Wikipedia:Tocante a
Wikipedia ye un proyeutu pa escribir comunitariamente enciclopedies llibres en toles llingües. Foi fundada por Jimmy Wales y Larry Sanger basándose nel conceutu wiki que permite crear coleutivamente documentos web, ensin que la revisión del conteníu seya necesaria enantes de la so aceutación pa ser espublizada na rede. La versión n'inglés entamó'l 15 de xineru de 2001. Trés años y mediu dempués, en setiembre de 2004, unos 10.000 editores activos trabayaben en 1.000.000 d'artículos en más de 50 idiomes.
En marzu de 2005 la versión inglesa siguía lliderando'l proyeutu y superó'l fitu de 500.000 artículos, algamo'l millón y mediu ente toles llingües. Tolos díes cientos de miles de visitantes de tol mundu faen decenes de miles d'ediciones y creen miles de nuevos artículos.
Tol testu de Wikipedia, y les más de les imáxenes y otros conteníos, tán cubiertos pola Llicencia de documentación llibre GNU (GFDL). Les contribuciones permanecen como propiedá de los sos creadores, mientres que la llicencia GFDL asegura'l caráuter de llibre distribución y reproducción de los artículos (ver la nota de copyright y la llimitación xeneral de responsabilidá).
Notes importantes sobre Wikipedia
- Polítiques de Wikipedia
- Wikipedia:Lo que Wikipedia nun ye
- Verificabilidá
- Wikipedia nun ye un diccionariu
- Wikipedia nun ye de papel - Un discutiniu sobre formes de meyorar el conceutu d'enciclopedia tradicional.
¡Repara!:
- Editar un artículu p'agregar los tos conocimientos sobre cualquier tema ye fácil en Wikipedia. Namás has de mirar na ayuda.
- Esti proyeutu intenta confeccionar una Enciclopedia de conteníu llibre. Esisten artículos d'opinión y ensayos al rodiu d'una bayura temes, qu'ensin dulda tienen gran interés, pero nun pertenecen a Wikipedia. Estos habríen ser llevaos a Meta-wikipedia.
- Ye perimportante respetar los drechos d'autor o copyright d'otres páxines. Nun incluyas equí'l so conteníu, porque ye un actu delictivu que pue traer complicaciones pa la enciclopedia.
- Tampoco se permite enzarrar baxo copyright n'otra web lo qu'equí s'escribe llibremente. Pa nós el saber humanu ha intercambiase y fluir ensin necesidá de permisu dalu.