José Antonio Reyes

José Antonio Reyes
Vida
Nacimientu	Utrera, 1 de setiembre de 1983
Nacionalidá	España
Muerte	Alcalá de Guadaíra, 1 de xunu de 2019 (35 años)
Causa de la muerte	accidente de tráficu
Estudios
Llingües falaes	castellanu
Oficiu
Oficiu	futbolista
Trayeutoria
	Participante Copa Mundial de Fútbol de 2006 ;
Posición o especialidá	estremu izquierdu
Pesu	75 kg
Altor	178 cm

José Antonio Reyes Calderón (1 de setiembre de 1983, Utrera – 1 de xunu de 2019, Alcalá de Guadaíra) foi un futbolista español.

A partir d'equí los sos problemes d'adautación fixeron que'l so rendimientu futbolísticu baxare y tuvo cedíu una temporada nel Real Madrid, consiguiendo la Lliga en 2007, y darréu foi trespasáu al Club Atlético de Madrid esi mesmu añu. Ellí foi cedíu al Benfica portugués.

Entró nel llibru Guiness de los récords al ser el xugador que más medayes d'UEFA Europa League ganó, un total de 5, 2 col Atlético de Madrid y 3 col Sevilla. Morrió'l 1 de xunu de 2019 nun accidente de tráficu n'Utrera, Sevilla.

Trayeutoria

Sevilla

Aniciu

Debutó col Sevilla na temporada 1999-2000, con 16 años, axudicándose asina'l récord como xugador más nuevu en debutar na historia del Club en Primer División llegando a xugar 2 partíos cuando'l so equipu taba práuticamente en Segunda División.

Na temporada siguiente l'equipu andaluz volvió a Primer División, saliendo campeón de Segunda de la mano de Joaquín Caparrós. Yá na máxima categoría volvió a establecer un récord al ser el xugador más nuevu de la hestoria de la Primer División española en marcar un gol.

Arsenal

Premier League

Na so primer temporada collaboró a caltener el récord d'imbatibilidá del Arsenal y consiguió'l títulu lligueru, siendo'l primer futbolista español en consiguir ganar la Premier League. Relevó nel once titular de los gunners al veteranu xugador holandés Dennis Bergkamp. Tamién foi importante la so participación na Lliga de Campeones 2005-2006. Xugó contra'l Real Madrid, Juventus y Villarreal, consiguiendo llegar a la final contra'l Barcelona, onde'l so equipu perdió por 2-1.

A pesar de que la temporada siguiente consiguió la Community Shield y, al rematar la mesma, la FA Cup, la so adautación a Inglaterra foi difícil y la so influyencia nel club londinense foi amenorgando hasta sumir de l'alliniación titular.

Real Madrid

En 2006 el Real Madrid consiguió la so cesión per un añu en cuenta de Júlio Baptista, qu'igualmente se foi cedíu al Arsenal. L'alcuerdu zarró nel últimu intre del mercáu de fichaxes de 2006. Nel Real Madrid, Reyes nun tuvo demasiaes oportunidaes de demostrar el so talentu. Sicasí, marcó dos tantos frente al Mallorca, que fixeron posible la consecución de la 30ª Lliga pal Real Madrid.

Atlético de Madrid

El 30 de xunetu de 2007 confirmóse'l so fichaxe pol Atlético de Madrid por 12 millones de €, y l'afición brindó-y un desagradable recibimientu por cuenta de que la temporada anterior, teniendo un precontratu col club raxón, prefirió fichar polos blancos. Nesta primer temporada atlética fracasó estrepitosamente. Les sos constantes desavenencies cola afición s'amontaron cuando nun saltó al campu frente al Athletic Club por un baxón d'azucre. Esa temporada nun marcó nin un solu gol col equipu raxón a pesar de ser ún de los xugadores nos que más esperances se teníen dientro de la plantiya del club de la ribera del Manzanares.

Benfica

N'agostu de 2008 l'Atlético de Madrid venció al Benfica de Lisboa, con opción de compra. Ellí, dirixíu por Quique Sánchez Flores fixo una bona temporada y consiguió la Copa de la Lliga. Al rematar la temporada, el club portugués quixo facer efeutiva la opción de compra pero Reyes tornó a la disciplina del Atlético de Madrid al nun llegase a un alcuerdu ente les trés partes.

Recuperación

Reyes entama la temporada 2009-10 siendo suplente nel Atlético de Madrid, hasta que de la mano de Quique Sánchez Flores, entrenador que sustituyó al destituyíu Abel Resino, consiguió facese un güecu nel once titular, en desterciu de Maxi Rodríguez. L'enfotu que'l téunicu depositó nél entamó a dar los sos frutos cuando tres unos partíos bien aceutables consiguió facer el so primer gol col Atléticu. El 9 de xineru de 2010, nel partíu contra'l Real Valladolid, dempués de dos años y mediu ensin marcar na Lliga española, consiguió marcar. De magar, Reyes pasó de ser ún de los xugadores más odiaos pola afición a ún de los más queríos, dáu'l so bon rendimientu na temporada 2009-2010 y el so compromisu col club raxón. La so actuación foi clave na goliada en semifinales de la Copa del Rei énte'l Racing de Santander por 4-0, marcando ún de los goles; coles mesmes, la so participación na única derrota del Barcelona na Lliga, el 14 de febreru de 2010, por 2-1 (asistencia pal primer gol incluyida), foi bien allabada.

Títulos

Esa mesma temporada volvió llevantar un troféu: el 9 de xunu de 2010 ganó la Europa League, competición a la qu'entró'l club tres la so eliminación de la Lliga de Campeones, col Atlético de Madrid, ganando por 2 goles a 1 al Fulham, na final apostada n'Hamburgu. La temporada siguiente llegó'l so gol más importante col Atlético de Madrid (y probablemente de tola so carrera deportiva hasta la fecha). El 29 d'agostu de 2010 abrió'l marcador na Supercopa d'Europa frente al Inter de Milán, alcuentru que remató col resultáu de dos a cero a favor de los del Manzanares y que-yos dexó alzar el títulu continental.

Seleición española

Seleición nacional

El so debut producióse'l 6 de setiembre de 2003 en Guimarães (Portugal), terminando'l partíu cola resultancia de: Portugal 0 - 3 España. Anque nun foi culpa so, mientres la so etapa na seleición en 2004 viose envolubráu nuna polémica cuando'l seleicionador Luis Aragonés dirixióse a él con ánimu de motiva-y d'una manera poco ortodoxa. Aragonés, en tonu eleváu díxo-y: «Díga-y al negru: ¡Soi meyor qu'usté!»,^[3] refiriéndose al so collaciu nel Arsenal, Thierry Henry. Esta conversación nun sentó perbién n'Inglaterra nin al so propiu collaciu francés.

Participaciones en Copes del Mundu

Mundial	Sede	Resultáu
Copa Mundial de Fútbol de 2006	Alemaña	Octavos de final

Estadístiques

Clubes

Club	Div	Temporada	Lliga		Copas nacionales⁽¹⁾		Torneos internacionales⁽²⁾		Total		Media goliadora⁽³⁾
Club	Div	Temporada	Part.	Goles	Part.	Goles	Part.	Goles	Part.	Goles	Media goliadora⁽³⁾
Sevilla España
	1ª	1999-00	1	0	0	0	-	-	1	0	0
	2ª	2000-01	1	0	1	0	-	-	2	0	0
	1ª	2001-02	29	8	1	0	-	-	30	8	0,27
		2002-03	34	9	3	2	-	-	37	10	0,30
		2003-04	21	5	4	1	-	-	25	5	0,24
	Total club		86	22	9	3	-	-	95	25	0,26
Arsenal Inglaterra
	1ª	2003-04	13	2	4	2	4	1	21	5	0,23
		2004-05	30	9	7	2	8	1	45	12	0,27
		2005-06	26	5	6	2	12	0	44	7	0,14
	Total club		69	16	17	5	24	2	110	23	0,21
Real Madrid España
	1ª	2006-07	30	6	2	0	4	1	36	7	0,20
	Total club		30	6	2	0	4	1	36	7	0,19
Atlético de Madrid España
	1ª	2007-08	26	0	5	1	6	0	37	1	0,03
	Total club		26	0	5	1	6	0	37	1	0,03
Benfica Portugal
	1ª	2008-09	24	4	1	0	5	1	30	5	0,17
	Total club		24	4	1	0	5	1	30	5	0,17
Atlético de Madrid España
	1ª	2009-10	30	2	9	1	13	0	52	3	0,08
		2010-11	34	6	5	0	5	1	44	7	0,16
		2011-12	13	0	0	0	7	3	20	3	0,15
	Total club		77	8	14	1	25	5	116	14	0,12
Sevilla España
	1ª	2011-12	19	1	1	0	-	-	20	1	0,05
		2012-13	26	4	6	0	-	-	32	4	0,13
		2013-14	21	0	1	0	12	2	34	2	0,06
		2014-15	19	3	4	1	14	1	37	5	0,14
		2015-16	15	0	4	2	3	1	22	3	0,14
	Total club		100	8	16	3	29	4	145	16	0,11
RCD Espanyol España
	1ª	2016-17	21	3	2	1	-	-	23	4	0,17
	Total club		21	3	2	1	-	-	23	4	0,17
Córdoba CF España
	2ª	2018	17	1	-	-	-	-	17	1	0,06
	Total club		17	1	-	-	-	-	17	1	0,06
Xinjiang Tianshan China
	1ª	2018	3	1	-	-	-	-	3	1	0,33
	Total club		3	1	-	-	-	-	3	1	0,33
Extremadura UD España
	2ª	2019	9	0	-	-	-	-	9	0	0
	Total club		9	0	-	-	-	-	9	0	0
Total carrera			462	70	66	14	93	13	628	94	0,15
⁽¹⁾ Incluye datos de Copa del Rey (2000-04), (2006-08) y (2009-16); FA Cup (2003-06); Copa de la Lliga (2003-06); Taça de Portugal (2008-09). ⁽²⁾ Incluye datos de Champions League (2003-07) y (2009-10) y (2015-16); Europa League (2007-12) y (2013-15); Supercopa de Europa (2010) y (2014-15).

Seleiciones

Participaciones en fases finales

Competición	Categoría	Sede	Resultáu	Partíos	Goles
Copa Mundial de Fútbol de 2006	Absoluta	Alemaña	Octavos de final	1	0
Total	–			1	0

Palmarés

Campeonatos nacionales

Títulu	Club	País	Añu
Segunda División	Sevilla F. C	España	2001
Premier League	Arsenal F. C.	Inglaterra	2004
Community Shield	Arsenal F. C.	Inglaterra	2004
FA Cup	Arsenal F. C.	Inglaterra	2005
Liga de España	Real Madrid	España	2007
Copa de la Liga	Benfica	Portugal	2009

Fallecimientu

José Antonio Reyes morrió'l 1 de xunu de 2019 a los 35 años d'edá nun accidente de tráficu na carretera que xune Sevilla con Utrera, al rodiu del quilómetru 18, nel términu municipal d'Alcalá de Guadaíra. A les 11:40 de la mañana na autovía A-376, el so vehículu, un Mercedes Brabus S550 nel que viaxaben trés persones (el futbolista y dos primos), salióse de la calzada debíu al escesu de velocidá que llevaba. Esto provocó la muerte nel actu del futbolista según uno de los sos primos acompañantes, de 23 años, y la quema posterior del vehículu nel que viaxaben los trés. El so otru primu, de 22 años, terminó gravemente mancáu con quemadures nel 65% del so cuerpu.

Referencies

↑ Afirmao en: transfermarkt.com. Identificador Transfermarkt d'un futbolista: 7717. Apaez como: José Antonio Reyes. Data de consulta: 9 ochobre 2017. Llingua de la obra o nome: distintes llingües.
↑ URL de la referencia: https://www.bbc.com/sport/football/48483157.
↑ «La arenga de Luis a Reyes escandaliza en Inglaterra» (castellán).

Enllaces esternos

Ficha de José Antonio Reyes na FIFA
Ficha de José Antonio Reyes na UEFA
José Antonio Reyes en BDFutbol (castellán)
José Antonio Reyes na BDFA (castellán)
José Antonio Reyes en Soccerway (n'inglés)
José Antonio Reyes en Soccerbase (n'inglés)
José Antonio Reyes en Transfermarkt (n'inglés)
José Antonio Reyes en National-Football-Teams (n'inglés)
José Antonio Reyes en L'Équipe (en francés)
José Antonio Reyes en worldfootball.net

[3d6a55607e94194acdaf21123a9b3d8bab3ada5e-1] Afirmao en: transfermarkt.com. Identificador Transfermarkt d'un futbolista: 7717. Apaez como: José Antonio Reyes. Data de consulta: 9 ochobre 2017. Llingua de la obra o nome: distintes llingües.

[6279957ab746b7c302f7bb0a1953eb5f63bbce95-2] URL de la referencia: https://www.bbc.com/sport/football/48483157.

[3] «La arenga de Luis a Reyes escandaliza en Inglaterra» (castellán).

[1]

[2]

[3]