Tiberius

Tiberius
2de Keiser van die Romeinse Ryk
Portretborsbeeld van Tiberius (Museum Ny Carlsberg Glyptotek).
Regeer	18 September 14 – 16 Maart 37 (vir 22 jare en 179 dae)
Volle naam	Tiberius Julius Caesar Augustus
Gebore	16 November 42 v.C.; Rome, Romeinse Republiek
Oorlede	16 Maart 37 n.C.; Misenum, Romeinse Ryk (op 78)
Begrawe	Mausoleum van Augustus, Rome
Voorganger	Augustus
Opvolger	Caligula
Adellike huis	Julio-Claudiese dinastie
Vader	Tiberius Claudius Nero
Moeder	Livia Drusilla
Eggenote	Vipsania Agrippina Julia die ouere
Kinders	Drusus Julius Caesar Tiberillus Germanicus

Tiberius Julius Caesar Augustus (voor sy aanneming deur Augustus: Tiberius Claudius Nero; * 16 November 42 v.C. in Rome; † 16 Maart 37 n.C. aan die Kaap Misenum) het tussen 14 en 37 n.C. as tweede Romeinse keiser geregeer. Hy was ná sy stiefvader Augustus die tweede keiser van die Romeinse Ryk - albei is in die Julies-Claudiese geslagslyn gebore. Sy regeringstyd was een van die langste alleenregerings van 'n Romeinse keiser.

Tiberius het veral voor sy regeringsoorname groot militêre oorwinnings behaal. Met sy militêre bedrywighede in Pannonië, Illyricum, Raetië en Germanië het hy die noordelike grenslyn van die Romeinse Ryk getrek. Hy het daarnaas ook sukses by die administrasie van Romeinse provinsies en die finansiële bestuur van sy ryk behaal.

Dit was paleisintriges, die sameswering van die ambisieuse Seianus, teregstellings van dissidente Romeinse adellikes en Tiberius se onttrekking aan die lewe in Rome wat latere antieke geskiedskrywers 'n negatiewe waardeoordeel oor hom laat vel het. Dit is egter duidelik dat Suetonius die keiser eerder in 'n negatiewe lig beskou het.

Teen die einde van sy lewe het die institusionalisering van die monargie en die daarmee gepaardgaande ontneming van politieke regte van die Romeinse Senaat 'n belangekonflik tussen keiser en senatore laat ontstaan.

Sien ook

• Lys van Romeinse keisers