Wikipedia:Uitgesoekte herdenkings/Junie

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne

Vandag is Donderdag, 26 Desember 2024; dit is nou 01:20 (UTC)

Sjabloon:UitgesoekteHerdenkingsJunie

1 Junie:

1773 – Wolraad Woltemade red 14 mense op die gestrande De Jonge Thomas deur sewe keer met sy perd in die stormsee na die skip te swem, maar betaal met sy lewe tydens sy agste poging.
1975 – Rhodesiese onlustepolisie skiet 11 swart betogers en wond 15 ander buite Salisbury.
1979 – Negentig jaar van wit minderheidsregering eindig in Rhodesië, wat voortaan as Zimbabwe bekend sou staan.
2001 – Nepalese koninklike familie word afgemaai deur die troonopvolger voor hy homself skiet.
2002 – Die Suid-Afrikaanse krieketspeler Hansie Cronjé sterf in 'n vliegtuigongeluk.

besigtig - bespreek - wysig - geskiedenis

2 Junie: Republiekdag in Italië (1946).

455 – Die Vandale plunder Rome.
1946 – Italië word 'n republiek en skaf die monargie af.
1953 – Die kroning van koningin Elizabeth II – die eerste kroning wat op televisie uitgesaai word.
1979 – Suid-Afrikaanse swaargewig-bokskampioen Kallie Knoetze verloor die wêreldtitel teen die Amerikaanse John Tate in die agste rondte na 'n tegniese uitklophou.
2003 – Postume première van Destino, 'n geanimeerde kortfilm deur Salvador Dalí en Walt Disney.

besigtig - bespreek - wysig - geskiedenis

3 Junie: Marteldag in Uganda.

1889 – Die eerste langafstand elektriese kraglyn in die Verenigde State word tussen Willamette-waterval tot by Portland, Oregon, se middestad gebou.
1940 – Tweede Wêreldoorlog: Parys word vir die eerste keer deur die Luftwaffe gebombardeer.
1944 – Charles de Gaulle word eerste minister van Frankryk.
1946 – Apartheid: 'n Wet wat grondeienaarskap en die stemreg van Asiate inkort, word in Suid-Afrika aangeneem.
2006 – Montenegro verklaar as gevolg van 'n positiewe referendum sy onafhanklik van Serwië en Montenegro.

besigtig - bespreek - wysig - geskiedenis

4 Junie: Trianon-verdrag-dag in Roemenië (1920).

1798 – Oorlede: Giacomo Casanova, Venesiese avonturier en legendariese vrouejagter.
1917 – Die eerste Pulitzerprys word toegeken.
1920 – Die koninkryk van Hongarye word met die ondertekening van die Trianon-verdrag in Parys in vyf lande verdeel.
1944 – Tweede Wêreldoorlog: die Geallieerde troepe bevry Rome.
1979 – Marais Viljoen begin sy termyn as Suid-Afrika se laaste seremoniële staatshoof.
1995 – Die Nieu-Seelandse All Blacks behaal hulle grootste oorwinning nog: 145-17 teen Japan.

besigtig - bespreek - wysig - geskiedenis

5 Junie: Grondwetdag in Denemarke.

1806 – Die Bataafse Republiek word hernoem tot die Koninkryk van Holland.
1849 – Denemarke word 'n grondwetlike monargie.
1934 – JBM Hertzog se Nasionale Party en Jan Christian Smuts se Suid-Afrikaanse Party smelt saam om die Verenigde Party van Suid-Afrika te vorm.
1991 – Die Suid-Afrikaanse Groepsgebiedewet, waarvolgens verskillende gebiede en stede en dorpe aan verskillende rasse toegeken is, word afgeskaf.
2004 – Oorlede: Ronald Reagan, 40ste president van die Verenigde State.
2017 – Montenegro sluit by die Noord-Atlantiese Verdragsorganisasie (NAVO) aan.

besigtig - bespreek - wysig - geskiedenis

6 Junie: Nasionale Dag van Swede

1654 – Karl X volg sy niggie Christina op die Sweedse troon op.
1859 – Queensland word afgestig van die deelstaat Nieu-Suid-Wallis, Australië.
1944 – D-dag: Die Slag van Normandië begin met 155 000 Geallieerde soldate wat aan die kus van Normandië land in die grootste amfibiese krygsverrigting in die geskiedenis.
1982 – Oorlog breek in Libanon uit toe Israeliese magte die suide van die land binneval om ontslae te raak van militante van die Palestynse Bevrydingsorganisasie (PLO).
1996 – Die Engelse nasionale rugbyspan ly hul grootste nederlaag tot nou: 0-76 teen Australië.

besigtig - bespreek - wysig - geskiedenis

7 Junie: Joernalistedag in Argentinië (1810).

1679 – Jerewan, die hoofstad van Armenië, word deur 'n massiewe aardbewing verwoes.
1905 – Noorweë onttrek uit die unie met Swede.
1948 – Edvard Beneš bedank as president van Tsjeggo-Slowakye eerder as om 'n grondwet te teken wat sy land in 'n Kommunistiese staat sou omskep.
1954 – Alan Turing sterf. Hy word as een van die grondleggers van die moderne rekenaarwetenskap beskou.
1981 – Israel vernietig die Osirak-kernaanleg naby Bagdad in Irak uit vrees dat dit vir die vervaardiging van atoombomme gebruik sou kon word.

besigtig - bespreek - wysig - geskiedenis

8 Junie:

1867 – Keiser Frans Josef I van Oostenryk word as koning van Hongarye gekroon.
1926 – Emily Hobhouse, kampvegster vir die verbetering van toestande in die konsentrasiekampe tydens die Tweede Vryheidsoorlog, sterf.
1940 – Tweede Wêreldoorlog: Die geallieerde magte onttrek uit Narvik in Noorweë, wat daartoe lei dat die Nore hulle wapens in Noorweë moet neerlê.
1949 – George Orwell se politiese roman Nineteen Eighty-Four word gepubliseer.
1967 – Sesdaagse Oorlog: Die intelligensieskip USS Liberty word deur die Israeliese Verdedigingsmagte aangeval in die USS Liberty insident. 34 Amerikaners sterf.

besigtig - bespreek - wysig - geskiedenis

9 Junie:

Klokhorlosie vanaf die Kroonprinses van Denemarke

1534 – Jacques Cartier word die eerste Europeër wat die Sint-Laurensrivier ontdek.
1752 – Die Deense skip Kroonprinses van Denemarke strand by Mosselbaai in die Kaapkolonie.
1815 – Luxemburg verkry by die Kongres van Wene soewereiniteit binne die Duitse Bond.
1983 – Margaret Thatcher se Konserwatiewe Party wen met 'n oorweldigende meerderheid om haar 'n tweede termyn as Eerste Minster van die Verenigde Koninkryk te verseker.
1990 – 28 gevangenes word op Robbeneiland vrygelaat kragtens 'n aankondiging in die parlement deur staatspresident F.W. de Klerk.

besigtig - bespreek - wysig - geskiedenis

10 Junie:

1836 – Die Franse fisikus André-Marie Ampère, wat as een van die hoofontdekkers van elektromagnetisme beskou word, sterf.
1898 – Tuone Udaina, die laaste spreker van die Romaanse taal Dalmaties, sterf toe hy op 'n landmyn trap.
1940 – Tweede Wêreldoorlog: Italië verklaar oorlog teen Frankryk en die Verenigde Koninkryk.
1967 – Sesdaagse Oorlog: Israeliese magte beëindig hulle opmars in Sirië en hou hulle by 'n VN-skietstaking en bring daarmee 'n einde aan ses dae se gevegte op drie fronte.
1988 – Die Amerikaanse skrywer Louis L'Amour sterf.

besigtig - bespreek - wysig - geskiedenis

11 Junie: Kamehameha Dag in Hawaii

1889 – Die eerste Margherita-pizza word volgens oorlewering deur die pizzamaker Peppino Brandi gebak vir die Italiaanse koning Umberto I en sy eggenote, Margherita.
1906 – Die Afrikaanse skrywer N.P. van Wyk Louw word op Sutherland in die Kaapkolonie gebore.
1955 – Le Mans-ramp: Sewe-en-sewentig mense sterf en ander word beseer toe 'n renmotor van die baan af tol en in die skare vasjaag.
2003 – Die naam van die hoofstad van die Limpopoprovinsie, Pietersburg, word amptelik gewysig na Polokwane.
2005 – Die Springbokke behaal hul grootste oorwinning ooit, deur Uruguay met 134–3 te klop in Oos-Londen.
2010 – Die FIFA Sokker-Wêreldbekertoernooi in 2010 skop in Suid-Afrika af.

besigtig - bespreek - wysig - geskiedenis

12 Junie: Nasionale Dag van Rusland; Dia dos Namorados in Brasilië; Onafhanklikheidsdag in die Filippyne (1898).

1550 – Die huidige hoofstad van Finland, Helsinki, word op bevel van die Sweedse koning Gustav I Wasa as Helsingfors gestig.
1898 – Die Filippyne verklaar hulle onafhanklikheid van Spanje.
1964 – Die anti-Apartheidsleier Nelson Mandela word tot lewenslange tronkstraf gevonnis.
1987 – Pres. Ronald Reagan van die Verenigde State daag die leier van die Sowjetunie, Michail Gorbatsjof, in die openbaar uit om die Berlynse Muur af te breek.
2012 – Riah Phiyega word aangestel as Suid-Afrika se eerste vroulike polisiekommissaris.

besigtig - bespreek - wysig - geskiedenis

13 Junie:

1898 – Yukon word van die Noordwestelike gebiede afgestig as eie gebied van die Kanadese Konfederasie met Dawson City as hoofstad.
1917 – Augusto Roa Bastos, 'n romanskrywer van Paraguay, word in Iturbe gebore.
1922 – Gebore: die Afrikaanse skrywer Etienne Leroux, op Oudtshoorn. Hy was die seun van S.P. le Roux (later Suid-Afrikaanse Minister van Landbou) en die peetkind van C.J. Langenhoven.
1983 – Pioneer 10 word die eerste mensgemaakte voorwerp wat die sonnestelsel verlaat.
1985 – Die eerste uitgawe van die Suid-Afrikaanse koerant Weekly Mail verskyn.

besigtig - bespreek - wysig - geskiedenis

14 Junie: Vryheidsdag in die Falkland-eilande en Suid-Georgië en die Suidelike Sandwicheilande (1982)

1736 – Die Franse wetenskaplike, uitvinder en militêre ingenieur Charles Coulomb word in Angoulême in die département Charente gebore.
1777 – Die Stars and Stripes word die amptelike vlag van die Verenigde State.
1907 – Die Oranjerivierkolonie verkry selfregeringstatus.
1940 – Parys word tydens die Tweede Wêreldoorlog deur Nazi-Duitsland ingeval en beset.
1985 – TWA Vlug 847 word deur Hezbollah-militante gekaap.

besigtig - bespreek - wysig - geskiedenis

15 Junie:

1215 – Koning Jan van Engeland bekragtig die Magna Carta, waarvolgens die mag van die koning in die Koninkryk van Engeland formeel beperk word.
1836 – Arkansas word die 25ste deelstaat van die Verenigde State.
1915 – Eerste Wêreldoorlog: Duitsers in Duits-Suidwes-Afrika gee oor aan Suid-Afrikaanse magte onder generaal Louis Botha.
1966 – Die wêreld se eerste skeertuigskou word geopen met die nuus dat die Britse departement van verdediging 'n bestelling van sowat £1 miljoen geplaas het.
2000 – Britse seesoldate wat na Sierra Leone gestuur is om VN-magte te help met die handhaaf van orde, verlaat die land.

besigtig - bespreek - wysig - geskiedenis

16 Junie: Bloom-dag in Ierland, Jeugdag in Suid-Afrika

1900 – Proklamasie van die Verskroeideaardebeleid deur Lord Roberts.
1903 – Die Ford Motormaatskappy word gestig.
1940 – Tweede Wêreldoorlog: Estland word deur die Sowjetunie beset.
1976 – Die 1976-skoliereopstand word gewelddadig en talle kinders, onder wie Hector Pieterson, word deur die polisie geskiet.
1999 – Thabo Mbeki word ingehuldig as president van Suid-Afrika.

besigtig - bespreek - wysig - geskiedenis

17 Junie: Onafhanklikheidsdag in Ysland (1944)

1775 – Amerikaanse Rewolusionêre Oorlog: Britse magte neem Bunker Hill buite Boston, Massachusetts, oor.
1789 – Tydens die Franse Rewolusie roep die Derde Stand (Frans:Tiers état) van Frankryk 'n nasionale vergadering uit.
1795 – Kaapse burgers beset die drosdy in Swellendam waarna die Republiek van Swellendam uitgeroep word.
1924 – Die Pakt-regering word gevorm nadat 'n koalisie tussen die Nasionale Party en die Arbeidersparty die Suid-Afrikaanse Party in die algemene verkiesing verslaan.
1991 – Die Wet op Bevolkingsregistrasie, een van die hoekstene van Apartheid, word deur die Suid-Afrikaanse parlement opgehef.

besigtig - bespreek - wysig - geskiedenis

18 Junie:

1812 – Die Verenigde State van Amerika verklaar oorlog teen die Verenigde Koninkryk en begin daarmee die Anglo-Amerikaanse Oorlog van 1812.
1815 – Napoleon Bonaparte verloor sy finale slag, die Slag by Waterloo.
1858 – Charles Darwin ontvang 'n manuskrip deur Alfred Russel Wallace oor evolusie, wat hom aanspoor om sy teorie te publiseer.
1873 – Vroueregte-aktivis Susan B. Anthony word $100 beboet vir haar poging om aan die Amerikaanse presidentsverkiesing van 1872 deel te neem.
1942 – Gebore: Thabo Mbeki, voormalige president van Suid-Afrika.

besigtig - bespreek - wysig - geskiedenis

19 Junie: Juneteenth in die Verenigde State (1865).

1623 – Gebore: Blaise Pascal, Franse filosoof, teoloog, wis- en natuurkundige.
1932 – Oorlede: Sol Plaatje, veeltalige Suid-Afrikaanse joernalis, skrywer en politikus en aktivis van die Swart burgerregte-beweging.
1945 – Gebore: Aung San Suu Kyi, Birmaanse vryheidstryder en wenner van die Nobelprys vir Vrede in 1991.
1961 – Koeweit word onafhanklik van die Verenigde Koninkryk.
1993 – William Golding, Engelse skrywer, digter en ontvanger van die Nobelprys vir Letterkunde (1983), sterf.

besigtig - bespreek - wysig - geskiedenis

20 Junie: Wêreldvlugtelingdag; Vlagdag in Argentinië (1820).

1789 – 577 afgevaardigdes van die Franse Derde Stand lê die Tennisbaangelofte af en begin daarmee die Franse Rewolusie.
1837 – Koningin Victoria bestyg die Britse troon.
1928 – Gebore: Jean-Marie Le Pen, omstrede Franse politikus.
1960 – Onafhanklikheid van Mali en Senegal, waarna hulle die Mali-federasie stig.
1991 – Die Duitse Bondsdag wys Berlyn aan as die nuwe hoofstad van Duitsland.

besigtig - bespreek - wysig - geskiedenis

21 Junie: Somer/Winter-sonstilstand - langste (Noordelike Halfrond)/kortste (Suidelike Halfrond) dag van die jaar.

1734 – 'n Swart slaaf bekend as Marie-Joseph Angélique word gemartel en toe gehang in Nieu-Frankryk.

1787 – New Hampshire word die 9de deelstaat van die Verenigde State.
1905 – Gebore: Jean-Paul Sartre, Franse filosoof en skrywer.
1985 – Groenland neem amptelik sy eie vlag in gebruik ter ondersteuning van sy strewe na onafhanklikheid van Denemarke.
2000 – Die anti-gay-amendement, bekend as Afdeling 28, word in Skotland met 99 teen 17 stemme afgeskaf.

besigtig - bespreek - wysig - geskiedenis

22 Junie:

Galileo Galilei, portret deur Justus Sustermans (1636)

1633 – Die inkwisisie dwing Galileo Galilei om afstand te doen van sy stelling dat die aarde om die son wentel.
1922 – Die Unie van Sosialistiese Sowjetrepublieke word in Moskou gestig.
1941 – Tweede Wêreldoorlog: Nazi-Duitsland verower die Sowjet-besette dele van Pole.
1978 – James W. Christy ontdek Charon, die eerste en grootste natuurlike satelliet van die dwergplaneet Pluto.
1999 – Die Franse vliegtuigvervaardiger Air France word op die effektebeurs gelys.

besigtig - bespreek - wysig - geskiedenis

23 Junie: Jani word in antieke Letland gehou.

1713 – Franse inwoners van Acadia word een jaar gegee om trou te sweer aan Brittanje of Nova Scotia te verlaat.
1887 – Kanada se eerste nasionale park, Banff, word geskep.
1912 – Gebore: Alan Turing, Britse wiskundige en informatikus.
1915 – Daniël François Malan word verwelkom as die eerste redakteur van Die Burger.
1948 – Die Berlynse Lugbrug begin.
1894 – Op inisiatief van baron Pierre de Coubertin word die Internasionale Olimpiese Komitee in die Sorbonne in Parys gestig.

besigtig - bespreek - wysig - geskiedenis

24 Junie: Fête nationale du Québec (Sint Johannes die Doper Dag) - Amptelike vakansiedag van Quebec, Kanada; Midsomerfees in Europa

1534 – Jacques Cartier, 'n Franse seevaarder, ontdek die Suid-Afrikaanse Prins Eduard-eilande in die Suidelike Oseaan.
1535 – Die Anabaptiste-staat van Münster word verower en ontbind.
1597 – Die eerste Nederlandse tog na die Oos-Indiese Eilande bereik Bantam op Java.
1812 – Napoleon Bonaparte val die Russiese Ryk binne onderweg na Moskou.
1821 – Slag van Carabobo: Venezuela verkry sy volle onafhanklikheid van Spanje.
1995 – Die Springbokke wen die William Webb Ellis-beker (Rugbywêreldbeker) op Ellispark in Suid-Afrika.

besigtig - bespreek - wysig - geskiedenis

25 Junie:

1950 – Die Korea-oorlog tussen die Verenigde Nasies en Noord-Koreaanse magte begin.
1975 – Mosambiek verkry sy onafhanklikheid van Portugal.
1993 – Kim Campbell word verkies tot leier van die Progressiewe Konserwatiewe Party van Kanada en word die eerste vroulike eerste minister van Kanada.
1996 – Die Khobar Towers-bomaanval in Saoedi-Arabië laat 19 Amerikaanse soldate dood.
1998 – Microsoft se Windows 98 word vrygestel.

besigtig - bespreek - wysig - geskiedenis

26 Junie:

1810 – Oorlede: Joseph Michel Montgolfier, een van die uitvinders van die warmlugballon.
1830 – William IV bestyg die troon van die Verenigde Koninkryk.
1940 – Onder die Molotof-Ribbentrop-verdrag gee die Sowjetunie Roemenië 'n ultimatum wat vereis dat dit van grondgebied afstand doen.
1945 – Die stigtingsakte van die Verenigde Nasies word in San Francisco, Kalifornië, geteken.
1955 – Die Vryheidsmanifes word onderteken in Kliptown, Soweto.
1959 – Die Sint-Laurens-seeweg, 'n stelsel kanale wat die Groot Mere met die Atlantiese Oseaan verbind, word amptelik geopen.

besigtig - bespreek - wysig - geskiedenis

27 Junie:

1574 – Oorlede: Giorgio Vasari, Italiaanse skilder, argitek en een van die eerste kunsgeskiedkundiges.
1709 – Pieter die Grote verslaan Karel XII van Swede in die Slag van Poltava.
1870 – Nadat Luxemburg deur pous Pius IX tot 'n outonome bisdom verhef is, word die Notre-Dame-kerk in Luxemburg-stad die Kathedral Notre-Dame.
1951 – Gebore: David Kramer, Suid-Afrikaanse musikant.
1964 – Etienne Leroux ontvang die Hertzogprys vir Sewe Dae by die Silbersteins.
1977 – Djiboeti word onafhanklik van Frankryk.
1979 – Muhammad Ali kondig sy uittrede aan.

besigtig - bespreek - wysig - geskiedenis

28 Junie:

1883 – Gebore: Pierre Laval, voormalige eerste minister van Frankryk.
1919 – Die Verdrag van Versailles word geteken, waarmee die Eerste Wêreldoorlog beëindig word.
1976 – Twee Britte en 'n Amerikaner word in Luanda tot teregstelling deur 'n vuurpeloton gevonnis vir hulle rol as huursoldate in die Angolese burgeroorlog.
1977 – Die Verenigde Party ontbind om in die Nuwe Republiek-party opgeneem te word.
1995 – Suid-Afrika se president Nelson Mandela stig die Waarheid-en-versoeningskommissie om menseregteskendings uit die Apartheidsera te ondersoek.
2006 – Montenegro word die 192ste lidland van die Verenigde Nasies.

besigtig - bespreek - wysig - geskiedenis

29 Junie: Feesdag van die Heiliges Petrus en Paulus (Westerse Christendom).

1613 – Shakespeare se Globe-teater in Londen brand af.
1678 – Nadat kommandeur Johan Bax van Herenthals sterf, word Hendrik Crudop aangestel as waarnemende kommandeur van die Kaap de Goede Hoop.
1929 – Gebore: Oriana Fallaci, Italiaanse joernalis en skrywer, in Florence.
1976 – Die Republiek van die Seychelle word van die Verenigde Koninkryk onafhanklik.
1995 – Die Amerikaanse ruimtependeltuig Atlantis koppel vir die eerste keer met die Russiese Mir-ruimtestasie.

besigtig - bespreek - wysig - geskiedenis

30 Junie: Internasionale Asteroïdedag; Onafhanklikheidsdag in die Demokratiese Republiek die Kongo (1960).

1905 – Albert Einstein stel sy spesiale relatiwiteitsteorie bekend.
1908 – Die Toengoeska-ontploffing vind in Siberië plaas.
1924 – J.B.M. Hertzog begin sy termyn as Eerste Minister van Suid-Afrika.
1971 – Die bemanning van die ruimtetuig Sojoes 11 sterf toe hulle lugtoevoer deur 'n foutiewe klep ontsnap.
1985 – Gebore: Michael Phelps: Amerikaanse swemmer en Olimpiese kampioen.
2004 – Nasa begin die eerste gedetailleerde verkenning van Enkelados, Saturnus se grootste natuurlike satelliet, sedert 1981.

besigtig - bespreek - wysig - geskiedenis

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne