Gran barrera de coral

Gran barrera de coral
	Great Barrier Reef (en)
Situación
País	Australia
Estáu federáu	Queensland
Tipu	Petón de coral
Asitiáu en	Mar del Coral
Coordenaes	16°24′S 145°48′E / 16.4°S 145.8°E
	Gran barrera de coral Gran barrera de coral (Australia)
Datos
Superficie	34 893 402,883011 ha y 34 870 000 ha
	Web oficial

La Gran Barrera de Coral (Great Barrier Reef) ye'l mayor arrecife o petón de coral del mundu. El petón ta allugáu nel Mar del Coral, frente a la costa de Queensland al noreste d'Australia. La barrera, que s'estiende sobro unos 2000 quilómetros de llonxitú pue columbrase dende l'espaciu.

El petón ta compuestu poles cadarmes calcárees de miles de millones de cuerpos polípero de coral, depositaos a lo llargo de millones d'años. El coral xorrez sobro los restos calcáreos de los sos predecesores alimentáu por un agua marina caliente, claros poco fonderos y ricos en nutrientes.

El primer esplorador europeu que vio la Gran Barrera de Coral foi'l Capitán James Cook nel so viaxe de 1768. Cook descubrió l'arrecife cuando enxorró nél el 11 de xunu de 1770.

Darréu de la so bayurosa diversidá biolóxica, les sos agües nidies templaes y la so fácil accesibilidá, el petón ye un destín enforma popular ente los aficionaos al merguyu. La Gran Barrera de Coral ye mentada dalgunes vegaes como l'ser animal vivu más grande del mundu. La realidá ye que tá formáu de munches colonies de corales. Foi declarada Patrimoniu Mundial de la Humanidá pola UNESCO en 1981.

El desaniciu del coral

L'escalientu global, qu'afeuta al planeta Tierra ye cada vegada mayor. Esto fai esapaecer la barrera coralina, darréu que ye enforma sensible a los cambeos de temperatura del océanu. Per otru llau, los efeutos de la pesca indiscriminao y la contaminación faen que la barrera tea afeutada, amenorgando l'ecosistema qu'abelluga nella. De siguir asina, el petón de coral perderá pexes, flora acuático, etc. Un exemplu son los roncheles, nesti casu del xéneru "Acanthaster planci" que s'alimenta de coral en cantidaes descomanaes. Los roncheles en cuantes lleguen a edá adulta, consumen lo que miden, ye dicir, si un ronchel de mar tien un diámetru de 60 cm consume lo mesmo de coral duru.

Referencies

↑ Data d'espublización: 7 xunu 2017. Data de consulta: 21 xunetu 2017. URL de la referencia: http://data.gov.au/dataset/2016-soe-her-aus-national-heritage.

Enllaces esternos

Wikimedia Commons tien conteníu multimedia tocante a Gran barrera de coral.
Sitiu oficial de la gran barrera de coral
Semeyes de la gran barrera de coral

[23e33231e3788534651812d3549bc86d8c0c6e2a-1] Data d'espublización: 7 xunu 2017. Data de consulta: 21 xunetu 2017. URL de la referencia: http://data.gov.au/dataset/2016-soe-her-aus-national-heritage.

[1]