SCART

SCART (фр.: Syndicat des Constructeurs d'Appareils, Radiorecepteurs et Televiseurs — «Аб'яднанне вытворцаў радыёпрыёмнікаў і тэлевізараў») — еўрапейскі стандарт для далучэння мультымедыйных прылад, такіх як тэлевізар, відэамагнітафон, DVD-прайгравальнік. Іншыя назвы: Peritel, еўрараздым, Euro-AV.

Ужыванне

SCART уніфікуе злучэнне разнастайных прылад, ён аб'ядноўвае ўсе патрэбныя сігналы ў адным шматкантактным штэкеры. У цяперашні час (пачатак 2014 года) прыкладна 2/3 тэлевізараў абсталяваны як мінімум адным раздымам SCART. Праз SCART магчыма перадача аналагавых і лічбавых каманд. Напрыклад, калі ўключыць відэамагнітафон, то аўтаматычна ўключыцца і тэлевізар. Пратакол кіравання відэатэхнікай CEC, які перадаецца праз раздым SCART, дазволіў спрасціць наладжванне рознай тэхнікі праз адзін пульт. Напрыклад, з пульта тэлевізара, можна запраграмаваць відэамагнітафон на запіс у патрэбны час перадачы са спадарожнікавага ці кабельнага лічбавага прыёмніка.

Стандарт не дазваляе далучыць штэкер памылкова. Невялікім абмежаваннем з'яўляецца тое, што патрэбна ўжыць фізічную сілу для злучэння ці адлучэння гнязда і штэкера.

Распрацоўка

Да з'яўлення стандарта SCART ужывалася вялікая колькасць разнастайных раздымаў, што часта ўскладняла злучэнне прылад, створаных разнастайнымі фірмамі. Адрозненні меліся як у фізічным выкананні раздымаў, так і ў спецыфікацыях сігналаў.

У 1978 годзе ў Францыі быў распрацаваны стандарт SCART. З 1981 году ў Францыі было забаронена прадаваць тэлевізары, не абсталяваныя раздымам SCART. Ужо з 1984 году SCART стаў стандартам у еўрапейскіх краінах.

Схема

Pin	Прызначэнне	Узровень (размах) сігналу	Уваходнае (выходнае) супраціўленне	Адпаведнасць колерам раздыма RCA, раздым
1	Выхад правага гукавага каналу	0.2~2В (0.5В эф.)	<1кОм	Зялёны
2	Уваход правага гукавага каналу	0.2~2В (0.5В эф.)	>10кОм	Чырвоны
3	Выхад левага гукавага каналу (ці мона)	0.2~2В (0.5В эф.)	<1кОм	Чорны
4	Агульная «зямля» для гукавых каналаў
5	«Зямля» для сіняга сігналу
6	Уваход левага гукавага каналу (ці мона)	0.2~2В (0.5В эф.)	>10кОм	Белы
7	Уваход сіняга сігналу B	Размах 0.7В	75Ом
8	U перакл. AV-TV(16:9)	0~2В (лаг"0")→TV 9.5~12В (лаг"1")→AV	уваход: >10кОм выхад: <1кОм
9	«Зямля» для зялёнага сігналу
10	Сінхрасігнал (Data 2)
11	Уваход зялёнага сігналу G	Размах 0.7В	75Ом
12	Data2 I2C
13	«Зямля» для чырвонага сігналу / Агульны C-каналу S-Video
14	Data/Clock I2C, агульны
15	Уваход/выхад чырвонага сігнулу R / C-канал S-Video	Размах 0.7В	75Ом
16	U перакл. TV-RGB (FastSwitch)	1~3В (лаг"1")→RGB 0~0.4В (лаг"0")→TV	75Ом
17	Video, агульны / Агульны Y-каналу S-Video
18	U перакл., агульны для кантакта 16
19	Выхад кампазітнага відэасігналу / Выхад Y-каналу S-Video	Размах 0.7В	75Ом	Сіні
20	Уваход кампазітнага відэасігналу / Уваход Y-каналу S-Video	Размах 0.7В	75Ом	Жоўты
21	Зазямленне корпусу

Гл. таксама

Спасылкі

Апісанне раздыма SCART (англ.)
Артыкул «SCART» на сайце iXBT
Апісанне SCART, падрабязная распіноўка, схемы перахаднікоў (англ.)