Сцяг Украіны

Сцяг Украіны (укр.: прапор України) — сцяг, складзены з дзвюх аднолькавых па памеры жоўтай і сіняй палос, з суадносінамі даўжыні і шырыні 2:3. Традыцыйна завецца жоўта-блакітны сцяг, хоць на сучасным варыянце жоўтая паласа знаходзіцца ўнізе.

Сцяг Украіны
Зацверджаны	28 студзеня 1992
Прапорцыя	2:3
Камп’ютарны дызайн	жоўта-блакітны двухкаляровы

Сцяг Украіны (1991—1992), прапорцыі 1:2

Прапорцыі сцяга

Сучасны сіне-жоўты сцяг упершыню быў публічна зафіксаваны 25 чэрвеня 1848 года ў Львове, які украінцы Каралеўства Галіцыі і Ладамерыі вывесілі над мэрыяй Львова як нацыянальны сцяг. Пасля гэтага выпадку сіне-жоўты сцяг стаў усё больш папулярным сярод украінцаў, а пасля рэвалюцыі 1905 года ён пачаў выкарыстоўвацца і ў Прыдняпроўскай Украіне.

У 1917—1921 гадах, падчас украінскай рэвалюцыі, гэты сцяг быў дзяржаўным сцягам Украінскай Народнай Рэспублікі і Украінскай дзяржавы.

У 1938—1939 гадах сіне-жоўты сцяг быў сцягам Карпацкай Украіны, а ў 1941 годзе Украінскай дзяржавы.

Пазней, у савецкія часы, сіне-жоўты сцяг выкарыстоўваўся ў падполлі, яго выкарыстанне ў СССР каралася пазбаўленнем волі на два гады.

У 1991 годзе, пасля развалу СССР, гэты сцяг дэ-факта выкарыстоўваўся як дзяржаўны сцяг незалежнай Украіны. 18 верасня 1991 года Прэзідыум Вярхоўнай Рады Украіны законна прысвоіў жоўта-блакітнаму сцягу статус афіцыйнага сцяга краіны. 23 жніўня ва Украіне штогод адзначаецца Дзень дзяржаўнага сцяга.

Стандартызацыя памераў і колераў

Схема	Блакітны	Залаты
Pantone	Pantone Coated 2935 °C	Pantone Coated Yellow 012 °C
Lab	34.02, −2.19, −64.19	85.29, 5.18, 109.8
RAL	5005	1023 Traffic yellow
RGB	0, 87, 184	255, 215, 0
CMYK	100, 52, 0, 0	2, 12, 100, 0
HEX	#0057b8	#ffd700
Websafe	#0066cc	#ffcc00

Сучасны дзяржаўны сцяг Украіны павінен мець адносіны вышыні да шырыні 2:3 і дзве паласы аднолькавай шырыні. Сцягі флоту маюць такія ж адносіны па памеры (2:3). Калі сцяг размешчаны вертыкальна, спачатку ідзе сіняя паласа, а затым жоўтая.

Гісторыя

Эпоха вызваленчых змаганняў

• 
  Варыянт сцяга перыяду Украінскай Народнай Рэспублікі (1917)
• 
  Сцяг Далёкаўсходняй Украінскай Рэспублікі (1917—1922)
• 
  Сцяг Заходне-Украінскай Народнай Рэспублікі (1918—1919)
• 
  Сцяг Кубанскай Народнай Рэспублікі (1918—1920)
• 
  Сцяг Лемкаўска-Русінскай рэспублікі (1918—1920)

Савецкая эпоха

• 
  Украінская Народная Рэспубліка Саветаў (1917—1918)
• 
  Сцяг УССР (1923—1927)
• 
  Сцяг УССР (1927—1937)
• 
  Сцяг УССР (1937—1949)
• 
  Сцяг УССР (1949—1991)

Іншыя вызваленчыя рухі

• 
  Сцяг Карпацкай Украіны (1938—1939)
• 
  АУН-М
• 
  АУН-Б

Малдаўская АССР у складзе Украіны

• 
  Сцяг Малдаўскай АССР (1925—1932)
• 
  Сцяг Малдаўскай АССР (1937—1938)
• 
  Сцяг Малдаўскай АССР (1938—1940)

Цікавыя факты

• Украіна і Боснія і Герцагавіна — адзіныя славянскія дзяржавы, сцягі якіх не маюць чырвонага колеру.
• Аналагічны сцяг ёсць ў аўстрыйскай зямлі Ніжняя Аўстрыя.