Разана Аркет

Разана Аркет
англ.: Rosanna Arquette
Дата нараджэння	10 жніўня 1959(1959-08-10)[…] (65 гадоў)
Месца нараджэння	Нью-Ёрк, штат Нью-Ёрк, ЗША
Грамадзянства	ЗША
Бацька	Льюіс Аркет[d]
Маці	Brenda Denaut[d]
Муж	Джэймс Ньютан Ховард і John Sidel[d]
Дзеці	Zoe Sidel[d]
Прафесія	актрыса, кінапрадзюсар, тэлеактрыса, кінаактрыса, актрыса агучвання, кінарэжысёр
Узнагароды	Прэмія BAFTA за найлепшую жаночую ролю другога плана[d] (1986) Sitges Film Festival Best Actress award[d] (1989)
IMDb	ID 0000275
rosannaarquette.com (англ.)
Медыяфайлы на Вікісховішчы

Разана Ларэн Аркет (англ.: Rosanna Lauren Arquette, нар. 10 жніўня 1959 года, Нью-Ёрк) — амерыканская актрыса.

Біяграфія

З 17 гадоў паспяхова здымалася ў невялікіх ролях на тэлебачанні і ў кіно. У 1982 годзе была намінаваная на прэмію «Эмі» за ролю ў тэлевізійным фільме «Песня ката». У гэтым жа годзе выйшаў сінгл «Rosanna» гурта Toto з альбома Toto IV. Песня была напісана Дэвідам Пэйчам і прысвечана Разане Аркет, з якой сустракаўся ўдзельнік Toto Стыў Паркара. Песня мела вялікі поспех: 2-е месца ў Billboard Hot 100 і прэмія Грэмі. У 1983 годзе ў Разаны першая галоўная роля, фільм «Крошка, гэта ты!»

Папулярнасць атрымала ў 1985 годзе, калі яна знялася ў камедыі «Адчайна шукаю Сьюзен» разам з пачынаючай поп-спявачкай Мадонай. За гэты фільм Разана атрымала прэмію BAFTA за найлепшую жаночую ролю другога плана, а таксама была намініравана на Залаты глобус. Далей — роля ў паспяховым у крытыкаў фільме «Сільверада», затым — здымкі ў Марціна Скарсэзэ ў «Пасля працы» і няўдалы «Восем мільёнаў спосабаў памерці». Пасля паездка ў Еўропу і здымак у Люка Бесона ў яго першым англамоўным фільме «Блакітная бездань». У 1989 годзе яшчэ адна роля ў Скарсэзэ, у фільме «Нью-ёркскія гісторыі» (эпізод «Урокі жыцця»). У гэты перыяд звычайна ёй даставаліся ролі незвычайных, вар’ятаў і эксцэнтрычных жанчын, якія грэбуюць грамадскімі нормамі.

У верасні 1990 года Разана з’явілася на вокладцы часопіса «Playboy». Пазней яна сказала, што гэта было зроблена без яе ведама. У 1990-х гадах прыкметнымі ролямі сталі другарадныя ролі ў папулярных фільмах, у «Крымінальным чытве» Квенціна Таранціна, у «Аўтакатастрофе» Дэвіда Кроненберга і ў «Дзевяці ярдаў» Джонатана Ліна.

У 2000-х гадах паставіла як рэжысёр некалькі дакументальных фільмаў (напрыклад «У пошуках Дэбры Уінгер»). Працягвае здымацца ў кіно і серыялах.