Gustave Courbet

Gustave Courbet
	; Irudi gehiago
Bizitza
Jaiotza	Ornans (en) , 1819ko ekainaren 10a
Herrialdea	Frantzia
Heriotza	La Tour-de-Peilz, 1877ko abenduaren 31 (58 urte)
Hobiratze lekua	Cimetière Communal d'Ornans (en)
Heriotza modua	: miokardio infartu akutua
Familia
Ezkontidea(k)	ezkongabea
Bikotekidea(k)	ikusi Virginie Binete (en) ;
Haurrideak	ikusi Juliette Courbet; Zélie Courbet (en) ;
Hezkuntza
Heziketa	Académie Suisse (en)
Hizkuntzak	frantsesa
Irakaslea(k)	Charles-Antoine Flajoulot; Charles de Steuben (en) ; Nicolas-Auguste Hesse (en)
Jarduerak
Jarduerak	margolaria, eskultorea, Communarda, marrazkilaria eta artista bisuala
Lantokia(k)	Paris eta Ornans
Lan nabarmenak	ikusi Source of a Mountain Stream (en) ; Munduaren sorlekua; Source (en) ; Ehorzketa Ornansen;
Jasotako sariak	ikusi Exhibition of French Artists ; Ohorezko Legioko zalduna ;
Influentziak	Katsushika Hokusai, Caravaggio, Peter Paul Rubens, Rembrandt, Diego Velázquez eta Francisco de Zurbarán
Kidetza	Commune Council (en)
Mugimendua	Errealismoa
Genero artistikoa	erretratua; animal painting (en) ; genero-margolana; paisaia margolaritza; biluzia; izadi hila

Jean Désiré Gustave Courbet (Ornans, Doubs, 1819ko ekainaren 10a – La Tour-de-Peilz, Vaud, 1877ko abenduaren 31) frantziar margolaria izan zen, XIX. mendeko mugimendu errealistako buruetakoa. Errealismoaren bidez, Théodore Géricault eta Eugène Delacroix margolarien gisako mugimendu erromantikoa eta Barbizongo eskola eta inpresionismoa lotu ziren. Garaiko politikarekiko engaiamendua erakutsi zuen Coubertek, eta 1871ko Parisko Komunean parte hartu zuen.

Bizitza

Gaztetan sorterriko ikuspegiak margotu zituen. 1840an Parisa aldatu zen, eta zuzenbide ikasketak egiteko asmoa zuen arren, Louvreko maisuen obrak ikertzen hasi zen bete-betean. XVI. eta XVII. mendeetako espainiar, flandriar, veneziar eta holandar margolarien obrak kopiatuz ikasi zuen teknika. 1844an onartu zioten Pariseko Erakusketa Ofizialean lehen obra, Autoportrait au chien noir. Erakusketa horretan parte hartu zuen orobat 1845 eta 1846. urteetan, baina hasierako obra haiek erromantizismoaren kutsu nabarmena zutela azpimarratu beharra dago.

Errealismorako joera eta zaletasuna 1848-1857 bitarteko urteetan nagusitu zen Courbeten obran. Haren margolaritzaren eta pentsamoldearen bilakaeran eragile asko dira aipagarriak, baina bereziki azpimarratzekoa da Iraultza, eta, orobat, Proudhon filosofo anarkistaren ideiak, zeinak artearen balio soziala ilustratzeko Courbeten obrak erabili baitzituen. Lehenengo obra errealista nagusiak Ilunabarra Ornansen (1848-49, Lilleko museoa), Ehorzketa Ornansen (1850, Louvre, Paris) eta Flageyko nekazariak azokatik itzuleran (1850, Besançongo museoa) dira, 1848-1850 bitartekoak guztiak. Halako xehetasun harrigarriez irudikatu zituen nekazariak eta burgesak koadro horietan, ezen ordura arte genero pinturatzat hartu ohi zena pintura historiko bihurtu baitzuen berak. Aurrerantzean gero eta egiatasun biziagoz islatu zuen errealitatea (Lantegia, Louvre, Paris; Harginak, hondatua gaur egun).

1860ko hamarkadan emakumezko biluzien irudi bikainak egin zituen, errealismoaren joerari jarraituz horiek ere. 1853an eskandalu handia sortu zuen, Bainu-hartzaileak obrarekin, eta 1875ean, berriz, Emakume gazteak Senaren ertzean margolanarekin. Bigarren obra horretan inpresionismoaren ezaugarrien iragarle izan zen Courbet, eta joera horren beraren erakusgarri izan ziren azken hamarraldian margotu zituen paisajeak, itsasertzeko eszenak, ehiza irudiak eta animaliak.

Irudi galeria

Irudi bat handitzeko, klika ezazu gainean.

Autoerretratua (Gizon etsia), 1843–1845
Bilduma pribatua
Harginak, 1849,
Galerie Neue Meister, Dresden
Ehorzketa Ornansen, 1849-1850,
Orsay museoa, Paris
Bonjour, Monsieur Courbet, 1854,
Fabre museoa, Montpellier
Borrokalariak, 1857,
Arte Ederretako museoa, Budapest
Artistaren langela, 1855,
Orsay museoa, Paris
Galtzerdi zuridun emakumea, 1861
Barnes Foundation, Merion, Pennsylvania
Munduaren sorlekua, 1866,
Orsay museoa, Paris
Irlandar ederra, 1866
Metropolitan Museum of Art, New York

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012/11/08 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Gustave Courbet

Datuak: Q34618
Multimedia: Gustave Courbet / Q34618