Beaufort eskala

Beauforten eskala haizearen intentsitatea neurtzeko neurri enpiriko bat da, itsasoaren egoeran, olatuetan eta haizearen indarrean oinarritzen dena. Beauforten Haizearen indar-eskala ere deitzen da.

Eskala

Beaufort zenbakia	Haizearen abiadura (km/h)	Korapiloak (itsas-miliak/h)	Izendapena	Itsasoaren egoera	Eraginak lehorrean
0	0tik - 1era	< 1	Barealdia	Garbi	Barealdia, kea bertikalean igotzen da
1	2tik - 5era	1etik - 3ra	Haize bereziki ahula	Olatu txikiak, baina bitsik gabe	Keak haizearen norabide adierazten du
2	6tik - 11ra	4tik - 6ra	Oso ahula (Haize oso ahula)	Beira-itxurako olatuen gandorrak, apurtu gabe	Zuhaitzen hostoak mugitzen dira, errotak mugitzen hasiak daude
3	12tik - 19ra	7tik - 10era	Ahula (Haize ahula)	Olatu txikiak, gandor hauskorrak.	Hostoak mugitzen dira banderak haizean dabiltza.
4	20tik - 28ra	11tik - 16ra	Haize alaia	Ardi zuriak ugari, olatu gero eta luzeagoak	Hautsa eta orriak aireak darabiltza, zuhaitzen adaburuak mugitzen dira
5	29tik - 38ra	17tik - 21era	Haize hozkirria	Olatu ertainak eta luzangak, ardi zuri asko	Zuhaitzetan mugimendu txikiak, aintziretako azalera izurtua
6	39tik - 49ra	22tik - 27ra	Haize gogorra	Olatu handiak egoten hasten dira, gandor hauskorrak, bitsa	Zuhaitzen adarrak mugitzen dira, aterkia irekita izateko zailtasuna.
7	50etik - 61era	28tik - 33ra	Haize oso gogorra	Itsaso zakarra, bitsa haizearen norabidean eramanez	Zuhaitz handiak mugitzen dira, haizearen kontrako norabidean ibiltzeko zailtasuna
8	62tik - 74ra	34tik - 40ra	Ekaitza	Olatu handi hauskorrak, bits lerroak	Zuhaitzen adaburuak hausten dira, zirkulazio arazoak pertsonentzat
9	75etik - 88ra	41etik - 47ra	Ekaitz indartsua	Olatu oso handiak, hauskorrak. Ikuspena gutxitua	Zuhaitzetan kalteak, ezinezkoa haizearen kontrako norabidean ibiltzea
10	89tik - 102ra	48tik - 55era	Ekaitz gogorra	Olatu oso handiak, gandor hauskorrekin. Itsasoaren azalera zuria.	Errotik ateratako zuhaitzak, eraikuntzen egituretan kalteak
11	103tik - 117ra	56tik - 63ra	Ekaitz oso gogorra	Olatu bereziki handiak, itsasoa erabat zuria, ikuspen oso eskasa	Eraikuntzetan, teilatuetan eta zuhaitzetan kalte handiak
12	+ 118tik	+64ra	Urakan-ekaitza (Urakana)	Olatu bereziki handiak, itsaso zuria, ikuspenik gabe	Eraikuntzetan, teilatuetan eta zuhaitzetan kalte handiak eta euria.

Historia

Sir Francis Beaufort hidrografoak asmatu zuen eskala 1805. urte inguruan. 1800 aurretik, itsasontziko ofizialek, aldizka, eguraldiaren behaketa egiten zuten, baina ez zuten eskalarik eta neurketak oso subjektiboak ziren.

Lehendabiziko eskalak ez zeukan haizearen abiadurarik, itsasontzi batek, 0tik 12ra bitartean, baldintza kualitatibo batzuk kontuan hartuz, baldintza horien aurrean jokatuko zuen modua zehazten zuen: "Maniobrak egiteko ozta-ozta nahikoa" izatetik 'belentzako eutsiezina' izatera.

1850etik eskala itsasokoak ez ziren neurketetarako ere onartu egin zen, Beauforten zenbakiak anemometro baten errotazio zenbakiekin lotu zirenean haizearen abiadura neurtzeko.

1906an, lurrunaren etorrerarekin, behaketak lehorrera zabaldu ziren. George Simpson, meteorologia bulegoko zuzendaria, izan zen lurrean deskriptoreak jartzearen arduraduna.

Haizearen abiadura Beauforten Eskalan formula honen bidez neurtzen da:

v = 0,837 B^3/2 m/s

Erlazio hori 1923an estandarizatu zen, eta hamarkada batzuk geroago zerbait aldatu zuten meteorologoei baliagarriago gerta zekiekeen. Gaur egun, eskuarki, urakanak Saffir-Simpson eskalaren bidez neurtzen dira.

Ikus, gainera

• Urakan haizeen Saffir-Simpson eskala

Kanpo estekak

• Britainia Handiko Meteorologia agentzia: Beauforten eskala
• Investigating Clouds: National Science Digital Library Beaufort Scale
• National Public Radio: Beauforten eskala NPRn - Scott Huler-i elkarrizketa

• Datuak: Q170464
• Multimedia: Beaufort Scale / Q170464

Ikus, gainera

• Sagailoa