Паўднёва-Заходняя Фінляндыя

Varsinais-Suomen maakunta Egentliga Finlands landskap герб карта Правінцыя FI Адміністрацыйны цэнтр Турку Ляні Заходняя Фінляндыя Гістарычная правінцыя Плошча 10 910,05 км² Насельніцтва  - Усяго (2010)  - Шчыльнасць 464 032 43,52/км² Рэгіянальная птушка Каўка Рэгіянальная рыба Салака Рэгіянальная расліна Дуб

Уласна Фінляндыя (Ва́рсінайс-Суо́мі, фінск.: Varsinais-Suomi, шведск.: Egentliga Finland), таксама Спрадвечная Фінляндыя, Паўднёва-Заходняя Фінляндыя — вобласць (рэгіён) на паўднёвым захадзе сучаснай Фінляндыі.

Геаграфічнае становішча

Рэгіён размешчаны ў паўднёва-заходняй частцы Фінляндыі. Паўднёвае ўзбярэжжа абмываецца Фінскім залівам, заходняе — Батнічным. Каля ўзбярэжжа раскіданы тысячы дробных астраўкоў — шхеры (так званае Архіпелагавае мора). На захад ад вобласці знаходзяцца Аландскія астравы.

Адміністрацыйны цэнтр — Турку (Аба), у наваколлях якога пражывае дзве траціны насельніцтва вобласці. Рэльеф узвышаны.

Гісторыя

З XIII па пачатак XIX стагоддзя тэрыторыя гэтага рэгіёна ўваходзіла ў склад Швецыі. У 1809 годзе разам з астатняй часткай Фінляндыі была далучана да Расійскай імперыі. Раней уваходзіла ў склад Аба-Б’ёрнеборгскай губерні (1811—1917), правінцыі Турку-Поры (1918—1997) і правінцыі Заходняя Фінляндыя (1998—2009). З 2010 года з’яўляецца самастойнай вобласцю (рэгіёнам) Фінляндыі.

Гісторыя назвы

Гістарычна назва, якае выкарыстоўваецца для абазначэння ўсёй краіны Фінляндыя (фін.: Suomi), выкарыстоўвалася толькі для абазначэння паўднёва-заходняй часткі сучаснай Фінляндыі (якая прыкладна супадае з сучаснай правінцыяй Уласна Фінляндыя). Пасля таго як у XVII стагоддзі назва Фінляндыя распаўсюджваецца на ўсю краіну, для абазначэння яе паўднёва-заходняй часткі запатрабавалася асобнае найменне. У 1650 годзе было зафіксавана выкарыстанне назваў Fennigia specialiter dicta і Fennigia presse dicta (абедзве — лац.). У сярэдзіне XVIII ст. атрымліваюць распаўсюджанне назвы Finland för sig sieft і Egenteliga Finland later (абедзве — швед.). Фінская назва Varsinais-Suomi усталявалася ў 1850 годзе (усе варыянты на беларускую мову можна перавесці як «Уласна Фінляндыя»).

Муніцыпалітэты

Абшчыны (муніцыпалітэты) вобласці

З 2009 года Уласна Фінляндыя складаецца з 28 абшчын, з якіх 11 з’яўляюцца гарадамі, астатнія — сельскія муніцыпалітэты.

Турку (Turku) Сала (Salo) Каарына (Kaarina) Райсіа (Raisio) Наанталі (Naantali) Лойма (Loimaa) Усікаўпункі (Uusikaupunki) Ліета (Lieto) Паргас (Parainen) Пайміа (Paimio) Сомера (Somero) Маску (Masku) Лайціла (Laitila) Пёўцюя (Pöytyä)

Мюнямякі (Mynämäki) Кімітаён (Kemiönsaari) Руска (Rusko) Ноўсіяйнен (Nousiainen) Аўра (Aura) Саўва (Sauvo) Коскі (Koski Tl) Вехма (Vehmaa) Пюхяранта (Pyhäranta) Мартыла (Marttila) Тарвасьекі (Tarvasjoki) Тайвасала (Taivassalo) Орыпяа (Oripää) Куставі (Kustavi)

Спасылкі

• На Вікісховішчы ёсць медыяфайлы па тэме Варсінайс-Суомі
• Varsinais-Suomi.fi