Martin Luther King, Jr.
| Martin Luther King Jr. | |
|---|---|
.jpg)
| |
| 1st President of the Southern Christian Leadership Conference | |
| Termino January 10, 1957 – April 4, 1968 | |
| Suminunod ki | Position established |
| Sinundan ni | Ralph Abernathy |
| Personal na mga detalye | |
| Kamundagan | Michael King Ina Jr. Enero 15, 1929 Atlanta, Georgia, U.S. |
| Kagadanan | Abril 4, 1968 (edad 39) Memphis, Tennessee, U.S. |
| Lulubngan | Martin Luther King Jr. National Historical Park |
| Mga aki | Yolanda Martin Dexter Bernice |
| Mga magurang | Martin Luther King Sr. Alberta Williams King |
| Edukasyon | Morehouse College (BA) Crozer Theological Seminary (BDiv) Boston University (PhD) |
| Kasibotan | Minister, aktibista |
| Midbid bilang | Civil rights movement, Peace movement |
| Awards | Nobel Peace Prize (1964) Presidential Medal of Freedom (1977, postuma) Congressional Gold Medal (2004, postuma) |
| Monuments | Martin Luther King Jr. Memorial |
| Lagda | 
|
Si Martin Luther King Jr. (Enero 15, 1929 – Abril 4, 1968) sarong Apro-Amerikanong Bautistang ministro asin aktibista. Siya an nagin pinakalataw na parataram asin taga-busol kan hiron sa deretso sibil poon 1955 sagkod na siya pinag-asasinar kan 1968. Namundag sa Atlanta, si King midbid sa pagbusol kan mga deretso sibil paagi sa matoninong na mga lakdang asin pakitusay na dai pagtubod sibil. An siring na mga taktika saiyang nakua sa saiyang mga pagtubod Kristyano asin hale sa aktibismong toninong ni Mahatma Gandhi.[1]
Si King namayo sa 1955 na boykot sa bus sa Montgomery asin kan siya nagin pinakaenot na presidente kan Southern Christian Leadership Conference (SCLC) saiyang naalok ini na magkampanya laban sa segregasyon na ginigibong praktis sa Albany, Georgia, alagad an siring na kampanya mayong inantosan. Siya man nag'organisar kan matoninong na mga protesta kan 1963 sa Birmingham, Alabama. Nagtabang man siya sa pag'organisar kan si 1963 na Martsa sa Washington kun saen ipinahayag niya an diskursong "Igwa Akong Pangiturogan" na nabantog na gayo.[2]
Mga Enot na Taon
[baguhon | baguhon an source]Si Martin Luther King an tunay na pangaran Michael King, Jr. kan namundag. Alagad, an ama niya na sarong pastor, pagbisita sa Alemanya kan 1934 na'enganyong gayo kan pagkatao kan si Protestanteng repormistang si Martin Luther kaya bunga kaini pinagribayan na niya logod an saiyang pangaran na nagin nang Martin Luther, Sr. asin kan saiyang 5-taon an edad na aki na iyo na an Junior niya. Si Martin Luther King, Jr. naagom si Coretta Scott kan Hunyo 18, 1953. An mag'agom nagka'aki nin apat: si Yolanda (namundag 1955), Martin Luther III (nmdg. 1957), Dexter (nmdg. 1961), asin si Bernice (nmdg. 1963). Si Martin Luther King nagtapos sa kolehiyong Morehouse College kan 1948, dangan nag'entra sa Crozer Theological Seminary (ngonyan isinaro' na sa Colgate Rochester Divinity School) asin sa Boston University, kun saen siya nagkamit kan saiyang Ph.D. sa Systematic Theology kan 1955. An ina niya, si Alberta King nabadil-gadan kan an sarong lapong-lapong nagbiglang tindog sa laog kan simbahan asin nagparapambadil. An tugang niyang ngohod, si Alfred William King, na saro man pastor asin aktibista, nagadan sa pagkalamos pakalihis sanang sarong taon kan siya naasasinar.[3]
