Элтан Джон

Элтан Джон
Сэр Элтан Гэркулэс Джон, сапраўднае імя Рэджынальд Кенэт Дўайт
Элтан Джон ў ліпені 2008 году
Дата нараджэньня	25 сакавіка 1947(1947-03-25)[…] (77 гадоў)
Месца нараджэньня	Пінер[d], Мідлсэкс[d]
Месца вучобы	Каралеўская акадэмія музыкі[d] Лёнданскі ўнівэрсытэт[d] St. Thomas Aquinas High School[d]
Занятак	сьпявак, кампазытар, кінаактор, клявішнік, піяніст, выканаўца-запісвальнік, ВІЧ-актывіст, музыка, пясьняр
Навуковая сфэра	поп, рок-музыка, глэм-рок[d], поп-рок, piano performance[d] і папулярная музыка[d]
Гады дзейнасьці	з 1964 году
Псэўданімы	Elton John
Жанры	рок-музыка, поп-рок, глэм-рок[d], софт-рок[d] і рытм-н-блюз[d]
Вакал	тэнар[d]
Інструмэнты	фартэпіяна і голас
Псэўданімы	Elton John
Лэйблы	Universal Records[d], Island Records[d], Philips Records[d], DJM Records[d], Uni[d], Geffen Records[d], Paramount Records[d], Mercury Records[d], MCA Records[d], Def Jam Recordings[d], Congress[d], The Rocket Record Company[d], IL[d], Chrysalis Records[d], A&M Records[d], Regal Zonophone[d], Stateside Records[d] і Cube Records[d]
Бацька	Stanley Dwight[d]
Маці	Sheila Eileen Farebrother[d]
Узнагароды	прэмія Легенды Грэмі[d] (1999) Асоба году «MusiCares»[d] (2000) Заля славы рок-н-ролу (1994) Silver Clef Award[d] Легенды Дыснэю[d] (2006) прэмія Джоні Мэрсэра[d] (2013) Прэмія «Залаты глёбус» за найлепшую песьню[d] (21 студзеня 1995) Crystal Award[d] (2018) зорка на галівудзкай «Алеі славы»[d] прэмія «Тоні» за найлепшае арыгінальнае музычнае суправаджэньне[d] (2000) Drama League Award[d] Гершвінаўская прэмія[d] (2024)
Сайт	eltonjohn.com
Элтан Джон у Вікісховішчы

Сэр Э́лтан Гэркулэс Джон (Sir Elton Hercules John CBE, сапраўднае імя Рэджынальд Кенэт Дўайт, Reginald Kenneth Dwight, нар. 25 сакавіка 1947 году, Пінэр, Мідлсэкс) — брытанскі сьпявак, кампазытар, піяніст, спачатку больш зьвязаны з рок-н-ролам, пазьней — адзін з заснавальнікаў софт-попу, цяпер адна з найбольшых музычных зорак сучаснасьці.

Біяграфія

Зь сярэдзіны 1960-х гадоў Элтан Джон працаваў у складзе гурту Bluesology. Ягоныя першыя сусьветна вядомыя песьні зьявіліся ў 1971 годзе ў яго другім альбоме (Elton John), сярод іх мэлядычная баляда «Your Song».

У 1970-я гады Джон стаўся адным з найбольш пасьпяховых поп-сьпевакоў дзякуючы гітам «Rocket Man», «Crocodile Rock», «Saturday Night’s Alright (For Fighting)», «Goodbye Yellow Brick Road», «Candle In The Wind» (песьні, прысьвечанай Мэрылін Манро) і іншым.

На сцэне шчарбаты, у акулярах, таўставасты сьпявак выступаў у гратэскных і экстравагантных касьцюмах, што стварыла яму імідж гэткага эпатажнага Enfant Terrible ад поп-музыкі.

У 1980-я гады Элтан Джон быў вядомы песьнямі «Nikita», «Sad Songs» і «I’m Still Standing», адметнай рысай яго стылю сталіся прыгожыя соля-партыі на фартэпіяна, у другой палове дзесяцігодзьдзя, аднак, ён не мінуў пэўнае творчае крызы.

У 1997 году Джон выпусьціў новую вэрсію «Candle in the Wind», якую ён прысьвяціў загінулай Прынцэсе Даяне. З аб’ёмам продажаў у 32 мільёны асобнікаў «Candle In The Wind '97» сталася самым пасьпяховым сынглам у гісторыі, усю выручку Элтан Джон ахвяраваў на добрачыннасьць.

Час ад часу яму даводзілася змагацца з залежнасьцю ад какаіну, буліміяй і фінансавымі цяжкасьцямі, выкліканымі разнузданым ладам жыцьця.

У 2004 годзе выяшаў новы альбом — Peachtree Road, па стылі блізкі да творчасьці сьпевака 1970-х гадоў.

Элтан Джон мае пярэстую і багатую біяграфію. У 1980 годзе ён абвесьціў аб сваёй бісэксуальнасьці, у 1984 годзе ажаніўся зь нямецкай гукатэхнічкай Рэнатэ Бляўэль, а ў 1988 годзе зь ёй развёўся. Пазьней Джон заявіў аб сабе як аб гомасэксуале.

У 2001 годзе на цырымоніі ўручэньня «Грэмі» Элтан Джон сьпеў дуэтам з рэпэрам Эмінэмам, які дагэтуль быў вядомы сваімі сэксысцкімі і гамафобнымі выказваньнямі.

Пасьля сьмерці ягонага сябра Раяна Ўайта Элтан Джон шмат грошай ахвяруе на барацьбу з СНІД, патрануе некалькі фондаў, асабіста здымаецца ў сацыяльнай рэкляме.

У 1994 годзе ён атрымаў Оскар за «Can You Feel the Love Tonight», песьню да Дыснэеўскага мультфільму «Кароль ільвоў». 24 лютага 1998 году каралева Лізавета II пасьвяціла Элтана Джона ў рыцары, цяпер яго імя афіцыйна гучыць як Сэр Элтан Джон, рыцар ордэну Брытанскае Імпэрыі.

Дыскаграфія

Капялюш і маска Элтана Джона ў пастаяннай калекцыі Дзіцячага музэю Індыянапалісу

• 1969 Empty Sky
• 1970 Elton John
• 1970 The Games [саўндтрэк]
• 1971 Tumbleweed Connection
• 1971 Friends [саўндтрэк]
• 1971 11-17-70 [live]
• 1971 Madman Across the Water
• 1972 Honky Chateau
• 1973 Don’t Shoot Me I’m Only the Piano Player
• 1973 Goodbye Yellow Brick Road
• 1974 Caribou
• 1975 Captain Fantastic and the Brown Dirt Cowboy
• 1975 Rock of the Westies
• 1975 West of the Rockies [live]
• 1976 Here and There [live]
• 1976 Blue Moves
• 1978 A Single Man
• 1979 Victim of Love
• 1980 21 at 33
• 1981 The Fox
• 1982 Jump Up!
• 1983 Too Low for Zero
• 1984 Breaking Hearts
• 1985 Ice on Fire
• 1986 Leather Jackets
• 1987 Live in Australia [live]
• 1988 Reg Strikes Back
• 1989 Sleeping With the Past
• 1990 To Be Continued [Best Of]
• 1992 The One
• 1993 Duets
• 1994 The Lion King [саўндтрэк]
• 1995 Made in England
• 1996 Love Songs [Best Of]
• 1997 Big Picture
• 1999 Elton John and Tim Rice’s Aida
• 1999 The Muse
• 2000 The Road To El Dorado [саўндтрэк]
• 2000 One Night Only [live]
• 2001 Songs from the West Coast
• 2001 Prologue
• 2002 Live at the Ritz [live]
• 2002 Greatest Hits 1970—2002
• 2004 Peachtree Road
• 2006 Captain And The Kid
• 2007 Rocket Man
• 2013 The Diving Board
• 2016 Wonderful Crazy Night
• 2021 Regimental Sgt. Zippo

Вонкавыя спасылкі

• Афіцыйная старонка Элтана Джона
• Hercules — міжнародны фан-клюб Э. Джона
• Дыскаграфія, тэксты песень