Yezıdi

Yezıdiy (Erebki: Yazīdīyya(t) يَزِيدِيَّةٌ, Farski: Īzadī ایزدی, Kurdki: ئێزیدی Êzidî, Ermenki: Ezdiner Եզդիներ) namey cemaetio ke zehfêri Kurdki u taê Erebki qısey kenê u dinê inan Yezıdiyina. Yezıdiyiye itıqadê do xosero ke xeylê unsurê itıqatanê tebieti'ê verênan dardê we. Yezıdiy ewro zehfêri zımey İraqi de Ninova de cıwiyenê. Mezopotamyay zımey (Tırkiya) de nıfusa inan xeylê biye şenıke. Ermenıstan u Gurcıstan de ki estê. Serranê peyênan de duwelanê Ewropa zey Almanya de riyê goçi ra biy zêde. Nıfusa inan 700.000 ra nezdiya.^[1]^[2]^[3] Nıfusê inan roc be roc bena kemi u ê dewletanê Ewropay ser goç kenê. Dinê Yezıdiye de Azda namey Homayo. Meleko Tawus esto. Meleko Tawus Şeytano ke hetê Homay ra ef biyo u anci biyo melek.

Riyê itıqadê xo ra tarix ra nat hetê hukımdaranê Mısılmanan ra zehf rey fermanê inan veto, cênosid u terteley diyê. 8ê Tebaxa 2014ıne de riyê sereşten u qırkerdena teşkilatê terori'ê islamisti DİİŞ ra dınya de vengê inan xeberan de kewt qalê roce. Nê rocan zulm u qetliamê DİİŞi ver Yezıdiyê İraq ra remenê Suriya ya ki Tırkiya. Gerillayê YPGy xeylê cayan de cı rê amey peşti. Ewropa u cayanê binan ra yardımê nan u awe ame rıştene. Eskeriyay DAY (USA) ki taê cayanê İraqi de pê herekatê heway da depoyanê çekanê DİİŞi ro. 19.7.2023 de Meclısê dewleta Almanya Federale Şarkıştena Yezıdiyan 2014 resmiyet de şınaşnê.

Referansi

[1] ttps://www.iranicaonline.org/newsite/articles/unicode/ot_grp5/ot_yazidis_20040220.html

[2] "Archive copy". Archived from the original on 2020-02-20. https://web.archive.org/web/20200220085143/https://www.adherents.com/Na/Na_670.html#4286.

[3] "Archive copy". Archived from the original on 2020-02-20. https://web.archive.org/web/20200220085143/https://www.adherents.com/Na/Na_670.html#4286.

[1]

[2]

[3]