План рахункаў

План рахункаў — сістэма бухгалтарскіх рахункаў, якія прадугледжваюць іх колькасць, групоўку і лічбавае пазначэнне ў залежнасці ад аб’ектаў і мэтаў уліку. У План рахункаў уключаюцца як сінтэтычныя (рахункі першага парадку), так і злучаныя з імі аналітычныя рахункі (субрахункі ці рахункі другога парадку). Пабудова плану рахункаў забяспечвае ўзгодненасць уліковых паказчыкаў з паказчыкамі дзейснай справаздачнасці.

Віды планаў рахункаў

Асаблівасці аб’ектаў уліку ў некаторых арганізацыях абумоўліваюць ужыванне розных бухгалтарскіх рахункаў і, адпаведна, розных планаў рахункаў. Адрозніваюць наступныя планы рахункаў:

• план рахункаў бухгалтарскага ўліку фінансава-гаспадарчай дзейнасці арганізацыяў (агульны);
• план рахункаў бухгалтарскага ўліку ў крэдытных арганізацыях;
• план рахункаў бюджэтнага ўліку.

Страхавыя арганізацыі ўжываюць агульны план рахункаў з дадаткова ўведзенымі рахункамі бухгалтарскага ўліку.

Глядзіце таксама

• Дэбет
• Крэдыт

Спасылкі

• План рахункаў бухгалтарскага ўліку і інструкцыя па яго ўжыванні (Кансультант Плюс)