina Imperatrix) oorgestempel. Daar was geringe variasies, sommige baie seldsaam en vandag uiters gesog. Seëls van die Kaapkolonie is ook oorgestempel, met "ORANGE RIVER COLONY" (10 Augustus, voor die kolonie amptelik bestaan het), en eers in 1903 het die Oranjerivierkolonie sy eie seëls gekry. Hierdie seëls het 'n portret van Koning Edward VII, saam met klein prentjies van 'n springbok en 'n wildebees. Dit is gebruik tot uniewording in 1910 en is vandag algemeen beskikbaar en goedkoop.

Goewerneurs

Sir Hamilton John Goold-Adams, goewerneur van 1907 tot '10.

#	Naam	Party	Ampsaanvaarding	Amp verlaat
1	Alfred Milner	Konserwatiewe Party	23 Junie 1902	1 April 1905
2	William Palmer	Liberale Party	1 April 1905	7 Junie 1907
3	Hamilton John Goold-Adams	Onafhanklik	7 Junie 1907	31 Mei 1910

Demografie

Rasverdeling

Bevolkingsgetalle volgens die 1904-sensus:

Bevolkingsgroep	Getal	Persent (%)
Swartes	225 101	58,11
Blankes	142 679	36,83
Bruines	19 282	4,97
Asiërs	253	0,06
Totaal	387 315	100,00