Інтэрнасьёнал Порту-Алегры

Інтэрнасьёнал
Поўная назва	Sport Club Internacional
Заснаваны	4 красавіка 1909
Горад	Порту-Алегры, Бразылія
Стадыён	Бэйра-Рыю Умяшчальнасьць: 56 000
Галоўны трэнэр	Ражэр Машаду Маркес[d]
Чэмпіянат	Сэрыя A
· 2023	9 месца
Хатнія колеры Выязныя колеры
Галерэя здымкаў у Вікісховішчы internacional.com.br

«Інтэрнасьёнал» (па-партугальску: Internacional) — бразыльскі футбольны клюб з гораду Порту-Алегры. Заснаваны ў 1909 годзе. Клюб мае каманды ў шэрагу відаў спорту, як найбольш вядомай зьяўляецца футбольная каманда. Традыцыйнымі для клюбу чырвоныя кашулі і белыя трусы і шкарпэткі, з-за чаго каманда мае мянушку «Каларада», што азначае — «чырвоны». Хатні стадыён каманды. Клюб зьяўляецца адным з трох клюбаў, якія бралі ўдзел у Сэрыі А чэмпіянату Бразыліі ад пачатку ейнага заснаваньня. «Інтэрнасьёнал» мае лякальнае дэрбі зь іншым клюбам з Порту-Алегры «Грэмію».

У 2006 годзе «Інтэрнасьёнал» упершыню ў сваёй гісторыі стаў уладальнікам Кубка Лібэртадорэс. У сьнежні таго ж году «Інтэр» атрымаў перамогу ў клюбным чэмпіянаце сьвету ФІФА, абыграўшы ў фінале пераможцу эўрапейскай Лігі чэмпіёнаў гішпанскую «Барсэлёну». У 2007 годзе каманда стала пераможцам Рэкопы Паўднёвай Амэрыкі, аказаўшыся мацней за мэксыканскую «Пачуку». У 2008 годзе «Інтэрнасьёнал» першым сярод бразыльскіх клюбаў заваяваў Паўднёваамэрыканскі кубак, другі па значнасьці турнір кантынэнту. Такім чынам, клюб стаў уладальнікам усіх існых на сёньня міжнародных трафэяў паўднёваамэрыканскага футболу. У 2010 годзе клюб у другі раз у сваёй гісторыі стаў уладальнікам Кубка Лібэртадорэс.

Гісторыя

Энрыке Попэ зьяўляецца адным з братоў-фундатараў клюбу

Фундатарамі клюбу лічацца нашчадкі італьянскіх эмігрантаў браты Энрыке, Жазэ і Луіс Попэ. У 1901 годзе яны пераехалі з Сан-Паўлу ў Порту-Алегры, аднак ня здолелі знайсьці клюб, за які бы маглі выступаць. На той час у горадзе існавала толькі два футбольныя клюбы, аднак абодва клюбы былі прыватнімі, і ў іх выступалі толькі гульцы зь нямецкім паходжаньнем. У 1909 годзе браты Попэ запрасілі групу студэнтаў і іншых зацікаўленых людзей на паседжаньне 4 красавіка 1909 году з мэтай стварэньня новага футбольнага клюбу, які атрымаў назву «Інтэрнасьёнал».

Больш за 40 чалавек прагаласавалі на назву «Інтэрнасьёнал», што тычыцца дактрыны клюбу, які быў створаны для ўсіх незалежна ад паходжаньня, нацыянапльнасьці і сацыяльнага статусу.

Трэніроўкі ў новым клюбе пачаліся ўжо ў красавіку, аднак спарынг-матчы праходзілі ў асноўным толькі ўнутры самой каманды. Першай пляцоўкай «Інтэрнасьёналу» стаў раён Ільёта на Руа-Арлінда ў заходняй частцы гораду. Характэрна, што гэтая плошча ў раёне Азэньню цяпер знаходзіцца бліжэй да стадыёну «Грэмію», чым да арэны Бэйра-Рыю, якая разьмяшчаецца на ўзьбярэжжы заліву Гуаіба на некалькі кварталаў далей, на паўднёва-захад, чым арэна «трохкаляровых».

18 ліпеня «Інтэр» правёў свой першы матч супраць клюбу «Грэмію» на іхнай пляцоўцы. «Інтэрнасьёнал» трываў паразу з вынікам 10:0. Другі ж матч, які праёшоў 7 верасьня, склаўся куды больш удала: «Інтэр» згуляў унічыю 0:0 з адной зь лепшых каманд гораду «Вайсковым футбольным клюбам» (парт. Militar Football Club). Першую перамогу і першы гол у гісторыі клюб адсьвяткаваў 12 кастрычніка 1909 году, абыграўшы ўсё той жа «Вайсковы футбольны клюб» зь лікам 2:1.

Дасягненьні

• Чэмпіён Бразыліі: 3

1975, 1976, 1979

• Кубак Бразыліі: 1

1992

• Чэмпіён штату Рыю-Грандзі-ду-Сул: 45

1927, 1934, 1940, 1941, 1942, 1943, 1944, 1945, 1947, 1947,

1948, 1950, 1951, 1952, 1953, 1955, 1961, 1969, 1970, 1971,

1972, 1973, 1974, 1975, 1976, 1978, 1981, 1982, 1983, 1984,

1991, 1992, 1994, 1997, 2002, 2003, 2004, 2005, 2008, 2009

2011, 2012, 2013, 2014, 2015, 2016

• Клюбны чэмпіянат сьвету: 1

2006

• Кубак Лібэртадорэс: 2

2006, 2010

• Паўднёваамэрыканскі кубак: 1

2008

• Рэкопа Паўднёвай Амэрыкі: 2

2007, 2011

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Сэрхіё Рачэт 1993 3 Аб Ігар Гомэс 2001 5 ПА Фэрнанду 1987 6 Аб Рэнэ 1992 7 ПА Яран Далмору 1993 8 ПА Бруну Энрыке 1989 10 ПА Алан Патрык (капітан) 1991 11 Нап Вандэрсан 1994 12 Бр Фабрысію 1986 13 Нап Энэр Валенсія 1989 15 ПА Бруну Гомэс 2001 17 Нап Бруну Табата 1997 18 Аб Агустын Рахэль (ар. Гэрта) 1997 19 Нап Рафаэль Сантас Барэ 1995 20 Аб Клэйтан Сампаю 2000

№ Пазыцыя Імя Год нараджэньня 21 Нап Вэсьлі Рыбэйру 1999 22 Бр Іван Куарэзма 1997 23 Аб Натан Сантус (ар. Сантус) 2001 24 Бр Антані Соўза 2002 25 Аб Габрыель Мэркада 1987 26 Аб Алехандра Бэрнабэй (ар. Сэлтык) 2000 29 ПА Т’ягу Мая 1997 31 Нап Люкас Алярыё 1992 34 ПА Габрыел Карвальлю 2007 40 ПА Ромулу Зварг 2000 44 Аб Вітан 2000 45 Нап Лука 2003 47 ПА Густаву Праду 2005 48 Нап Лука Друманд 2004 — Аб Браян Агірэ 2000

Вонкавыя спасылкі

• Афіцыйны сайт