Muséu Exipciu de Berlín

Muséu Exipciu de Berlín
	Ägyptisches Museum Berlin (de)
	muséu d'exiptoloxía
Llocalización
País	Alemaña
Sede (es)	Berlín
Distritos (es)	Mitte
Coordenaes	52°31′13″N 13°23′52″E / 52.5202°N 13.3977°E
	Muséu Exipciu de Berlín Muséu Exipciu de Berlín (Alemaña)
Historia y usu
Apertura	1828
Direición	Friederike Seyfried; Dietrich Wildung; Karl-Heinz Priese; Jürgen Settgast; Werner Kaiser; Wolfgang Müller; Adolf Greifenhagen; Siegfried Morenz; Rudolf Anthes; Günther Roeder; Rudolf Anthes; Heinrich Schäfer (es) ; Adolf Erman; Karl Richard Lepsius; Giuseppe Passalacqua
Instalaciones
Formáu por	Busto de Nefertiti (es)
	Web oficial

El Muséu Exipciu de Berlín (n'alemán: Ägyptisches Museum und Papyrussammlung) custodia una de les coleiciones más importantes del mundu d'antigüedaes exipcies. La coleición ye parte del Neues Museum.

Historia

El muséu anicióse nel sieglu XVII de la coleición d'arte real de los monarques de Prusia.^[1] Alexander von Humboldt encamentara que se creara una seición exipcia, y los primeros oxetos lleváronse a Berlín en 1828 con Federicu Guillermu III de Prusia. Dempués de la Segunda Guerra Mundial, mientres la cual sufrió graves daños, el muséu quedó estremáu ente'l Berlín Oriental y el Berlín Occidental, axuntáu de nuevu dempués de la Rexunificación d'Alemaña.^[1]

La coleición

La coleición ufierta una visión completa de la cultura y l'arte del Antiguu Exiptu mientres un periodu de cuatros milenios. El muséu ta entamáu en tres zones temátiques: la vida cotidiana nel valle del Nilu, la veneración de faraones y dioses, y les creencies nel más allá. Tamién tien parte de los más significativos escritos exipcios antiguos en papiru, como'l Papiru Westcar.

La coleición compónse d'oxetos que daten dende'l periodu predinásticu d'Exiptu (ca. 4000 e.C.) hasta'l periodu de dominación romana, anque la mayoría daten del reináu d'Akenatón (ca. 1340 e.C.)^[2]

La obra más famosa exhibida ye'l Bustu de Nefertiti, esceicionalmente bien calteníu y de vivos colores. La coleición foi treslladada de Charlottenburg al Altes Museum en 2005 y foi reasitiáu nel Neues Museum, reconstruyíu na Islla de los Museos de Berlín n'ochobre de 2009.

Ver tamién

Referencies

↑ ^1,0 ^1,1 «Egyptian Museum and Papyrus Collection». Encyclopaedia Britannica. Consultáu'l 24 d'abril de 2010.
↑ «Egyptian Museum and Papyrus Collection». Staatliche Museen zu Berlin. Consultáu'l 11 de xunetu de 2014.

Enllaces esternos

Ägyptisches Museum und Papyrussammlung

[britannica-1] 1,0 ^1,1 «Egyptian Museum and Papyrus Collection». Encyclopaedia Britannica. Consultáu'l 24 d'abril de 2010.

[2] «Egyptian Museum and Papyrus Collection». Staatliche Museen zu Berlin. Consultáu'l 11 de xunetu de 2014.

[1]

[2]