Polaibias

Polaibias

Ainm sa teanga dhúchais	(grc) Πολύβιος
Beathaisnéis
Breith	c. 200 "RCh" (<199 "RCh") Megalopoli, An Ghréig
Bás	c. 120 "RCh" (>133 "RCh") 79/80 bliana d'aois an Ghréig, An Ghréig
Siocair bháis	Bás tionóisceach (Titim de chapall)
Teanga dhúchais	an tSean-Ghréigis
Gníomhaíocht
Gairm	staraí, saighdiúir, scríbhneoir
Tréimhse ama	An Ré Heilléanaíoch
Teangacha	An tSean-Ghréigis
Saothar
Saothar suntasach (2 haois "RCh") The Histories (en)
Teaghlach
Athair	Lycortas

Ba staraí Gréagach den tréimhse Heilléanach é Polúbios, (Sean-Ghréigis: Πολύβιος, Polúbios ;c. 208- c. 125 RCh) a bhain clú amach mar gheall ar a shaothar 'Na Startha' (Sean-Ghréigis:Ἱστορίαι, ''Historíai''). a chlúdaigh an tréimhse 264–146 RCh go mion. Cuireann an obair síos ar dul chun cinn na Poblachta Rómhánaí go dtí a stádas ceannasachta san Mheánmhuir ársa, agus cuimsíonn sí cuntas finné súl ar Léigear na Cartaige agus Léigear na Corainte, sa bhliain 146 RCh, agus an ionghabháil Rómhánach ar mhórthír na Gréige tar éis an Cogadh Acaech.

Tá Polybius tábhachtach mar gheall ar a anailís a rinne sé an mbunreacht measctha nó ar an scaradh cumhachtaí sa rialtas, a raibh tionchar aici ar De l'esprit des loix (An Ghaeilge: “Spiorad na nDlíthe”) de chuid Montesquieu, agus ar “chumadóirí” Bhunreacht na Stát Aontaithe.

Dúchas

Rugadh Polybius thart ar 208 RCh i Megalopolis,(Ollchathair>), An Arcáid, nuair a bhí sí ina ball gníomhach de Chonradh na hAcháia. Bhí a athair, Lycortas, (Sean-Ghréigis: Λυκόρτας,Lykórtas) ina pholaiteoir iomráiteach a raibh talamh aige, agus ina bhall den uasaicme rialaithe a tháinig chun mar strategos (ginearál i gceannas) ar Chonradh na hAcháia. Dá bhrí sin, bhí Polybius in ann breathnú go díreach ar ghnóthaí polaitiúla agus míleata na cathrach 'Megalopolis'. Chuir sé spéis i marcaíocht capall agus fiach, caitheamh aimsire a bhfuair faomhadh dó ina dhiaidh sin óna bhraighdeanaithe Rómhánacha.

Sa bhliain 182 R.Ch., tugadh mór-onóir dó nuair a roghnaíodh é chun próca luaithrigh Philopoemen a iompair, ceann de pholaiteoirí na hAcháia is cáiliúla dá ghlúin. I 69 RCh nó 170 RCh, toghadh Polybius ina Hipparchus (oifigeach marcra), ócáid a chiallaigh go minic go mbeadh sé tofa don Strategia bhliantúil (ceannaire airm). Bhí a luath ghairmréim pholaitiúil dírithe ar neamhspleáchas Megalopolis a chothabháil.