Volkswagen Golf
 | |
| Oorsig | |
|---|---|
| Vervaardiger |  Volkswagen |
| Ook genoem | Volkswagen Rabbit |
| Produksie | 1974–huidig |
| Bakwerk en onderstel | |
| Klas | Kompakte motor |
| Bakstyl | 3- of 5-deur luikrug 5-deur stasiewa (Variant) 2-deur Cabriolet 5-deur Sportsvan |
| Platform | Mk1 tot Mk6: Volkswagengroep A platform Mk7: Volkswagengroep MQB platform |
| Spesifikasies | |
| Lengte | 2-deur: 4211 mm |
| Breedte | 2-deur: 1760 mm |
| Plek in geskiedenis | |
| Voorganger | Volkswagen Beetle |
Die Volkswagen Golf is 'n kompakte motor wat deur die Duitse vervaardiger Volkswagen vervaardig word sedert 1974, en wêreldwyd bemark is oor sewe geslagte. Dit het reeds in verskeie bakkonfigurasies en onder verskillende naamplate verskyn - soos die Volkswagen Rabbit in die Verenigde State en Kanada (Mk1 en Mk5), en die Volkswagen Caribe in Meksiko (Mk1).
Die oorspronklike Golf Mk1 was 'n voorenjin, voorwielaangedrewe plaasvervanger vir die lugverkoelde, agterenjin, agterwielaangedrewe Volkswagen Beetle. Histories is die Golf Volkswagen se topverkopermodel en die wêreld se tweede beste verkoopsmodel, met meer as 29 miljoen eenhede gebou teen 2012.[1] Die Volkswagen Golf se ontwerp is deur die Italiaanse motorontwerper Giorgetto Giugiaro se ateljee Italdesign behartig.[2]
Die grootste deel van die Golfproduksie was aanvanklik in die 3-deur luikrugstyl.[3] Ander variante sluit in 'n 5-deur luikrug, stasiewa ("Variant" van 1993), afslaankap (Cabriolet en Cabrio, 1979-2002, 2011-hede), en 'n Golf-afgeleide knoprugsedan, onder andere Volkswagen Jetta, Volkswagen Vento (vanaf 1992) of Volkswagen Bora (vanaf 1999) genoem. Die motors het vele marksegmente gevul, van basiese persoonlike motors, tot hoëverrigting luikrue ("hot hatches").
Die Volkswagen Golf het deur sy geskiedenis talryke toekennings ontvang. Die Volkswagen Golf Mk6 het die "Wêreldmotor van die Jaar" in 2009 gewen en in 2013 die Volkswagen Golf Mk7. Elke geslag van die Golf was reeds 'n naaswenner in die Europese Motor van die Jaar-toekennings. Die Golf is een van slegs twee motors - die ander is die Renault Clio - wat tweekeer "Europese Motor van die Jaar" was, in 1992 en 2013.[4] Die Volkswagen Golf het die "Car and Driver" se jaarlikse 10 Beste-lys meer as een keer gehaal.
Voorbeelde van modelreekse
-
Volkswagen Golf Mk1 -
Volkswagen Citi Golf R-Line (Suid-Afrikaanse modelvariant) -
Volkswagen Golf Mk2 -
Volkswagen Golf Mk3 -
Volkswagen Golf Mk4
_CL_5-door_hatchback_03.jpg)
-
Volkswagen Golf Mk5 -
Volkswagen Golf Mk6 -
Volkswagen Golf Mk7 in Düsseldorf, Duitsland -
Volkswagen Golf Mk8
_Sportline_2.0_TDI_5-door_hatchback_(2010-07-05).jpg)
_%E2%80%93_Frontansicht,_31._Dezember_2012,_D%C3%BCsseldorf.jpg)
Verwysings
- ↑ Gareth Kent (30 Maart 2007). "VW Golf build passes 25 million". carmagazine.co.uk (in Engels). Geargiveer vanaf die oorspronklike op 28 Julie 2014. Besoek op 11 Maart 2008.
- ↑ Claudia Neumann: Design Lexikon Italien. Köln: DuMont Buchverlag 1999, bl. 213
- ↑ Syfers vir 1974 tot 1987: 4.7 miljoen 3-deur, 2.55 miljoen 5-deur, volgens: Oswald, Werner (2001). Deutsche Autos 1945–1990, vol.3. Stuttgart: Motorbuch Verlag. pp. 86–87. ISBN 3-613-02116-1.
- ↑ "Previous Winners" (in Spaans). Car of the Year. Geargiveer vanaf die oorspronklike op 23 September 2017. Besoek op 9 November 2011.
 Volkswagen-modelle
| ||
|---|---|---|
|
Huidige modelle:
CC ·
Eos ·
Golf ·
Jetta ·
New Beetle ·
Passat ·
Polo ·
Scirocco ·
Sharan ·
Tiguan ·
Touareg ·
Touran ·
VW up!
| ||
| Wysig hierdie sjabloon | ||
