Desert dal Sahara
Il Sahara (arap صحراء , desert) al è un desert di gjenar tropicâl inte Afriche dal nord. Al è il secont desert plui grant dal mont (daspò la Antartide), cuntune superficie di 9.000.000 km².
Al è limitât dal Ocean Atlantic a Ovest, des monts dal Atlant a Nord, dal Mâr Ros e dal Egjit a est e dal Sudan e dal flum Niger a Sud.
Etimologjie
[cambie | modifiche il codiç]Il non Sàhara al ven de traduzion arabe Sahra de peraule tuareg tenere, che al vûl dî desert di savalon. I romans a clamavin terra deserta i teritoris a sud di Cartagjin e il non Sahara nol fo doprât par dutis chestis tieris fintremai al secul XIX.
Il non arap al è Bahr bela ma (mâr cence aghe).
Clime
[cambie | modifiche il codiç]Precipitazions
[cambie | modifiche il codiç]Al domine la ariditât parcè che lis plois a cuvierzin il 5% de evaporazion. La grant part dal Sahara e ricêf mancul di 50 mm di ploie intun an. Inte zone setentrionâl la ploie e rive soredut vie par l'Invier, par vie de influence mediteranie, a sud invezit, in corispondence cul semidesert dal Sahel, lis precipitazions a colin te estât. Lis zonis plui ariis a son i deserts de Libie e dal Egjit meridionâl, cun mancul di 20 mm intun an. Lis plois a son une vore iregolârs e in câs di tampiestis fuarts si podin vê inondazions e i jets dai flums, par solit vueits, (uadis), si tornin a implenâ di aghe.
Temperaduris
[cambie | modifiche il codiç]Pe so situazions tropicâl e pe altitudin basse e pe gjenerâl continentalitât, si regjistrin in cheste aree lis temperaduris plui altis dal mont (56 °C in Libie). La mancjance di vegjetazion e nûi, la escursion termiche e je une vore alte, cun pussibilis zulugnadis vie par l'Invier, di gnot. Inte part setentrionâl, in Invier lis temperaduris a son in medie di 10 °C. A vonde plui frêt al è su lis cjadenis di monts dal Tassili e Hagaar, ma simpri cence tantis precipitazions (no si va parsore dai 200 mm).
