Diplodus cervinus

Diplodus cervinus; pizcuervu
Clasificación científica
Reinu:	Animalia
Filu:	Chordata
Clas:	Actinopterygii
Orde:	Perciformes
Familia:	Sparidae
Xéneru:	Diplodus
Especie:	D. cervinus; L., 1758
Sinonimia
	Diplodus trifasciatus
Consultes
	[editar datos en Wikidata]

El pizcuervu^[1] (Diplodus cervinus) ye un pexe de la familia Sparidae nel orde de los Perciformes. Ye posible que'l nome de Pizcuervu (tamién bizcuervu en dalgunos puertos d'Asturies) remaneza de "pesce(m)-cervinu" (pesce(m)> pexe, pez/piz); pesce-cervinu > piz-ciervu > piz-cuervu

Morfoloxía

Tien el cuerpu ovaláu, allargáu, el doble o daqué más llargu que altu, y pue llegar a tener ente 55 y 60cm de llonxitú. La zona predorsal ye convexa nos adultos. Tien una filera d'incisivos en dambes mandíbules, 10 o 12 na filera superior y 8 na inferior, con 2 ó 3 fileres de molariformes tres d'ellos. L'aleta dorsal tien 11 o 12 radios espinosos y 11 a 14 blandos, mentanto que l'anal tien 3 espinosos y 10 o 12 blandos. Les aletes pectorales son llargues, con un radiu espinosu y es restu blandos.

Ye de color fondu platiáu, con 4 o 5 bandes anches escures, marrones, les 3 primeres más anches, y a vegaes bifurcaes na zona ventral. Tien otra mancha escura na tiesta, sobre los güeyos, a mou de mázcara

Hábitat

Vive nos fondos rocosos, a vegaes nel sable hasta unos 300m de fondura.

Referencies

↑ URL de la referencia: http://www.sabencia.net/nomenclator.php.

Enllaces esternos

Wikimedia Commons tien conteníu multimedia tocante a Diplodus cervinus.

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[1]